മറ്റുള്ളവർക്ക് ഇതൊരു കുറച്ചിലായി തോന്നിയാലും ! ഞാൻ വളരെ സന്തോഷത്തോടെ അഭിമാനത്തോടെയാണ് ഈ ജോലി ചെയ്ത് ജീവിക്കുന്നത് ! നടി ആതിരയുടെ ഇപ്പോഴത്തെ ജീവിതം !

മലയാള സിനിമയിൽ ഒരുപാട് ചിത്രങ്ങൾ ഒന്നും ചെയ്തിട്ടില്ല എങ്കിലും ചെയ്ത ചിത്രങ്ങൾ സൂപ്പർ ഹിറ്റായിരുന്നു. നടി ആതിര ചുരുങ്ങിയ ചിത്രങ്ങളിൽ ആതിര സൂപ്പർ സ്റ്റാർ മാമമ്മൂട്ടിയുടെ നായികയായി എത്തിയിരുന്നു, ദാദാസാഹിബ് എന്ന ചിത്രത്തിൽ മമ്മൂട്ടിയുടെ നായികയായി എത്തിയ ആതിര സുരേഷ് ഗോപിയുടെ നായികയായി അണുകുടുംബം എന്ന സിനിയിലും, കൂടാതെ ഭർത്താവ് ഉദ്യോഗം, കാക്കി നക്ഷത്രം, കരുമാടി കുട്ടൻ എന്നിവയാണ് താരം ചെയ്ത മറ്റു സിനിമകൾ.

മലയാളികൾ ഇപ്പോഴും ആതിരയെ മറന്നിട്ടില്ല, അല്ലിയാമ്പൽ പൂവേ എന്ന് തുടങ്ങുന്ന ഗാനം ഇപ്പോഴും സൂപ്പർ ഹിറ്റാണ്. ഈ ചിത്രങ്ങൾക്ക് ശേഷം പിന്നെ ആതിരയെ അധികമാരും കണ്ടിരുന്നില്ല. താരത്തിന്റെ യഥാർഥ പേര് രമ്യ ഗായത്രി  എന്നാണ്. വിവാഹത്തോടെയാണ് താരം സിനിമ ഉപേക്ഷിച്ചത്, വിഷ്ണു നമ്ബൂതിരിയാണ് ആതിരയുടെ ഭർത്താവ്. അദ്ദേഹമൊരു പാചക വിദഗ്‌ധൻ ആണ്, വിവാഹ ശേഷം ഒരു വീട്ടമ്മയായി ആതിര മാറുകയായിരുന്നു.

ഇപ്പോൾ തനറെ ഭർത്താവുമൊത്ത് സ്വന്തമായി ഒരു കാറ്ററിങ് സ്ഥാപനം നടത്തി ജീവിക്കുകുകയാണ് ആതിര. ഇപ്പോൾ ഇഷ്ടപെടുന്ന മേഖല പാചകമാണോ സിനിമയാണോ കൂടുതൽ ഇഷ്ടം എന്ന് ചോതിച്ചാൽ ആതിരയുടെ മറുപടി അത് പാചകം എന്നായിരിക്കും. കാരണം ഇന്ന് ആതിര അത്രത്തോളം ആ മേഖല ഇഷ്ടപെട്ടുകഴിഞ്ഞു, ഈ തൊഴിൽ ചെയുന്നതിനു തനിക്ക് യാതൊരു നാണക്കേടും ഇല്ലന്നും, താൻ വളരെ സന്തോഷത്തോടെയും ആത്മാർഥതയോടെയും ആണ് ഈ തൊഴിൽ ചെയ്യുന്നതുമെന്നാണ് ആതിര പറയുന്നത്.

