‘ആ ഒരൊറ്റ കാര്യത്തിലാണ് എനിക്ക് ദുൽഖറിനോട് അസൂയ’ ! അവൻ അതൊക്കെ അഭിമാനത്തോടെ മമ്മൂക്കക്ക് ചെയ്യുന്നത് കാണുമ്പോൾ എന്റെ ഉള്ളിലൊരു സങ്കടമാണ് ! പൃഥ്വിരാജ് പറയുന്നു !

സുകുമാരൻ എന്ന നടൻ മലയാള സിനിമയുടെ നട്ടെല്ലായിരുന്നു. അദ്ദേഹം ആഗ്രഹിച്ചത് പോലെ തന്റെ രണ്ടു ആണ്മക്കളും ഇന്ന് മലയാള സിനിമ രംഗത്ത് തന്റേതായ സ്ഥാനം ഉറപ്പിച്ചുകഴിഞ്ഞു. ഇളയ മകൻ പൃഥ്വിരാജ് ഇന്ന് മലയാള സിനിമ നിയന്ത്രിക്കാൻ കഴിവുള്ള ഒരു മികച്ച നിർമാതാവും സംവിധായകനും ഒപ്പം ഡിസ്ട്രിബൂട്ടറുമാണ്. കരിയറിൽ ഒരുപാട് നേട്ടങ്ങൾ ഇതിനോടകം പൃഥ്വിരാജ് സ്വന്തമാക്കി കഴിഞ്ഞു. പലതരം പ്രതിസന്ധികൾ തരണം ചെയ്താണ് പൃഥ്വി ഇന്ന് ഈ കാണുന്ന നിലയിൽ എത്തിയത്.

എന്നാൽ ഈ നേട്ടങ്ങൾക്ക് ഇടയിലും തന്റെ ഉള്ളു ഉലായുന്ന ഒരു നോവ് എപ്പോഴും ഉണ്ട് എന്നാണ് പൃഥ്വിരാജ് പറയുന്നത്, അത് ഒരുപക്ഷെ തനിക്ക് മാത്രമല്ല തന്റെ ചേട്ടനും, അതുപോലെ കുടുംബത്തിൽ ഏല്ലാവർക്കും ഒരുപോലെ ആ ഒരു ദുഃഖം ഉണ്ട് എന്നും രാജു പറയുന്നു. വലിയ നേട്ടങ്ങള്‍ സ്വന്തമാക്കുമ്പോൾ സുകുമാരന്‍ എന്ന അച്ഛന്‍ കൂടെയില്ലാത്തതു പറഞ്ഞ് അറിയിക്കാൻ കഴിയാത്ത അത്ര വലിയ ദുഖമാണ് എന്നുള്ളത് തുറന്ന് പറയുകയാണ് പൃഥ്വി. നല്ല വിഷമമുണ്ട്. എന്റെ നേട്ടത്തിൽ സന്തോഷം പങ്കിടാൻ അച്ഛനില്ല,  ഞങ്ങളുടെ വിജയങ്ങള്‍ കാണാൻ അദ്ദേഹം ഇല്ലല്ലോ എന്നത് ഒരു വലിയ ദുഖമാണ്, ഒരു പക്ഷെ അച്ഛന്‍ ഇന്നുണ്ടായിരുന്നെങ്കില്‍ ഈ നിമിഷങ്ങൾ അദ്ദേഹം ഒരുപാട് ആസ്വദിച്ചേനെ. അദ്ദേഹം ഒരുപാട് സന്തോഷിക്കുമായിരുന്നു എന്നും പൃഥ്വിരാജ് പറയുന്നു.

സിനിമ രംഗത്ത് തന്റെ അടുത്ത ദുഹൃത്തുക്കളിൽ ഒരാളാണ് ദുൽഖർ. ദുല്‍ഖര്‍ എന്ന മകന്‍ നേടുന്ന വിജയങ്ങള്‍ കണ്ട് മമ്മൂട്ടി എന്ന പിതാവിന് ആസ്വദിക്കാനും അഭിമാനിക്കുകയും  ചെയ്യുന്നുണ്ട്. അതുപോലെ തന്നെ തന്റെ അച്ഛനായ മമ്മൂട്ടിക്ക് വേണ്ടി അവന്റെ വരുമാനത്തിൽ നിന്ന് ഒരു സമ്മാനം വാങ്ങി നല്കുമ്പോഴൊക്കെ ദുല്‍ഖറിനും വലിയ അഭിമാനവും സന്തോഷവുമാണ്. എന്നാൽ ഇന്ന് എനിക്കതിന് കഴിവ് ഉണ്ടായിട്ടും അത്തരമൊരു ഭാഗ്യം ഇല്ലാത്തതിൽ വലിയ ഒരു വേദനയാണ്.

എന്റെ കൂട്ടുകാരും സഹപ്രവർത്തകരും അവരുടെ അച്ഛന് വേണ്ടി ഓരോന്ന് ചെയ്യുന്നത് കാണുമ്പോൾ ഉള്ള് ഒന്ന് പിടയാറുണ്ട് എന്നും രാജു തുറന്ന് പറയുന്നു. ഒരു പക്ഷെ അദ്ദേഹം ഇന്ന് ജീവിച്ചിരുപ്പുണ്ടായിരുന്നെങ്കിൽ ആഗ്രഹിക്കുന്ന എന്തും ആ കാൽച്ചുവട്ടിൽ എത്തിച്ചുകൊടുക്കാൻ കഴിവുള്ള ഒരു നടനാണ് ഇന്ന് പൃഥ്വിരാജ്.  ഷാജി കൈലാസ് സംവിധാനത്തിൽ പുറത്തിറങ്ങാൻ പോകുന്ന പൃഥ്വിയുടെ കടുവ, ശേഷം ആട് ജീവിതം, ജനഗണമന തുടങ്ങിയ ചിത്രങ്ങളാണ്  ഇനി പുതിയ റിലീസുകൾ.