മോഹൻലാൽ ഒരു സിനിമക്ക് വാങ്ങുന്ന പ്രതിഫലം 8 കോടി ! മമ്മൂട്ടി 4 കോടി ! ഏറ്റവും കൂടുതൽ പ്രതിഫലം വാങ്ങുന്ന മലയാളി താരങ്ങൾ !!

പേരും പ്രശസ്തിയും ഒപ്പം കൈനിറയെ പണവും കിട്ടുന്ന ഒരു മേഖലയാണ് ഇന്ന് സിനിമ ഇൻഡസ്ടറി. പണ്ടൊക്കെ മിക്ക താരങ്ങളെയും നിർമാതാക്കൾ വണ്ടി ചെക്ക് കൊടുത്ത് പറ്റിച്ച കാലമൊന്നുമല്ല ഇന്ന്, ഇന്ന് പറഞ്ഞ തുക അക്കൗണ്ടിൽ കയറിയിട്ടേ താരങ്ങൾ സെറ്റിൽ എത്തുകയുള്ളൂ. മറ്റു ഭാഷകളെ അപേക്ഷിച്ച് മോളിവുഡ് സിനിമ ആദ്യ കാലങ്ങളിൽ ഒരുപാട് പുറകിൽ ആയിരുന്നു, വളരെ ചെറിയ ഒരു ഇൻഡസ്ടറി, പക്ഷെ ഇന്ന് മറ്റു ഭാഷകളെ പോലെ ബിഗ് ബഡ്‌ജറ്റ്‌ മൂവികളും ഒപ്പം വലിയ പ്രോജക്ടുകളും മറ്റും മലയാളത്തെ തേടി എത്തികൊണ്ടിരിക്കുകയാണ്.

അതുപോലെ തന്നെ സൗത്ത് സിനിമ രംഗത്തെ താരങ്ങളുടെ പ്രതിഫലത്തെ അപേക്ഷിച്ച് മലയാളത്തിൽ താരതമ്യേനെ കുറവായിരുന്നു. എന്നാൽ ഇപ്പോൾ അതിനും മാറ്റങ്ങൾ വന്നുകഴിഞ്ഞു. കോവിദഃ പ്രതിസന്ധിയിൽ പെട്ട് സിനിമ ലോകം ഒന്ന് ഉലഞ്ഞെങ്കിലും ഇപ്പോൾ തിരിച്ചുവരവിന്റെ പാതയിലാണ്. കഴിഞ്ഞ വര്‍ഷത്തെ കണക്കുകള്‍ പ്രകാരം ഏറ്റവും കൂടുതല്‍ പ്രതിഫലം വാങ്ങിക്കുന്ന മലയാള നടന്മാരുടെ ലിസ്റ്റ് ഐഎംഡിബി പുറത്തിറക്കിയിരിക്കുകയാണ്. താരരാജാക്കന്മാര്‍ മുതല്‍ യുവനടന്മാരെല്ലാം ലിസ്റ്റില്‍ ഇടം നേടിയിട്ടുണ്ട് എന്നതാണ് ഏറെ ശ്രദ്ധേയം.

താര പദവിയിൽ മുന്നിൽ ഉള്ളവർ തന്നെയാണ് പ്രതിഫലത്തിന്റെ കാര്യത്തിലും മുന്നിൽ നിൽക്കുന്നത്. ഏറ്റവും മുന്നിൽ നടൻ മോഹൻലാൽ തന്നെയാണ്, പുതിയ സിനിമകള്‍ക്ക് താരം പ്രതിഫലം കൂട്ടിയെന്ന് മുന്‍പൊരു റിപ്പോര്‍ട്ട് വന്നിരുന്നു. ഇപ്പോള്‍ വരുന്ന കണക്കുകൾ പ്രകാരം ഒരു സിനിമയ്ക്ക് വേണ്ടി 8 കോടി മുതല്‍ 17 കോടി വരെയാണ് മോഹന്‍ലാല്‍ വാങ്ങിക്കുന്നത്. കഴിഞ്ഞ വര്‍ഷം മമ്മൂട്ടിയുടേതായി വളരെ കുറച്ച് സിനിമകളെ പുറത്തിറങ്ങിയുള്ളു. മമ്മൂട്ടിയുടെ പ്രതിഫലം നാല് കോടി മുതല്‍ 8.5 കോടി വരെയാണ് ഒരു സിനിമയില്‍ അഭിനയിക്കാന്‍ വാങ്ങിക്കുന്ന തുക.

