അന്ന് ഞാൻ മഞ്ജുവിന്റെ കണ്ണുകളിൽ കണ്ട ആ ഒരു തിളക്കമാണ് ഇപ്പോൾ ഈ കുട്ടിയിലും കാണുന്നത് ! ഭാവിയിലെ സൂപ്പർ സ്റ്റാർ ! ദേവനന്ദയെ കുറിച്ച് മണിയൻ പിള്ള രാജു !

മാളികപ്പുറം എന്ന സിനിമയിൽ കൂടി ഏവർക്കും പ്രിയങ്കരിയായി മാറിയ കുറ്റിതാരമാണ് ദേവനന്ദ. അടുത്തിടെ മണിയൻപിള്ള രാജു നിർമ്മിച്ച ചിത്രം ‘ഗു’ എന്ന സിനിമയിൽ ദേവനന്ദ അഭിനയിച്ചിരുന്നു, ഇതിന്റെ പ്രൊമോഷൻ വേളയിൽ ദേവാനന്ദയെ കുറിച്ച് മണിയൻപിള്ള പറഞ്ഞ വാക്കുകളാണ് ഇപ്പോൾ വീണ്ടും ശ്രദ്ധ നേടുന്നത്. വാക്കുകൾ ഇങ്ങനെ.. ‘മാളികപ്പുറം എന്ന സിനിമ ഞാന്‍ മനുവിനോടപ്പം കണ്ടിട്ടിറങ്ങിയപ്പോളാണ് എനിക്ക് അതിലെ കുട്ടിയെ ഹീറോയാക്കി ഒരു സിനിമ ചെയ്താല്‍ മലയാളികള്‍ എല്ലാം കാണും എന്ന് തോന്നിയത്. അത് ഞാന്‍ മനുവിനോട് പറയുകയും ചെയ്തിരുന്നു. ഇതിനുമുമ്പ് ഞാന്‍ മഞ്ജു വാര്യറെ ചൂണ്ടികാണിച്ചിട്ടാണ് ഇതുപോലെ പറഞ്ഞിട്ടുള്ളത്.

എന്റെ ഇത്രയും നാളത്തെ സിനിമ ജീവിതത്തിൽ ഞാൻ ഏറെ ആരാധിക്കുകയും ബഹുമാനിക്കുകയും ചെയ്യുന്ന ഒരു കുട്ടിയാണ് മഞ്ജു. മുമ്പ് ഞാന്‍ ആറാം തമ്പുരാന്‍ സിനിമയുടെ ഷൂട്ടിലാണ് മഞ്ജുവുമായി പരിചയപ്പെടുന്നതും എനിക്ക് ഭയങ്കര ഇഷ്ടപെടുന്നതും. അന്നെല്ലാം മഞ്ജുവിന്റെ അഭിനയവും അവരുടെ മുഖത്ത് മിന്നിമായുന്ന ഭാവങ്ങള്‍ കാണാനും ക്യാമറയുടെ സൈഡില്‍ ചെന്നു നിക്കാറുണ്ട്. അങ്ങനെയാണ് ഞാന്‍ ഈ കുട്ടിയെ ഹീറോയിന്‍ അല്ല, നമുക്ക് ഹീറോ ആക്കിത്തന്നെ ഒരു സിനിമയെടുക്കണം എന്ന് ടി. കെ. രാജീവ്കുമാറിനോട് പറയുന്നത്.

അങ്ങനെ ആ സമയത്താണ് രാജീവ് ഒരു കുട്ടനാടന്‍, റിവഞ്ച് സബ്‌ജെക്ട് ഉണ്ട്, നമുക്ക് അത് നന്നായി ഷൂട്ട് ചെയ്യാം എന്ന് പറയുന്നത്. അങ്ങനെയാണ് ‘കണ്ണെഴുതി പൊട്ടും തൊട്ട്’ എന്ന സൂപ്പർ ഹിറ്റ് സിനിമ പിറക്കുന്നത്. അതുപോലെയാണ് ഞാന്‍ ദേവാനന്ദയെ പറയുന്നത്, മഞ്ജുവിനെ പോലെത്തന്നെ അഭിനയിക്കുമ്പോൾ കണ്ണുകളിലെ ആ തിളക്കം അത് അങ്ങനെ എല്ലാവർക്കും ഉണ്ടായിയെന്ന് വരില്ല, ദേവനന്ദ വളരെ കഴിവുള്ള കുട്ടിയാണ്, ഒരു പക്ഷെ ഈ കുട്ടി ഇല്ലായിരുന്നെങ്കില്‍ ഞാന്‍ ഈ സിനിമ പ്ലാന്‍ ചെയ്യില്ലായിരുന്നു. അത് സിനിമ കണ്ടാല്‍ നിങ്ങളും പറയും എന്നും മണിയൻപിള്ള രാജു പറയുന്നു.