അനിയൻ പാൻ ഇന്ത്യൻ സ്റ്റാർ ആയതിൽ എനിക്ക് അഭിമാനം ! എന്നോട് അമ്മാവൻ പറഞ്ഞത് എനിക്ക് ചീത്തപ്പേര് ഉണ്ടാക്കിത്തരുത് എന്നാണ് ! അഷ്‌കർ പറയുന്നു !

മലയാള സിനിമയുടെ മഹാ നടനാണ് മമ്മൂക്ക. അദ്ദേഹത്തിന്റെ മകനും ഇന്ന് ഇന്ത്യൻ സിനിമ അറിയപ്പെടുന്ന ആരാധിക്കുന്ന നടനാണ്. മമ്മൂക്ക തന്റെ 71 മത് വയസിലും അഭിനയ രംഗത്ത് സജീവമായി നിൽക്കുന്നു. അദ്ദേഹത്തെ പോലെ നമുക്ക് വളരെ വളരെ പ്രിയങ്കരനാണ് അദ്ദേഹത്തിന്റെ കുടുംബവും. മകനും സഹോദരനും, അവരുടെ മക്കളും സഹോദരിയുടെ മകനും അങ്ങനെ എല്ലാവരും സിനിമ രംഗത്ത് സജീവ സാന്നിധ്യമാണ്. അതിൽ സഹോദരൻ ഇബ്രാഹിം കുട്ടിയുടെ മകൻ  മഖ്ബൂൽ സൽമാനും, സഹോദരി പുത്രൻ അഷ്കർ സൗദാനും സിനിമയിൽ ഇതിനോടകം ശ്രദ്ധ നേടിക്കഴിഞ്ഞു. ഇതിൽ അഷ്കറിനെ അധികമാർക്കും അറിയില്ല എന്നതാണ് വാസ്തവം

കാഴ്ചയിൽ ദുൽഖറിനേക്കാളും മമ്മൂക്കയുടെ രൂപ സാദിർശ്യം കിട്ടിയിരിക്കുന്നത്  അഷ്കറിനാണ് എന്നാണ് ഇപ്പോൾ ഏവരുടെയും അഭിപ്രായം. കഴിഞ്ഞ കുറച്ച് ദിവസങ്ങളായി അത്തരത്തിലുള്ള അഷ്കറിന്റെ ചില ചിത്രങ്ങളാണ് സമൂഹ മാധ്യമങ്ങളിൽ വൈറലായി മാറിയത്.  കൂടാതെ തന്റെ സിനിമ ജീവിതത്തെ കുറിച്ച് അശ്കറിന്റെ വാക്കുകൾ ഇങ്ങനെ, അഭിനയ  മോഹം തലക്ക് പിടിച്ച് ചില ആൽബങ്ങൾ ചെയ്തു നടന്ന സമയത്ത് മമ്മൂക്ക തന്നെയാണ് തസ്കരവീരൻ എന്ന ചിത്രത്തിൽ അഭിനയിക്കാൻ അവസരം തന്നതെന്നും അഷ്‌കർ പറയുന്നു.

എന്റെ അനിയൻ ദുൽഖർ ഒരു പാൻ ഇന്ത്യൻ സ്റ്റാർ ആയതിൽ എനിക്ക് വളരെ അഭിമാനമാണ്. ഞങ്ങൾ നല്ല കമ്പനിയാണ്. പക്ഷെ ഞാൻ നോക്കി കാണുന്നത് അമ്മാവനായ മമ്മൂക്കയെ തന്നെയാണ്. സിനിമയോടുള്ള അദ്ദേഹത്തിന്റെ ആ പാഷൻ, ഡെഡിക്കേഷൻ, ലൊക്കേഷനിലെ പെരുമാറ്റം അങ്ങനെ എല്ലാം..എനിക്ക് ഇപ്പോഴും അമ്മാവനെ പേടിയാണ്. എനിക്ക് അഥവാ എന്തെങ്കിലും ഒരു കാര്യം അദ്ദേഹത്തോട് പറയാനുണ്ടെങ്കിൽ അത് അത് ഒന്നുകിൽ പുറകിൽ നിന്ന് അല്ലെങ്കിൽ വാട്സാപ്പ് വഴിയുമാണ് പറയാറുള്ളതെന്നാണ് അഷ്‌കർ പറയുന്നത്. “തസ്കരവീരൻ എന്ന സിനിമയിൽ  കൂടിയാണ് ഞാൻ  തുടങ്ങിയത്.

