എനിക്കിപ്പോഴും അറിയില്ല സന്തോഷ് ഏട്ടൻ, എന്തിനാണ് അങ്ങനെ പറഞ്ഞതെന്ന് ! എന്തും പറയാമെന്നത് ചേട്ടന്റെ അവകാശമാണെന്ന് കരുതി ! നവ്യ നായർ !

ഇഷ്ടം എന്ന സിനിമയിൽ കൂടി എത്തി മലയാളി പ്രേക്ഷകരുടെ ഇഷ്ടം നേടിയെടുത്ത ആളാണ് നവ്യ നായർ. സിനിമയിൽ തിളങ്ങി നിൽക്കുമ്പോഴാണ് നവ്യ വിവാഹിതയായി സിനിമ ഉപേക്ഷിക്കുന്നത്. ശേഷം ഇപ്പോൾ വീണ്ടും സിനിമയിലേക്ക് ശക്തമായ തിരിച്ചുവരവ് നടത്തിയിരിക്കുകയാണ് നവ്യ. ഡാൻസ് സ്‌കൂളും അതുപോലെ സിനിമകളുമായി ഇപ്പോൾ തിരക്കിലാണ് നവ്യ. താരത്തിന്റെ ഏറ്റവും പുതിയ സിനിമ ജാനകി ജാനേ വിജയകരമായി പ്രദർശനം തുടരുന്നു.

ഈ അവസരത്തിൽ ദി ക്യൂ സ്റുഡിയോക്ക് നവ്യ നൽകിയ അഭിമുഖത്തിൽ വിവാഹ ശേഷം തനിക്ക് തന്റെ ഇഷ്ടങ്ങളെ മാറ്റി നിർത്തേണ്ടി വന്നു എന്ന് തുറന്ന് പറഞ്ഞിരുന്നു. നവ്യയുടെ ആ വാക്കുകൾ ഇങ്ങനെ, ഞാൻ സിനിമയിൽ തിരിച്ചു വരണമെന്ന് ആ​ഗ്രഹിച്ച ആളല്ല. മതിയായെന്ന് തോന്നിയാണ് നിർത്തിയത്. എല്ലാ ദിവസവും ഇത് തന്നെയല്ലേ ചെയ്യുന്നത്. അങ്ങനെയാണ് കല്യാണം കഴിച്ചത്. കല്യാണം കഴിച്ചാൽ പിന്നെ അഭിനയിക്കില്ലെന്നത് നാട്ടു നടപ്പായിരുന്നു. അത് തന്നെയായിരുന്നു ഞാനും വിശ്വസിച്ചിരുന്നത്.

നമ്മൾ ചെറുപ്പം മുതൽ കേട്ട് ശീലിക്കുന്നതാണ് നമ്മുടെ ജീവിതത്തിൽ പ്രാവർത്തികമാക്കുന്നത്. ഒരു സ്ത്രീയുടെ ഏറ്റവും വലിയ ലക്ഷ്യം കുടുംബമാവുക എന്നതാണെന്നാണ് ഞാൻ വിചാരിച്ചത്. കല്യാണം കഴിച്ച് കുടുംബവമാവുന്നതാണ് സസ്കസെന്ന് ഞാൻ വിചാരിച്ചിരുന്നു. ചെറുപ്പത്തിൽ നമ്മൾ കേട്ട് പോവുന്ന കാര്യങ്ങൾക്ക് ജീവിതത്തിൽ വലിയ പ്രാധാന്യമുണ്ട്. പക്ഷെ ഇപ്പോൾ എന്റെ മോൻ ഒരിക്കലും ഇത് കേൾക്കുന്നുണ്ടാവില്ല. പെൺകുട്ടികളോട് ചെറുപ്പം മുതൽ തന്നെ വേറൊരു വീട്ടിലോട്ട് പോവേണ്ടതാണെന്ന് എപ്പോഴും ഓർമ്മിപ്പിക്കും.

