മദ്രസകളിൽ നടക്കുന്നത് മതപഠനമല്ല, മദ്രസകൾ അടച്ചുപൂട്ടുന്നത് അപകടകരമാണ് ! കേന്ദ്ര സർക്കാരിന്റെ നീക്കം അപകടമാണ് ! മന്ത്രി കെബി ഗണേഷ് കുമാർ !

ഇപ്പോഴിതാ മദ്രസകൾ അടച്ചുപൂട്ടാനുള്ള കേന്ദ്ര സർക്കാർ നീക്കം അ,പ,ക,ട,ക,രമാണെന്ന് പറയുകയാണ് മന്ത്രി കെ.ബി ഗണേഷ് കുമാർ. കുട്ടികൾ ആത്മീയ വിദ്യാഭ്യാസം നേടുന്നത് മദ്രസകളിൽ നിന്നാണെന്നും ഗണേഷ് കുമാർ പറഞ്ഞു. മദ്രസകൾ അടച്ചു പൂട്ടണമെന്ന് പറഞ്ഞാൽ ചെറിയ കുഞ്ഞുങ്ങൾക്ക് ഖുർആനും അതിലൂടെ അല്ലാഹു നൽകുന്ന സന്ദേശവും പഠിക്കാൻ കഴിയാതെ വരും എന്നും ​ഗണേഷ്കുമാർ പറഞ്ഞു. ഓർത്തഡോക്സ് ക്രിസ്ത്യൻ യൂത്ത് മൂവ്മെൻ്റ്ന്റെ രാജ്യാന്തര സമ്മേളനത്തിൽ സംസാരിക്കുകയായരുന്നു അദ്ദേഹം.

ഗണേഷ് കുമാറിന്റെ വാക്കുകൾ ഇങ്ങനെ, പലരും പറയുന്ന ഒരു മണ്ടത്തരമാണ് മതപഠന ക്ലാസ്സ്. മതപഠനം അല്ല. മതമല്ല അവിടെ പഠിപ്പിക്കുന്നത്. സൺഡേ സ്കൂളിൽ പോയാൽ അവിടെ ക്രിസ്തുമതത്തെക്കുറിച്ചല്ല പഠിപ്പിക്കുന്നത്. അവിടെ ബൈബിൾ ആണ് പഠിപ്പിക്കുന്നത്. വേദത്തിൽ ജ്ഞാനം നേടനാണ് സൺ‌ഡേ സ്കൂളിൽ ചേരുന്നത്. അല്ലാതെ ക്രിസ്ത്യാനി ആരാണെന്നും ഹിന്ദുക്കളെയും മുസ്ലിങ്ങളെയും കണ്ടാൽ ക്രിസ്ത്യാനികൾ മുഖം തിരിച്ചു നടക്കണം എന്നുമല്ല അവിടെ പഠിപ്പിക്കുന്നത്.

അതുപോലെ എന്താണ് യേശു… അദ്ദേഹം തന്ന സന്ദേശം എന്താണ് എന്നതെല്ലാം ആണ് അവിടെ പഠിപ്പിക്കുന്നത്. ഇതിലൂടെ നമ്മളുടെ തെറ്റുകളെ തിരുത്താനും അതിലൂടെ നന്മയിലേക്ക് ജീവിക്കാനും സാധിക്കും. മദ്രസകൾ അടച്ചു പൂട്ടണമെന്ന് പറഞ്ഞാൽ ചെറിയ കുഞ്ഞുങ്ങൾക്ക് ഖുർആനുമായി ബന്ധപ്പെട്ട അതിലൂടെ അല്ലാഹു നൽകുന്ന സന്ദേശവുമായി ബന്ധപ്പെട്ട പാഠങ്ങൾ പഠിക്കാൻ കഴിയാതെ വരും. ഹിന്ദുക്കളും മുസ്ലീങ്ങളും ക്രിസ്ത്യാനികളും ആത്മീയ പഠന ക്ലാസ് കുട്ടികൾക്കിടയിൽ നടത്തണം. ഏതു മതത്തിന്റെ ആത്മീയത എടുത്തു പഠിച്ചാലും അത് ഒന്നു തന്നെയാണ്. അതിന്റെ പേരിൽ കലഹിക്കേണ്ടതില്ല, എന്നാണ് അദ്ദേഹം പറഞ്ഞത്.