‘നാണംകെട്ടവന്‍’ എന്ന് ആളുകള്‍ വിളിക്കുമ്പോള്‍ എനിക്ക് അഭിമാനമാണ് ! ധൈര്യമുണ്ടെങ്കില്‍ എന്നെപ്പോലെ ജീവിക്കൂ… വിമര്‍ശകരെ വെല്ലുവിളിച്ച്

മലയാള സിനിമ  സംഗീത ലോകത്തിന് ഒരുപിടി മികച്ച ഗാനങ്ങൾ സമ്മാനിച്ച സംഗീത സംവിധാകനാണ് ഗോപി സുന്ദർ. എന്നാൽ വ്യക്തി ജീവിതത്തിൽ ഏറെ വിമർശനങ്ങൾ നേരിടുന്ന ഗോപി അതിനെയെല്ലാം വകവെക്കാതെ താൻ ഇഷ്ടപെടുന്ന തന്റെ ജീവിതം ആസ്വദിച്ച് ജീവിക്കുകയാണ്. നാണംകെട്ടവന്‍ എന്ന് ആളുകള്‍ വിളിക്കുന്നത് തനിക്ക് അഭിമാനമാണെന്ന് സംഗീതസംവിധായകന്‍ ഗോപി സുന്ദര്‍. സുഹൃത്തായ മയോനി എന്ന പ്രിയ നായര്‍ക്കൊപ്പമുള്ള ചിത്രം പങ്കുവച്ചാണ് ഗോപി സുന്ദറിന്റെ ഫെയ്‌സ്ബുക് കുറിപ്പ്. ബൈബിളിലെ ആദമിന്റെയും ഹവ്വയുടെയും കഥ കൂടി ഉദ്ധരിച്ചാണ് ഗോപി സുന്ദറിന്റെ പോസ്റ്റ്.

അദ്ദേഹത്തിന്റെ വാക്കുകൾ ഇങ്ങനെ, ”ആളുകള്‍ മറ്റുള്ളവരെ പ്രീതിപ്പെടുത്താന്‍ സ്വന്തം വ്യക്തിത്വം മറച്ചുവച്ച് മറ്റൊരാളായി അഭിനയിക്കുന്നു. പക്ഷേ എനിക്ക് അതിന് കഴിയില്ല. ഞാന്‍ എന്താണോ, ആരാണോ അങ്ങനെ തന്നെയാണ് ജീവിക്കുന്നത്. ‘നാണംകെട്ടവന്‍’ എന്ന് എന്നെ ആളുകള്‍ വിളിക്കുമ്പോള്‍ എനിക്ക് അഭിമാനമാണ്.” ”ആദത്തിന്റെയും ഈവയുടെയും കഥയില്‍, അനുസരണക്കേടാണ് ആദമിനെയും ഹവ്വയെയും നാണക്കേടിലേക്കും ഒളിവിലേക്കും നയിച്ചത്. എന്നാല്‍ അവരെ സൃഷ്ടിച്ചത് യഥാര്‍ഥ വ്യക്തികളായി, സത്യസന്ധമായി ജീവിക്കാനാണ്. സത്യം നിങ്ങളെ സ്വതന്ത്രരാക്കും’ (യോഹന്നാന്‍ 8:32) എന്നാണ് ദൈവവചനം.’ ദൈവം പ്രകടനങ്ങളേക്കാള്‍ സത്യത്തിന്റെ വിശ്വാസ്യതയ്ക്കുമാണ് വിലകല്‍പ്പിക്കുന്നത്.

നിങ്ങൾക്ക് ധൈര്യമുണ്ടെങ്കില്‍ എന്നെപ്പോലെ ജീവിക്കൂ എന്ന് ഗോപി സുന്ദര്‍ വിമര്‍ശകരെ വെല്ലുവിളിക്കുന്നു. ‘നമുക്ക് ഒരു ജീവിതമേയുള്ളു, അത് പൂര്‍ണതയോടെ ജീവിക്കുക, മറ്റുള്ളവരെ ജീവിക്കാന്‍ വിടുക. സമ്മതം എന്നതിനെ എല്ലായ്‌പ്പോഴും ബഹുമാനിക്കുക. സന്തോഷമായിരിക്കൂ, യഥാര്‍ഥ വ്യക്തിയായി ജീവിക്കൂ. എല്ലാവര്‍ക്കും പുതുവത്സരാശംസകള്‍, എന്നാണ് ഗോപി സുന്ദര്‍ കുറിച്ചിരിക്കുന്നത്.. തന്റെ സുഹൃത്ത് മയോണിക്ക് ഒപ്പമുള്ള തന്റെ ചിത്രങ്ങൾ അദ്ദേഹം ഇടക്കെല്ലാം സമൂഹ മാധ്യമങ്ങളിൽ പങ്കുവെക്കാറുണ്ട്.

Articles You May Like

Leave a Reply

Your email address will not be published. Required fields are marked *