ആ സിനിമയിൽ ഒരു  ചെറിയ വേഷമായിരുന്നെങ്കിലും അതൊരു തുടക്കമായി. എന്നെ അഭിനയിപ്പിക്കുന്നതിനെപ്പറ്റി സംവിധായകൻ മമ്മുക്കയോട് അഭിപ്രായം ചോദിച്ചു. ഉടൻ അമ്മാവൻ എന്നെ വിളിച്ചു, പേടിയുണ്ടോ എന്റെ കൂടെ അഭിനയിക്കാൻ എന്ന് മാത്രം ചോദിച്ചു. എന്റെ പോക്കും സിനിമയിലേക്കാണ് എന്ന് പറഞ്ഞപ്പോൾ അദ്ദേഹം ആദ്യം പറഞ്ഞത് ‘എനിക്ക് ചീത്തപ്പേര് കേൾപ്പിക്കരുതെന്നാണ്’ എന്നാണ്. സത്യത്തിൽ എന്റെ സിനിമകൾ അദ്ദേഹം കണ്ടിട്ടുണ്ടോ എന്നറിയില്ല. ഇതുവരെ ഒരു അഭിപ്രായവും പറഞ്ഞിട്ടില്ല. ഞാൻ ചോദിച്ചിട്ടുമില്ല. ദുൽഖർ സൽമാൻ മമ്മൂട്ടിയുടെ മകൻ എന്ന ലേബലിൽ സിനിമയിലെത്തിയതല്ല . മമ്മൂട്ടിയുടെ അനുജൻ ഇബ്രാഹിം കുട്ടിയുടെ മകൻ മഖ്ബൂൽ സൽമാനും മമ്മൂട്ടിയുടെ പേര് ഉപയോഗിച്ചിട്ടില്ല. ഞാനും അങ്ങനെ തന്നെയാണ് വളരാൻ ആഗ്രഹിക്കുന്നത്.

ഇപ്പോൾ ഡി എൻ എ എന്ന ചിത്രത്തിന്റെ ഷൂട്ടിങ് തിരക്കിലാണ്., സ്വന്തം കഴിവിലൂടെയും , അധ്വാനത്തിലൂടെയും  വേണം വിജയം നേടാൻ എന്ന കാഴ്ചപ്പാടാണ് മാമ്മക്ക് എന്നും അഷ്‌കർ പറയുന്നു. അദ്ദേഹത്തിന് അഭിമാനിക്കാൻ കഴിയുന്ന ഒരു ലെവലിൽ ഒരിക്കൽ ഞാൻ എത്തുമെന്നും അഷ്‌കർ പറയുന്നു.  മലയാളത്തിന് പുറമെ അഷ്‌കർ തമിഴ് സിനിമയിലും സജീവമായിരുന്നു. ‘മൈഡിയർ മച്ചാൻസ്’ എന്ന ആക്ഷൻ മൂവിയിലും പ്രധാന വേഷത്തിൽ എത്തിയിരുന്നു. മലയാളത്തിലും കുറച്ചധികം ചിത്രങ്ങൾ ചെയ്തിട്ടുണ്ടെങ്കിലും ശ്രദ്ധിക്കപ്പെട്ട വേഷങ്ങൾ അഷ്കറിന് ഇതുവരെ ലഭിച്ചിട്ടില്ല. നല്ല കഥാപാത്രങ്ങൾക്ക് വേണ്ടിയുള്ള കാത്തിരിപ്പിലാണ് താനെന്നാണ് അദ്ദേഹം പറയുന്നത്.