അത് കേട്ട് ഞാൻ എന്റെ അടിസ്ഥാന അവകാശങ്ങൾ പോലും തിരിച്ചറിഞ്ഞിരുന്നില്ല എന്നതാണ് വാസ്തവം, ഇപ്പോൾ ഉ​ദാഹരണത്തിന് എന്റെ ഭർത്താവ് എനിക്കെതിരെ സംസാരിച്ചാൽ എന്റെ വിചാരം അദ്ദേഹത്തിന് എന്നെ എന്തും പറയാമെന്നാണ്. അത് ചേട്ടന്റെ അവകാശമാണെന്നാണ് ഞാൻ വിശ്വസിച്ചിരുന്നത്. അങ്ങനെ ഒന്നുമില്ലെന്ന് എനിക്ക് മനസ്സിലായില്ല. 24ാം വയസ്സിലാണ് ഞാൻ കല്യാണം കഴിച്ചത്. പക്വതയുള്ള പ്രായമാണ്. ഒപ്പം ഞാനിത്ര എസ്റ്റാബ്ലിഷ്ഡായിട്ടുള്ള നവ്യ നായരാണ്. എനിക്ക് പോലും തോന്നിയിരുന്നത് എന്ത് പ്രശ്നമുണ്ടെങ്കിലും സഹിച്ചേ പറ്റൂ എന്നാണ്.

എന്റെ വിവാഹ ശേഷം എനിക്ക് യു.പി.എസ്.സി എക്സാം എഴുതാൻ പറ്റാതെ പോയത് ഇപ്പോഴും ഒരു വലിയ വിഷമമായി കരുതുന്നു. അത് എന്റെ ചെറുപ്പം മുതലുള്ള ഒരു ആഗ്രഹമായിരുന്നു, പക്ഷെ ആ സമയത്താണ് ഞാൻ ഗർഭിണി ആയത്, കുഞ്ഞായിക്കഴിഞ്ഞപ്പോഴും ഏജ് ലിമിറ്റ് പ്രശ്നമല്ലായിരുന്നു. അപ്പോൾ ചേട്ടൻ പറഞ്ഞു മോനൊക്കെ ചെറുതാണെന്ന് അവന് വാഷ് റൂമിൽ പോവാൻ സ്വന്തമായി അറിയില്ല. അത് കഴിഞ്ഞപ്പോഴും എന്റെ പ്രായ പരിധി കഴിഞ്ഞു. അത് വലിയൊരു വിഷമമായിരുന്നു. വളരെ നാളത്തെ ആ​ഗ്രഹമായിരുന്നു.

അതെല്ലാം കഴിഞ്ഞ് എന്നാൽ ഇനി ഡാൻസിൽ ഡിഗ്രി എടുത്ത് പിഎച്ച്ഡി ചെയ്യാമെന്ന്. അപ്പോൾ എനിക്ക് കറസ്പോണ്ടന്റായി ശാസ്ത്ര യൂണിവേഴ്സിറ്റിയിൽ അപേക്ഷിച്ചു. ഇതെല്ലാം ചേട്ടൻ തന്നെയാണ് അയച്ചത്. മാസത്തിൽ രണ്ട് തവണ നമ്മൾ അവിടെ പോണം. ആറ് ദിവസം അവിടെ നിൽക്കണം. ഇന്റർവ്യൂവിന് കോൾ വന്നപ്പോഴേക്കും ചേട്ടൻ പോവേണ്ടെന്ന് പറഞ്ഞു, സത്യത്തിൽ എനിക്കിപ്പോഴും അറിയില്ല അതെന്താണ് ചേട്ടൻ അങ്ങനെ പറഞ്ഞതെന്ന്, അവിടെയാണ് നമ്മൾ നിസ്സഹാരായി പോവുന്നതെന്നും നവ്യ പറയുന്നു.