വീട്ടിലെ ജോലിക്കാരുടെ വിലപോലും എനിക്ക് തന്നിരുന്നില്ല ! ഭാര്യ വാട്സാപ്പ് ഉപയോഗിക്കാൻ അനുവദിച്ചില്ല ! ജയം രവിക്ക് പറയാനുള്ളത്
ഒരു സമയത്ത് തമിഴകത്തെ സൂപ്പർ സ്റ്റാറായിരുന്നു ജയം രവി എന്ന രവി മോഹൻ. ജയം എന്ന അദ്ദേഹത്തിന്റെ ആദ്യ ചിത്രം തന്നെ സൂപ്പർ ഹിറ്റായതോടെയാണ് അദ്ദേഹം ജയം രവി എന്ന പേരിൽ അറിയപ്പെടാൻ തുടങ്ങിയത്. രവിയും ഭാര്യ ആരതിയും തമ്മിൽ അടുത്തിടെ വേർപിരിയുന്നു എന്ന് തുറന്ന് പറഞ്ഞിരുന്നു. എന്നാൽ കഴിഞ്ഞ ദിവസം ജയം രവി കൂട്ടുകാരി കെനിഷ ഫ്രാൻസിസിന്റെ ഒപ്പം ഒരു വിവാഹത്തിൽ പങ്കെടുത്ത ദൃശ്യങ്ങൾ സോഷ്യൽ മീഡിയയിൽ നിറഞ്ഞു. തൊട്ടുപിന്നാലെ, ഇതുവരെ തന്റെ ജീവിതത്തെക്കുറിച്ച് ഒരക്ഷരം പറയാതിരുന്ന ആരതി രണ്ടു പേജ് നീളുന്ന പ്രസ്താവനയുമായി അവരുടെ ഇൻസ്റ്റഗ്രാം പേജിലെത്തി. വിവാഹമോചനം എന്ന തീരുമാനം പോലും താനുമായി ആലോചിച്ചുറപ്പിച്ചതല്ല എന്ന് ആരതി അതിൽ പറയുന്നു, തന്നെയും മക്കളെയും ഉപേക്ഷിച്ചു എന്നാണ് ആരതി വ്യക്തമാക്കുന്നത്.
എന്നാൽ ഇപ്പോഴിതാ താൻ ഭാര്യയിൽ നിന്നും അവരുടെ വീട്ടുകാരിൽ നിന്നും നേരിട്ട വിവേചനത്തെ കുറിച്ച് പറയുകയാണ് രവി മോഹൻ. ആരതിയുടെ അമിതമായ നിയന്ത്രണങ്ങളാണ് വിവാഹമോചനത്തിലേക്ക് നയിച്ചതെന്ന ആരോപണങ്ങളെ സാധൂകരിക്കുന്നതാണ് ജയം രവിയുടെ പ്രതികരണം. വീട്ടുജോലിക്കാരന് ലഭിക്കുന്ന ബഹുമാനം പോലും തനിക്ക് ലഭിക്കുന്നില്ലെന്നും അന്തെങ്കിലും ആവശ്യത്തിന് താന്‍ പണം പിന്‍വലിച്ചാല്‍ ആരതി അപ്പോള്‍ തന്നെ അത് വിളിച്ച് അന്വേഷിക്കുമെന്നും ജയം രവി പറയുന്നു.
വാക്കുകൾ വിശദമായി, കഴിഞ്ഞ 13 വര്‍ഷമായി ഒറ്റയ്ക്ക് ബാങ്ക് അക്കൗണ്ടില്ല. ജോയിന്റ് അക്കൗണ്ടാണ്. ഞാന്‍ എവിടെപോയി എന്ത് ചെലവഴിച്ചാലും മെസേജ് അവള്‍ക്ക് പോകും. ഒരു ഘട്ടത്തിനപ്പുറം ഇത് സഹിക്കാനായില്ല. അവള്‍ക്ക് ലക്ഷങ്ങള്‍ ചെലവഴിച്ച് എന്ത് വേണമെങ്കിലും വാങ്ങാം. ഞാന്‍ എന്തെങ്കിലും വാങ്ങിയാല്‍ എന്തിനാണ് കാര്‍ഡ് ഉപയോഗിച്ചെന്നും മറ്റും ചോദിക്കും. എന്റെ അസിസ്റ്റന്റിനോടും ചോദിക്കും. എന്നാൽ അതേസമയം അവൾ വിലകൂടിയ ബാഗും മറ്റു സാധനങ്ങളും വാങ്ങുന്നതിന് കുഴപ്പമില്ല.
അതുപോലെ എന്റെ സോഷ്യൽ മീഡിയകളെല്ലാം കൈകര്യം ചെയ്യുന്നത് ആരതി തന്നെ ആയിരുന്നു, എന്റെ ഇന്‍സ്റ്റഗ്രാം പാസ്സ്‌വേർഡ്‌ എന്റെ കൈയിലുണ്ടായിരുന്നില്ല. വാട്സാപ്പ് പ്രശ്‌നമാകുന്നതിനാല്‍ 6 വര്‍ഷം അതും ഉപയോഗിച്ചില്ല. ബ്രദര്‍ സിനിമയുടെ ഷൂട്ടിങ്ങിന് പോയപ്പോള്‍ വീഡിയോ കോള്‍ ചെയ്ത റൂം പരിശോധിച്ചു. റൂമില്‍ ആരെല്ലാമുണ്ടെന്ന് ചോദിച്ചു. പ്രശ്‌നങ്ങള്‍ കാരണം ഷൂട്ടിങ് നിര്‍ത്തേണ്ടിവന്നു. ഇതിനെല്ലാം പുറമെ എന്റെ പല സിനിമകളും തിരെഞ്ഞെടുക്കുന്നത് ആരതിയുടെ അമ്മയാണ്. ആ ചിത്രങ്ങള്‍ പരാജയമായെന്ന് പറഞ്ഞ് എന്നെ കുറ്റപ്പെടുത്തും. കടുത്ത സമ്മര്‍ദ്ദത്തിലാണ് ഞാന്‍ വീടുവിട്ടുപോയത്. ജയം രവി പറഞ്ഞതായി ആര്‍ ജെ ഷാ പറയുന്നു. അതുപോലെ ജയം രവിയുടെ ഏറ്റവും പുതിയ സിനിമയായ ബ്രദറിൽ നായികയായി എത്തുന്നത് നടി പ്രിയങ്ക മോഹനാണ്, ഇവരുടെ സിനിമയിലെ വിവാഹ ചിത്രം ജയം രവി വീണ്ടും വിവാഹിതനായി എന്ന രീതിയിൽ സമൂഹ മാധ്യമങ്ങളിൽ ശ്രദ്ധ നേടുന്നുണ്ട്.
Leave a Reply