വിനായകന്‍ എങ്ങനെ വിനായകന്‍ ആയി എന്ന് എനിക്കറിയാം, എന്തുകൊണ്ട് അങ്ങനെ പറ്റി എന്ന് എനിക്കറിയാം, ആരില്ലെങ്കിലും ഞാൻ സുരേഷേട്ടനോപ്പം ഉണ്ടാകും ! ടിനി ടോം !

മിമിക്രി രംഗത്തുനിന്നും മലയാള സിനിമയിൽ എത്തി ശ്രദ്ധേയനായ നടനാണ് ടിനി ടോം, നടനും ഇപ്പോൾ കേന്ദ്ര സഹമന്ത്രിയുമായ സുരേഷ് ഗോപിയെ ഏറെ നാളുകളായി പിന്തുണക്കുന്ന ആളാണ് ടിനി ടോം, എന്നാൽ ഇതിന്റെ പേരിൽ താൻ വിമർശിക്കപ്പെടുന്നു എന്നാണ് അദ്ദേഹം പറയുന്നത്, ഇപ്പോഴിതാ തന്റെ നിലപാടുകളെ ടിനി ടോം പറഞ്ഞ വാക്കുകളാണ് ഏറെ ശ്രദ്ധ നേടുന്നത്. വാക്കുകൾ ഇങ്ങനെ, സിനിമാ മേഖലയില്‍ നിന്നും മറ്റാരും കൂടെയില്ലെങ്കിലും താന്‍ സുരേഷ് ഗോപിയെ പിന്തുണയ്ക്കുമെന്നും ആരും പ്രശംസിക്കാതിരുന്നപ്പോള്‍ നടന്‍ വിനായകനെ പ്രശംസിച്ച ആളാണ് താനെന്നും ടിനി ടോം പറയുന്നു.

എനിക്ക് രാഷ്ട്രീയമില്ല, ഞാൻ ഒരാളെ സപ്പോർട്ട് ചെയ്യുന്നത് പാർട്ടികൊടി നോക്കിയിട്ടല്ല, എനിക്ക് എന്റേതായ കുറെ നിലപാടുകള്‍ ഉണ്ട്. വിനായകന് സംസ്ഥാന അവാര്‍ഡ് ലഭിച്ചപ്പോള്‍ അദ്ദേഹത്തിന്റെ ഫോട്ടോ ഇടാന്‍ പലരും മടിച്ചു. പക്ഷേ, ഞാന്‍ ഫേസ്ബുക്കില്‍ ഇട്ടു. അന്ന് അതിന് ഞാന്‍ കുറേ ചീത്ത കേട്ടു. വിനായകന്‍ എന്താണെന്ന് എനിക്ക് അറിയാം. വിനായകന്റെ പതിനാറ്-പതിനേഴ് വയസ്സു മുതല്‍ അവനെ ഞാന്‍ പരിചയപ്പെട്ടിട്ടുണ്ട്. പുറത്തു കാണുന്ന വിനായകന്‍ അല്ല എന്നോടുള്ള പെരുമാറ്റത്തില്‍ അദ്ദേഹം. വിനായകന്‍ എങ്ങനെ വിനായകന്‍ ആയി എന്ന് എനിക്കറിയാം. എന്തുകൊണ്ട് അങ്ങനെ പറ്റി എന്ന് എനിക്കറിയാം എന്നും ടിനി ടോം പറയുന്നു.

അതുപോലെ ഇന്നും ഇന്നലയുമല്ല ഞാൻ സുരേഷേട്ടനോപ്പം കൂടിയിട്ട് വര്ഷങ്ങളായി, ബിജെപി കൊടിയുടെ പിന്നിലല്ല സുരേഷേട്ടനെ ഞാന്‍ കണ്ടിട്ടുള്ളത്. അദ്ദേഹത്തിന്റെ മനുഷ്യത്വപരമായ പ്രവര്‍ത്തനങ്ങള്‍ക്ക് ഞാന്‍ കൂടെ നില്‍ക്കും. ഒരു പാര്‍ട്ടിയില്‍ തന്നെ വിശ്വസിക്കുന്നത് അന്ധവിശ്വാസമാണ്. കമ്മ്യൂണിസ്റ്റ് ചെയ്യുന്നതു മാത്രമാണ് ശരി, കോണ്‍ഗ്രസ് ചെയ്യുന്നത് തെറ്റാണ്, ബിജെപി ചെയ്യുന്നത് ശരിയാണ് എന്നിങ്ങനെ മാത്രം ചിന്തിക്കുന്നത് അന്ധവിശ്വാസമാണ്. എല്ലാ പ്രസ്ഥാനങ്ങളിലും നല്ലത് ചെയ്യുന്ന ആള്‍ക്കാരുണ്ട്. നല്ല നടനെയും നല്ല രാഷ്ട്രീയക്കാരെയും കിട്ടും. സുരേഷേട്ടന്‍ നല്ല ഒരു മനുഷ്യന്‍ കൂടിയാണ്. അദ്ദേഹത്തിന് ഒപ്പം നടക്കുന്നതില്‍ ഒരു തെറ്റുമില്ല. നല്ലൊരു മനുഷ്യന്റെ കൂടെ നടക്കുന്നത് ഭാഗ്യമാണ് എന്നും ടിനി ടോം പറയുന്നു. ടിനി ടോമിന്റെ വാക്കുകൾ ഇപ്പോൾ സമൂഹ മാധ്യമങ്ങളിൽ വലിയ ചർച്ചയായി മാറുകയാണ്.