ഇപ്പോഴും എന്റെ അമ്മ ഏതെങ്കിലും ഷൂട്ട് കഴിഞ്ഞ് തിരികെ വീട്ടിലേക്ക് വരും എന്ന പ്രതീക്ഷയിലാണ് ഞാൻ ! മകൾ ശ്രീമയി ! അമ്മയോട് പറയാതെപോയ ആ കാര്യം !!!

നമ്മൾ മലയാളികൾ ഒരിക്കലും മറക്കാത്ത ഒരു അഭിനേത്രിയാണ് കൽപന. ഒരുപാട് മികച്ച ചിത്രങ്ങളുടെ ഭാഗമായ കല്പനയുടെ അപ്രതീക്ഷിത വിയോഗം അവരെ സ്നേഹിക്കുന്നവർക്കും ഒപ്പം ഓരോ മലയികൾക്കും തീർത്ത തീരാത്ത അത്ര നഷ്ടവും ദുഖവുമാണ്. അമ്മയുടെ വേർപാട് ഇപ്പോഴും അംഗീകരികാത്ത ഒരു മകളും, സ്വാൻഹാം മകളുടെ നഷ്ടം ഉൾകൊള്ളാൻ കഴിയാത്ത ഒരമ്മയും ഇപ്പോഴും ആ വീട്ടിൽ ഓർമകളുമായി കഴിയുന്നു. തൃപ്പൂണിത്തുറയിലെ അവരുടെ ഫ്ളാറ്റിന്റെ ചുവരിലൊന്നും കൽപനയുടെ ഫോട്ടോ വച്ചിട്ടില്ല. കാരണം, അങ്ങനെ ചുവരിൽ മാലയിട്ടു വയ്ക്കാനായി കൽപന പോയതായി ആ അമ്മയും മകളും വിശ്വസിക്കുന്നില്ല.

അമ്മയെ കുറിച്ച് മകൾ ശ്രീമയി പറഞ്ഞ കാര്യങ്ങളാണ് ഇപ്പോൾ പ്രേക്ഷക ശ്രദ്ധ നേടുന്നത്. മീനു എന്നാണ് ഞാൻ അമ്മയെ വിളിച്ചിരുന്നത്. അമ്മ ഞങ്ങളെ വിട്ട് എങ്ങും പോയിട്ടില്ല എന്ന് തന്നെ വിശ്വാസിക്കാനാണ് ഞങ്ങൾക്കിഷ്ട്ടം, ഏതോ ലൊക്കേഷനിൽ നിന്ന് ചിരിച്ച മുഖത്തോടെ ഉച്ചത്തിൽ വിശേഷവും പറഞ്ഞുകൊണ്ട് എപ്പോൾ വേണമെങ്കിലും അമ്മ വന്നു കയറുമെന്ന പ്രതീക്ഷയിലാണ് ഞങ്ങളുടെ മുന്നോട്ടുള്ള ജീവിതം. അമ്മ ഒരുപാട് കാര്യങ്ങൾ പറഞ്ഞു പഠിപ്പിച്ചിരുന്നു. അതിൽ ഏറ്റവും ആദ്യം ഗുരുത്വം. അതെപ്പോഴും നമ്മുടെ ഉള്ളിൽ വേണമെന്ന് അമ്മ പറഞ്ഞിരുന്നു.

എളിമ വിനയം, മുതിർന്നവരോടുള്ള ബഹുമാനം, കാരണവ സ്ഥാനത്തുള്ളവർ വീട്ടിൽ കയറി വരുമ്പോൾ കാലിൻ മേൽ കാൽ കയറ്റി വച്ച് ഇരിക്കരുത്, മറ്റുളവരിൽ നിന്നും  അഹങ്കാരിയെന്ന പേര് കേൾപ്പിക്കരുത്.  ഗുരുസ്ഥാനത്തുള്ളവരുടെ ശാപം വാങ്ങരുത് ഇതൊക്കെ എപ്പോഴും ഉളിൽ ഉണ്ടാകണം എന്നും കൂടാതെ ഈശ്വര ഭക്തി, മനസ്സിൽ എപ്പോഴും ഈശ്വരചിന്ത ഇതെപ്പോഴും മനസ്സിലുണ്ടാകണമെന്നും. അതും വെറും പ്രകടനമായ മറ്റുള്ളവരെ കാണിക്കാൻ വേണ്ടിയുള്ള ഭക്തിയാകരുത്. ഭക്തിയെന്നാൽ അത് മറ്റുള്ളവരോടുള്ള അലിവും, സ്നേഹവും ആർദ്രതയും ഒക്കെയാണെന്നാണ് അമ്മ എന്നെ പഠിപ്പിച്ചത്.

അതുപോലെ അമ്മ അമ്മക്ക് കഴിയുന്നത് പോലെ ഒരുപാട് പേരെ സഹായിച്ചിരുന്നു, പക്ഷെ എന്റെ ഉള്ളിലെ ഒരു വലിയ മോഹം അത് ഞാൻ ഒരിക്കലൂം അമ്മയോട് തുറന്ന് പറഞ്ഞിരുന്നില്ല. അത് ഇപ്പോഴും ഉള്ളിൽ ഒരു നോവാണ്. എനിക്ക് അഭിനയിക്കണം എന്നൊരു വലിയ ആഹ്രഹം ഉണ്ടായിരുന്നു, പക്ഷെ അത് ഒരിക്കൽ പോലും അമ്മയോട് ഞാൻ തുറന്ന് പറഞ്ഞിരുന്നില്ല, . പിന്നെ ആകട്ടെ എന്ന് കരുതി കരുതി അത് പിന്നീട് പറയാൻ പറ്റാതെ പോയി. എന്റെ രക്തത്തിൽ അത് ഉള്ളത് കൊണ്ടാകും. മനസ്സിൽ ഇപ്പോഴും വലിയ ഒരു ആഹ്രഹമാണ്. പിന്നെ എനിക്ക് മാത്രമല്ല കുഞ്ഞാറ്റക്കും മറ്റു കസിൻസിന് എല്ലാവർക്കും വലിയ ആഹ്രഹമാണ് സിനിമ എന്നത്. പിന്നെ കഴിവും ഈശ്വര അനുഗ്രഹവും ഉണ്ടായാൽ സാധിക്കും എന്നും ശ്രീമയി പറയുന്നു.