പണം സമ്പാദിക്കണം എന്ന അതിയായ ആഗ്രഹം ഉള്ള ആളായിരുന്നു സുകുമാരൻ, പക്ഷെ സോമന്റെ കാര്യം അങ്ങനെയായിരുന്നില്ല ! കുഞ്ചൻ പറയുന്നു !

ഒരു സമയത്ത് മലയാള സിനിമ രംഗത്ത് ഏറ്റവും കൂടുതൽ തിളങ്ങി നിന്ന താരങ്ങളായിരുന്നു എം ജി സോമനും സുകുമാരനും. ഈ സൂപ്പർ സ്റ്റാറുകളുടെ മക്കളുടെ കാര്യം വന്നപ്പോൾ സുകുമാരന്റെ മകൻ പൃഥ്വിരാജ് ഇന്ന് ഇന്ത്യൻ സിനിമയിലെ തന്നെ മുൻ നിര താരമായി മാറിക്കഴിഞ്ഞു, എന്നാൽ സോമന്റെ മകൻ സജി സോമൻ ജീവിതമാർഗത്തിന് വേണ്ടി മറ്റു ജോലികളും വീടിനോട് ചേർന്ന് പായസകടയും നടത്തുകയാണ്, സോമനും മകൻ സിനിമയിൽ നല്ല നടനായി കാണണമെന്ന് വലിയ ആഗ്രഹമായിരുന്നു പക്ഷെ സജിക്ക് സിനിമയിൽ ശ്രദ്ധ നേടാൻ കഴിഞ്ഞില്ല.

ഇപ്പോഴിതാ സോമനെയും സുകുമാരന്റെയും കുറിച്ച് നടൻ കുഞ്ചൻ പറഞ്ഞ വാക്കുകളാണ് ഏറെ ശ്രദ്ധ നേടുന്നത്. ആ വാക്കുകൾ ഇങ്ങനെ, സു,കുമാ,രൻ എല്ലാ കാര്യങ്ങളിലും വളരെ കൃത്യനിഷ്ഠ ഉള്ള ആളായിരുന്നു. അതുപോലെ തന്നെ അദ്ദേഹം പണം സമ്പാദിക്കണമെന്ന ചിന്തയുള്ള മനുഷ്യനായിരുന്നു. ചെയ്യുന്ന ജോലിയുടെ ക്യാഷ് വളരെ കൃത്യമായി വാങ്ങിയിരുന്നു, ആ കാര്യത്തിൽ ഒരു വിട്ടു വീഴ്ചയും ചെതിരുനില്ല. ഒരു പൈസ വെറുതെ കളയില്ല. പക്ഷെ സോമേട്ടന്‍ നേരെ തിരിച്ചായിരുന്നു.

അദ്ദേഹം ചെയ്യുന്ന സിനിമകളുടെ പ്രതിഫലം ഒന്നും കൃത്യമായി വാങ്ങിയിരുന്നില്ല. തരുന്നെങ്കിൽ വാങ്ങിക്കും, ഇല്ലങ്കിൽ ചോദിക്കില്ല, പക്ഷെ അദ്ദേഹം അദ്ദേഹത്തിന്റെ ശരീരത്തെ കുറച്ചു കൂടി സംരക്ഷിച്ചിരുന്നുവെങ്കില്‍ കുറച്ചു നാള്‍കൂടി ജീവിക്കേണ്ട വ്യക്തിയായിരുന്നു. അവസാന നിമിഷം വെന്റിലേറ്ററില്‍ കിടന്നു എന്നെയാണ് അദ്ദേഹം വിളിക്കുന്നത്, ‘കുഞ്ചൂസേ’ എന്ന ആ വിളി ഇപ്പോഴും എന്റെ കാതിലുണ്ട്.

‘ലേലം’ ആയിരുന്നു അദ്ദേഹത്തിന്റെ അവസാന സിനിമ. അതിൽ ഞാനും ഉണ്ടായിരുന്നു, പിന്നീട് അദ്ദേഹത്തിന് സോറിയാസ് എന്ന അസുഖം പിടിപെട്ടു. ആ രോഗം പിടിപെട്ടതുകൊണ്ടുതന്നെ സോമേട്ടന്റെ രൂപമൊക്കെ മാറി അവസാന നാളുകളിൽ ഏറെ വല്ലാതെ ആയിരുന്നു. അസുഖം കൂടി അദ്ദേഹം വെന്റിലേറ്ററിലായിരുന്നപ്പോൾ മമ്മൂട്ടിയും മോഹന്‍ലാലും ഉള്‍പ്പെടെയുള്ള താരങ്ങൾ ആശുപത്രിയിൽ വരികയും അവർ അവിടെ നിൽക്കുകയും ചെയ്തിരുന്നു. ഒരു വല്ലാത്ത മാനസികാവസ്ഥ ആയിരുന്ന അപ്പോൾ ഏല്ലാവർക്കും. അദ്ദേഹം ഇടയ്ക്ക് തന്നെ കണ്ടു ‘കുഞ്ചൂസ്’ എന്ന് എന്നെ വിളിച്ചു. അത് ഒരിക്കലൂം മറക്കാൻ കഴിയില്ല എന്നും കുഞ്ചൻ പറയുന്നു…