യുവ നടന്മാരും ഒട്ടും പുറകിലല്ല. ലിസ്റ്റിൽ മൂന്നാമത് മുന്നിൽ നിൽക്കുന്നത് താര പുത്രൻ ദുൽഖർ സൽമാൻ തന്നെയാണ്. ബോളിവുഡിൽ വരെ തന്റെ സ്ഥാനം ഉറപ്പിച്ച ദുൽഖർ ഒരു സിനിമക്ക് വേണ്ടി വാങ്ങുന്ന പ്രതിഫലം വാപ്പയെക്കാൾ കൂടുതലാണ് എന്നതാണ് സത്യം. മൂന്ന് മുതല്‍ എട്ട് കോടിയോളമാണ് ഡിക്യു ഒരോ സിനിമകള്‍ക്കും വാങ്ങിക്കുന്നത്. അടുത്ത താരരാജാവ് എന്ന വിളിപ്പേര് സ്വന്തമാക്കിയ നടനാണ് പൃഥ്വിരാജ് സുകുമാരന്‍. അഭിനയത്തിന് പുറമേ സംവിധാനവും നിര്‍മാണവുമൊക്കെ ഒരുമിച്ച് കൊണ്ട് പോവുന്ന പൃഥ്വിയ്ക്ക് മൂന്ന് മുതല്‍ ഏഴ് കോടി വരെയാണ് പ്രതിഫലം.

ഇപ്പോൾ സൗന്തിന്ത്യ ലെവലിൽ ശ്രദ്ധനേടിയ നമ്മുടെ റിയലിസ്റ്റിക് ആക്ടർ എന്ന പേര് സ്വന്തമാക്കിയ ഫഹദ് ഫാസിൽ ആണ് അഞ്ചാം സ്ഥാനം. ഫഹദ് ഒരു സിനിമയ്ക്ക് വേണ്ടി 3.5 മുതല്‍ 6 കോടി വരെയാണ് വാങ്ങിക്കുന്നത്. ആറാം സ്ഥാനം നടൻ നിവിൻ പോളിയാണ്. മൂന്നിനും ആറിനും ഇടയിലാണ് നിവിന്‍ പോളിയുടെ പ്രതിഫലം. മൂന്ന് കോടി വാങ്ങിയാണ് ജനപ്രിയ നായകന്‍ ദിലീപ് അഭിനയിക്കുന്നത്. ഇനി ഇപ്പോൾ പ്രതിഫലം കുത്തനെ കൂറ്റൻ സാധ്യതയുള്ള നടൻ ടോവിനോ തോമസാണ് അടുത്തത്. ഒന്നര കോടി മുതല്‍ 3  കോടി വരെയാണ്.

ഒരു സി നി മക്ക് സുരേഷ് ഗോപി 3 കോടി വരെയാണ് പ്രതിഫലം. ലിസ്റ്റില്‍ പത്താം സ്ഥാനം നടന്‍ കുഞ്ചാക്കോ ബോബനാണ്. ഒന്നരക്കോടിയാണ് നടന്റെ പ്രതിഫല തുക. പിന്നെ മറ്റു താരങ്ങളായ ആസിഫ് അലി, ജയസൂര്യ, ബിജു മേനോന്‍, ഷെയിന്‍ നിഗം, പ്രണവ് മോഹന്‍ലാല്‍, ജയറാം, ഉണ്ണി മുകുന്ദന്‍, ഇന്ദ്രജിത്ത് സുകുമാരന്‍, ആന്റണി വര്‍ഗീസ്, ജോജു ജോര്‍ജ്, സണ്ണി വെയിന്‍, റോഷന്‍ മാത്യൂ, കാളിദാസ് ജയറാം, മുകേഷ്, ലാല്‍, എന്നിങ്ങനെയുള്ള താരങ്ങൾ 25 ലക്ഷമാണ് പ്രതിഫലം വാങ്ങുന്നത്.