ഓരോ തവണ പ്രസവത്തിന് പോകുമ്പോഴും മനസ്സിൽ ആൺ കുട്ടി ആകും എന്ന ഉറപ്പായിരുന്നു, പേടിച്ചാണ് പോയിരുന്നത് ! മക്കളുടെ പേരിനു പിന്നിലെ രഹസ്യം സിന്ദുകൃഷ്ണ പറയുന്നു !

ഇന്ന് ഏവർക്കും പ്രിയങ്കരനായ നടനും പൊതുപ്രവർത്തകനുമാണ് കൃഷ്ണകുമാർ അദ്ദേഹത്തിന്റെ കുടുംബവും ഇന്ന് മലയാളികളുടെ ഇഷ്ട താര കുടുംബങ്ങളിൽ ഒന്നാണ്. കുടുംബത്തിലെ എല്ലാവരും സമൂഹ മാധ്യമങ്ങളിൽ വളരെ സജീവമായതുകൊണ്ടുതന്നെ ഇവരെ കൊച്ചു കൊച്ചു വിശേഷങ്ങൾ പോലും വളരെ ശ്രദ്ധ നേടാറുണ്ട്. അത്തരത്തിൽ ഇപ്പോൾ തന്റെ പ്രസവ സമയത്തെ കാര്യങ്ങളെ കുറിച്ച് സിന്ധു കൃഷണ പറഞ്ഞ കാര്യങ്ങളാണ് ഇപ്പോൾ ശ്രദ്ധ നേടിയത്. സിന്ധു കൃഷ്ണയും യൂട്യൂബില്‍ സജീവമാണ്. മക്കളെക്കുറിച്ചും ഭര്‍ത്താവിനെക്കുറിച്ചും ജീവിതത്തിലെ മറ്റ് വിശേഷങ്ങളെക്കുറിച്ചുമൊക്കെയാണ് സിന്ധു കൃഷ്ണ കൂടുതലും പങ്കുവെക്കാറുള്ളത്.

സിന്ധുവിന്റെ വാക്കുകൾ ഇങ്ങനെ, ഇന്‍ജെക്ഷനും ബ്ലഡും ഒക്കെ കാണുന്നതുതന്നെ  ഭയങ്കര പേടിയായ ഞാൻ എങ്ങനെയാണ് ഈ നാല് പ്രസവിച്ചത് എന്ന് എപ്പോഴും ഞാനാലോചിക്കുന്ന കാര്യമാണത്. എല്ലാം നോര്‍മലി ഡെലിവറിയായിരുന്നു. ഒരുപാടുപേര്‍ എന്നോട് ഡെലിവറി സ്‌റ്റോറി ചോദിച്ചിരുന്നു. നമ്മൾ സ്ത്രീകൾ പ്രഗ്നന്റായിക്കഴിഞ്ഞാല്‍ ഡെലിവറി സംഭവിച്ചേ മതിയാവൂ, അവിടെ പിന്നെ പേടിയും വേദനക്കുമൊന്നും ഒരു പ്രസക്തിയില്ല. ആ അവസ്ഥ തരണം ചെയ്യാനുള്ള ശക്തി നമുക്ക് കിട്ടും. ഓരോ തവണയും പേടിച്ചാണ് ഞാന്‍ ആശുപത്രിയിലേക്ക് പോയത്. സഹിക്കാന്‍ പറ്റാത്ത വേദനയായിരുന്നു. അന്ന് എന്തൊക്കെയാ കാണിച്ചതെന്നൊന്നും ഓര്‍മ്മയില്ല.

അഹാനയെ ഗർഭിണി ആയിരുന്നത് മുതൽ എല്ലാവരും ഉറപ്പിച്ചു പറഞ്ഞിരുന്നു ഇത് ആൺ കുട്ടിയാണ് എന്ന്.. ആണ്‍കുഞ്ഞിന്റെ പേരുകളായിരുന്നു കണ്ടുപിടിച്ചത്, അത് മാറ്റി ഞങ്ങൾ അത് അഹാന ആക്കി, പിന്നെ ഇഷാനിയെ ഗർഭിണി ആയിരുന്നപ്പോഴും പലരും ഉറപ്പിച്ചു പറഞ്ഞു ആൺകുട്ടി ആയിരിക്കുമെന്ന് അങ്ങനെ ഞങ്ങൾ ഇഷാൻ എന്ന പേര് കണ്ടുപിടിച്ചു, മകൾ ആണെന്ന് കണ്ടപ്പോൾ ഇഷാനി എന്നാക്കി. 30 വയസിനുള്ളില്‍ മക്കളുടെ വിവാഹം നടത്തുമോയെന്ന ചോദ്യത്തിനും സിന്ധു കൃഷ്ണ മറുപടിയേകിയിരുന്നു. ഞാന്‍ 20 വയസില്‍ വിവാഹിതയായ ആളാണ്. 29 ആയപ്പോള്‍ എനിക്ക് 3 കുട്ടികളുണ്ടായിരുന്നു. കരിയറിനാണ് പ്രാധാന്യം നല്‍കുന്നതെങ്കില്‍ 30ന് മുന്‍പ് എന്നത് നടക്കില്ലല്ലോ, അത് അവരവരുടെ തീരുമാനമാണ്. 30 ന് ശേഷം വിവാഹം ചെയ്യുന്നത് മോശം കാര്യമൊന്നുമല്ല.

അതുപോലെ കൃഷ്‌ണ കുമാർ പറഞ്ഞിരുന്നു തന്റെ 26 മത്തെ വയസ്സിൽ ജീവിത യാത്രക്ക് ശക്തിയും സന്തോഷവും ആവോളം തന്നു കൊണ്ട് സുന്ദരിയായ സിന്ധു കൂടെ കൂടി. പിന്നെ എല്ലാ രണ്ടര വർഷങ്ങൾക്കിടയിലും മുന്നോട്ടുള്ള യാത്രക്ക് പ്രകാശവും ഊർജവും തന്നുകൊണ്ട് കൊണ്ട് പുതിയ മൂന്നു നക്ഷത്രങ്ങൾ വന്നു. 2004 ലിൽ എല്ലാവരുടേയും ആഗ്രഹം പോലെ ഒരു ഒരു വീട് തട്ടി കൂട്ടാനും ഭാഗ്യമുണ്ടായി. ആ വീടിനു “സ്ത്രീ” എന്നും പേരും ഇട്ടു. മൂന്ന് മക്കളും വാടക വീട്ടിൽ ജനിച്ചതല്ലേ. സ്വന്തം വീട്ടിലും ഒന്ന് വേണ്ടേ എന്നൊരു ചിന്ത വന്നു. ആ ചിന്തയാണ് ഹാൻസിക.. മകം പിറന്ന മങ്ക.

അങ്ങനെ നടനും ഭർത്താവും ആയിരുന്ന ഞാൻ മക്കളുടെ അച്ഛൻ എന്ന പേരിൽ അറിയപ്പെടാൻ തുടങ്ങി, നമ്മുടെ ജീവിതത്തിൽ ഓരോ ഘട്ടം കഴിയുംതോറും നമ്മുടെ സ്ഥാനപ്പേരുകളും മേൽവിലാസവും മാറികൊണ്ടിരിക്കുകയാണ്. കഴിഞ്ഞ രണ്ടു മാസങ്ങളായി പുതിയ ഒരു സ്വപ്നം എന്റെ ഉറക്കം കെടുത്തുന്നു. ഇനിയും ഉണ്ട് സ്വപ്നങ്ങൾ എന്നും കൃഷ്ണകുമാർ പറഞ്ഞിരുന്നു.