ജയറാമിനെ ഭാഗ്യം തുണച്ചില്ല, വളരെയധികം വിലകുറച്ച് കാണപ്പെട്ട നടനാണ് ജയറാം ! വേദനയോടെയാണ് ഇത് പറയുന്നത് !
മലയാളികൾക്ക് എക്കാലവും പ്രിയങ്കരനായ നടനാണ് ജയറാം, കുടുംബ പ്രേക്ഷകരുടെ ഇഷ്ട താരം, അദ്ദേഹം ഇപ്പോൾ മലയാള സിനിമയിൽ അത്ര സജീവമല്ല എങ്കിലും ജയറാം എന്ന നടന്റെ ജനപ്രീതിക്ക് ഇവിടെ ഒരിടവും സംഭവിച്ചിട്ടില്ല, അദ്ദേഹത്തിന്റെ ഏറ്റവും ഒടുവിൽ റിലീസ് ചെയ്ത ചിത്രം ഓസ്ലർ വളരെ മികച്ച വിജയം കരസ്ഥമാക്കിയിരുന്നു. ഇപ്പോഴിതാ ജയറാമിനെ കുറിച്ച് പ്രശസ്ത സംവിധായകൻ കമൽ പറഞ്ഞ വാക്കുകളാണ് ഏറെ ശ്രദ്ധ നേടുന്നത്. കൗമുദി മൂവിസില് ‘നടൻ’ എന്ന ചിത്രത്തെക്കുറിച്ച് സംസാരിക്കുന്നതിനിടെയായിരുന്നു കമലിന്റെ പ്രതികരണം.
അദ്ദേഹത്തിന്റെ ആ വാക്കുകൾ ഇങ്ങനെ, ജയറാം ഒരുപാട് സിനിമകളില് വളരെ മനോഹരമായി അഭിനയിക്കുകയും മികച്ച കഥാപാത്രങ്ങളെ അവതരിപ്പിക്കുകയും ചെയ്തിട്ടുണ്ട്. പക്ഷേ എവിടെയോ ജയറാമിന് ഭാഗ്യമില്ലാതെ പോയ അവസ്ഥയുണ്ടായി. മികച്ച നടൻ എന്ന പുരസ്കാരം ഇതുവരെയും ജയറാമിനെ തേടിയെത്തിയിട്ടില്ല. ‘ശേഷം’ എന്ന സിനിമയില് വളരെ മികച്ച രീതിയിലാണ് അദ്ദേഹം കഥാപാത്രത്തെ അവതരിപ്പിച്ചത്. അന്ന് മികച്ച നടനുള്ള ദേശീയ അവാർഡ് വരെ പ്രതീക്ഷിച്ചിരുന്നു. എന്നാല് ആ സിനിമയ്ക്ക് പുരസ്കാരം കിട്ടിയെങ്കിലും അദ്ദേഹത്തിന് കിട്ടാതെപ്പോയി. അതുപോലെതന്നെ ‘നടൻ’ എന്നാ സിനിമയിലും സംഭവിച്ചു.
പക്ഷെ നടൻ എന്ന സിനിമയിലൂടെ ആ പുരസ്കാരം ജയറാമിന് ലഭിക്കുമെന്ന് ഞാനും പ്രതീക്ഷിച്ചു. എന്നെ പോലെ തന്നെ ജയറാമും അത് ഒരുപാട് ആഗ്രഹിച്ചിരുന്നു. ഷാജി കരുണിന്റെ സിനിമയിലെ കഥാപാത്രത്തിനും നടനിലെ അഭിനയത്തിനുംകൂടി ഒരുമിച്ച് പുരസ്കാരം പ്രതീക്ഷിച്ചു. പക്ഷേ ജയറാമിനെ ഭാഗ്യം തുണച്ചില്ല. അദ്ദേഹത്തെ വളരെയധികം വിലകുറച്ച് കണ്ടു. കോമഡി മാത്രം ചെയ്താലേ ജയറാം നന്നാവുകയുള്ളൂ എന്നൊരു തെറ്റിദ്ധാരണ പ്രേക്ഷകരുടെ മനസിലും ഉണ്ടായി. നടനില് ജയറാമിന്റെ കഥാപാത്രം കോമഡിയൊന്നും ചെയ്തിട്ടില്ല. വളരെ സീരിയസ് ആയ വേഷമാണ് ചെയ്തത്. പല സ്റ്റേജുകളില് ജയറാമിന്റെ കഥാപാത്രം എത്തുന്നുണ്ട്.
ചെറുപ്പക്കാരനായിട്ടും, പ്രായം ചെന്ന അവസ്ഥയിലുമെല്ലാം, അതിൽ ആ അവസാന ഭാഗങ്ങളിലൊക്കെ വളരെ മനോഹരമായാണ് ജയറാം പെർഫോം ചെയ്തത്. എന്നിട്ടും പ്രേക്ഷകർ അത് കണ്ടില്ല എന്നത് വേദനയുളവാക്കുന്നതാണ്. ഇപ്പോഴും ഞാനും ജയറാമും അത് മനസില് കൊണ്ട് നടക്കുന്നു എന്നതാണ് സത്യം. ചില സിനിമകള് അങ്ങനെയാണ്, തിയേറ്ററുകളില് വിജയിച്ചില്ലെങ്കിലും നമ്മുടെ ഹൃദയത്തോട് ചേർത്തുവയ്ക്കുന്ന ചില സിനിമകള് ഉണ്ടായിരിക്കും എന്നും കമല് പറയുന്നു.
Leave a Reply