ഇതാണ് പച്ചയായ ജീവിതം സിനിമയിൽ നിങ്ങൾ കാണുന്നത് വെറും ചമയങ്ങൾ മാത്രമാണ്. അദ്ധ്വാനിച്ച് ജീവിക്കുന്നതിന്റെ സുഖം അതൊന്നു വേറെ തന്നെയാണ്, നല്ല രീതിയാണ് ജീവിക്കുന്നത് എന്ന് നാലാൾ അറിയണം എന്നുണ്ടായിരുന്നു അതിനു  കഴിഞ്ഞു, എന്നാൽ സിനിമയിൽ നിന്നും കുടിച്ചത് കണ്ണീർ മാത്രമാണ്. സിനിമയിൽ എത്ര റീടേക്കുകൾ വേണമെങ്കിലും എടുക്കാം എന്നാൽ പാചകത്തിൽ അത് പറ്റില്ല, ഒരിക്കൽ തെറ്റിയാൽ പിന്നെയെല്ലാം കഴിഞ്ഞു എന്നും ആതിര പറയുന്നു.

ഞാനൊരു സിനിമ നടി ആയിരുന്നു എന്നാൽ ഇപ്പോൾ അല്ല, ആ പേരും പറഞ്ഞുകൊണ്ടിരുന്നാൽ ജീവിക്കാൻ സാധിക്കില്ലല്ലോ, മനസിന് സന്തോഷം തരുന്നതെന്താണോ അത് ചെയ്യുക, അപ്പോഴാണ് ജീവിതം ആസ്വദിക്കാൻ സാധിക്കുകയുള്ളു, എല്ലാ അർഥത്തിലും ഞാനിപ്പോൾ ജീവിതം ആസ്വദിക്കുകയാണ്.  മറ്റ് ജോലികള്‍ പോലെയല്ല പാചകം. നമ്മുടെ ജോലിയുടെ ഫലം വളരെ പെട്ടന്ന് തന്നെ പാചകത്തില്‍ അറിയാന്‍ പറ്റും. കാരണം നമ്മൾ ചെയ്തു നൽകുന്ന ആഹാരം നല്ലതാണോ അല്ലയോ എന്ന് ഉടൻ  തന്നെ  അറിയാൻ സാധിക്കും, ഏവർക്കും നല്ല മികച്ച ആഹാരം ഉണ്ടാക്കി നൽകാൻ ഞങ്ങൾ പ്രത്യേകം ശ്രദ്ധിക്കാറുണ്ടെന്നും താരം പറയുന്നു.

എന്റെ  സിന്സിനിമകൾ ടീവിയിൽ കാണുമ്പോൾ തന്റെ മക്കൾ തുള്ളിച്ചാടാറൊന്നും ഇല്ല. കാരണം  അവര്‍ക്ക് ആതിര എന്ന നടിയെ അറിയില്ല. രമ്യ എന്ന അവരുടെ അമ്മയെ മാത്രമേ അറിയൂ. ഞങ്ങളുടെ കാറ്ററിങ് സ്ഥാപനത്തിന് ഓർഡർ കിട്ടിയ ഭക്ഷണ സാധനവുമായി ചില വീടുകളിൽ പോകുമ്പോൾ അവർക്കൊക്കെ എന്നെ കാണുമ്പോൾ വലിയ ആകാംഷയുടെയും സന്തോഷത്തോടെയും ഓടിവന്ന് എന്റെ അടുത്തുനിന്ന് സെൽഫിയൊക്കെ എടുക്കും എന്നും താരം പറയുന്നു. പക്ഷെ അപ്പോൾ ഞാൻ ചോദിക്കും  കരിയും പുകയും പിടിച്ച് അടുക്കളയിലെ ജോലി ചെയ്താണ് ഞാൻ വന്നിരിക്കുന്നത്. ബ്യൂട്ടിപാർലറിൽ പോയി എന്നും ഫേഷ്യൽ ചെയ്യാൻ എനിക്ക് കഴിയില്ല എന്നെക്കാൾ സുന്ദരിമാർ അല്ലേ നിങ്ങളെല്ലാവരും പിന്നെ എന്തിനാണ് എനിക്കൊപ്പം ഫോട്ടോ എടുക്കുന്നത് എന്ന്. മന സന്തോഷത്തിന്റെ കാര്യത്തിൽ ഞാൻ ഇപ്പോൾ അതി സമ്പന്നയാണ് എന്നാണ് ആതിര പറയുന്നത്…..