‘പദ്മഭൂഷൺ ലഭിക്കാൻ എന്തുകൊണ്ടും യോഗ്യനാണ് മമ്മൂട്ടി’ ! എന്നിട്ടും അദ്ദേഹത്തിന് അത് ലഭിക്കുന്നില്ലെങ്കിൽ അതിന് കാരണം അദ്ദേഹത്തിന്റെ രാഷ്ട്രീയം തന്നെയാണ് ! ജോൺ ബ്രിട്ടാസ് !

മമ്മൂട്ടി എന്ന മഹാനടൻ എന്നും മലയാള സിനിമയുടെ സ്വാകാര്യ അഹങ്കാരവും അതുപോലെ അഭിമാനവുമാണ്. തന്റെ എഴുപതാമത് വയസിലും അദ്ദേഹം ഏതൊരു യുവ നടനിലും  കാണുന്ന ചുറുചുറുക്കോടെ സിനിമ രംഗത്ത് നിലകൊള്ളുന്നുണ്ടെങ്കിൽ അത് അദ്ദേഹത്തിന്റെ അർപ്പണ മനോഭാവവും സിനിമയോടുള്ള അടങ്ങാത്ത ആവേശംകൊണ്ടും മാത്രമാണ്. സിനിമ ലോകത്തിന് അദ്ദേഹം നൽകിയ സമഗ്ര സംഭാവനകൾ കണക്കിലെടുത്ത് രാജ്യം അദ്ദേഹത്തിന് നിരവധി പുരസ്കരങ്ങൾ നൽകി ആദരിച്ചിരുന്നു. ദേശീയ പുരസ്‌ക്കാരങ്ങളും സംസ്ഥാന പുരസ്‌ക്കാരങ്ങളും പത്മശ്രീയും വരെ കിട്ടി. എന്നാല്‍ ഇതുവരെയും മമ്മൂട്ടിക്ക് പത്മഭൂഷണ്‍ ലഭിച്ചിട്ടില്ല.

മമ്മൂട്ടിക്കു പത്മഭൂഷണ്‍ ലഭിക്കാത്തതിന്റെ കാരണം എന്താണ് എന്നുള്ള കാര്യമായ ചർച്ചകൾ സമൂഹ മാധ്യമങ്ങളിൽ നടക്കാറുണ്ട് എങ്കിലും ഇപ്പോഴിതാ മറ്റൊരു കാരണമാണ് അതിൽ ഏറെ ശ്രദ്ധ നേടുന്നത്. ഇതിന്റെ പിന്നിലെ ശക്തമായ ആ കാരണം പറഞ്ഞുകൊണ്ട് രംഗത്ത് വന്നിരിക്കുകയാണ് രാജ്യസഭാംഗവും മുതിര്‍ന്ന മാധ്യമപ്രവര്‍ത്തകനുമായ ജോണ്‍ ബ്രിട്ടാസ് ഔട്ട്‌ലുക്കിലെ ലേഖനത്തില്‍ എഴുതിയിരുന്നു. അദ്ദേഹത്തിന്റെ വാക്കുകൾ ഇങ്ങനെ..

എല്ലാ മാനദണ്ഡങ്ങളും ഒത്തുചേർന്നിട്ടും എന്തുകൊണ്ട് മമ്മൂട്ടിക്ക് പദ്മഭൂഷൺ നൽകുന്നില്ല എന്നുള്ളതിന് താൻ വിശ്വസിക്കുന്ന ഒര ഒരു കാരണം  അദ്ദേഹത്തിന്റെ രാഷ്ട്രീയം മറച്ചു വെക്കുന്നില്ല എന്നതാണ്. തന്റെ രാഷ്ട്രീയം വെളിപ്പെടുത്താൻ മടിയുള്ള ആളല്ല മമ്മൂട്ടി. തന്റെ നിലപട് അദ്ദേഹം ഉറക്കെ വിളിച്ചു പറഞ്ഞു..  എന്നാൽ ഇപ്പോൾ  അത് തന്നെയാണ് പദ്മഭൂഷണിൽ നിന്നും അദ്ദേഹത്തെ അകറ്റി നിർത്തുന്നത്. നൂറു ശതമാനവും അദ്ദേഹം ആ അവാർഡിന് അദ്ദേഹം അർഹനാണ്  എന്നും  ജോൺ ബ്രിട്ടാസ് പറയുന്നു.

ദേശിയ തലത്തിൽ മാത്രമല്ല അന്തർ ദേശിയ പുരസ്‌കാരങ്ങൾ വരെ നേടിയ ആളാണ് മമ്മൂട്ടി, രാജ്യം നേരത്തെ അദ്ദേഹത്തെ  പദ്മശ്രീ നൽകിയിരുന്നു. വിവിധ യൂണിവേഴ്സിറ്റികൾ ഓണററി ഡോക്ടരേറ് അവാർഡുകളും സമ്മാനിച്ചിട്ടുണ്ട്. നിരവധി തവണ ദേശീയ അവാർഡും ലഭിച്ചിട്ടുണ്ട്. ചരിത്രത്തിൽ ആദ്യമായി  ഒരു അന്യഭാഷാ ചിത്രത്തിന് ദേശീയ അവാർഡ് ലഭിക്കുന്ന ആദ്യ നടൻ കൂടിയാണ് മമ്മൂട്ടിയാണ് എന്നും ജോൺ ബ്രിട്ടാസ് പറയുന്നു.

അദ്ദേഹത്തിന്റെ ഈ വാദം ശ്രദ്ധ നേടിയതോടെ ജോൺ ബ്രിട്ടാസിന്റെ ഈ അഭിപ്രായത്തെ അനുകൂലിച്ചും വിമർശിച്ചും നിരവധി പേര് രംഗത്ത് വന്നിരുന്നു. ബ്രിട്ടാസ് ലക്ഷ്യം വെച്ചത് ബിജെപിയെ ആണെന്ന വാദവുമുയര്‍ന്നിരുന്നു. എന്നാല്‍, മമ്മൂട്ടിക്ക് പദ്മശ്രീ നല്‍കിയത് വാജ്‌പേയി പ്രധാനമന്ത്രിയായപ്പോഴാണെന്നും ബിജെപി സര്‍ക്കാര്‍ മമ്മൂട്ടിയെ അവഗണിച്ചില്ലെന്നും വാദമുയര്‍ത്തി സംഘപരിവാര്‍ അനുകൂലികള്‍ ജോണ്‍ ബ്രിട്ടാസിനെതിരെ രംഗത്ത് വന്നതും ശ്രദ്ധ നേടിയിരുന്നു.