ഒരു സഹ നടിയായി ഒതുങ്ങി പോകുമായിരുന്ന എന്റെ ഇപ്പോഴത്തെ ഈ ഉയർച്ചക്കും, എന്റെ ഈ സന്തോഷത്തിനും കാരണം എന്റെ ഭർത്താവാണ് ! പ്രിയാ മണിയുടെ വാക്കുകൾ ശ്രദ്ധ നേടുന്നു !

മലയാളികൾക്ക് എന്നും പ്രിയങ്കരിയായ അഭിനേത്രിയാണ് പ്രിയ മണി. മലയാള സിനിമയിൽ എന്നും ഏറെ ശ്രദ്ധേയമായ ഒരുപാട് വേഷങ്ങൾ ചെയ്ത് പ്രിയ മണി ഇന്ന് ബോളിവുഡിൽ വരെ വളരെ തിരക്കുള്ള അഭിനേത്രിയായി മാറിയിരിക്കുകയാണ്. ആദ്യ സിനിമ തെലുങ്കിൽ ആയിരുന്നു എങ്കിലും മലയാളത്തിൽ ‘സത്യം’ എന്ന പൃഥ്വിരാജ് ചിത്രത്തിൽ കൂടിയാണ് മലയാളികളിടെ പ്രിയങ്കരിയായി മാറിയത്. 2007 ൽ പുറത്തിറങ്ങിയ ചിത്രം പരുത്തിവീരൻ എന്ന തമിഴ് ചിത്രത്തിന്  മികച്ച നടിക്കുള്ള ദേശീയപുരസ്കാരം, ഫിലിംഫെയർ പുരസ്കാരം, മികച്ച നടിക്കുള്ള തമിഴ്നാട് സംസ്ഥാന പുരസ്കാരം, മികച്ച നടിക്കുള്ള വിജയ്‌ പുരസ്കാരം എന്നിവ നേടിയിരുന്നു.

പ്രിയാമണി ഇപ്പോൾ വിവാഹിതയാണ്,  2017 ലാണ് പ്രിയാമണിയും മുസ്തഫയും വിവാഹിതരായത്. പ്രണയ വിവാഹമായിരുന്നു ഇവരുടേത്. വിവാഹം രെജിസ്റ്റർ ചെയ്ത ശേഷം സുഹൃത്തുകൾക്ക് വേണ്ടി പാർട്ടി നടത്തുക ആയിരുന്നു. വിവാഹ മോചനങ്ങൾ സര്വ്വസാധാരണമായി നടക്കുന്ന സിനിമ രംഗത്ത് ഇപ്പോഴിതാ തന്റെ ഭർത്താവിനെ കുറിച്ചും, പുതിയ സന്തോഷത്തെ കുറിച്ചും പ്രിയാമണിയുടെ വാക്കുകളാണ് ഇപ്പോൾ ശ്രദ്ധ നേടുന്നത്.  പ്രിയയുടെ കരിയറിനെ സപ്പോര്‍ട്ട് ചെയ്യുന്ന ആളാണ് മുസ്തഫ.  ഇപ്പോഴുള്ള ജീവിതത്തിൽ ഞാൻ അതീവ സന്തോഷവതിയാണ്. സിനിമകള്‍ തിരഞ്ഞെടുക്കുന്നതില്‍ സംതൃപ്തയാണ്.

വിവാഹത്തോടെ കരിയറിൽ ഒതുങ്ങി പോകേണ്ടി വരുന്ന ഒരുപാട് കഴിവുള്ള നായികമാർ നമുക്ക് ചുറ്റുമുണ്ട്. പക്ഷെ ഇവിടെ ഇപ്പോൾ പ്രിയ ഇനിയും ഒരുപാട് ഉയരങ്ങൾ കീഴടക്കാനുണ്ട്. മികച്ച ഒരുപാട് സിനിമകളുടെ ഭാഗമാകണം എന്നും ആഗ്രഹിക്കുന്ന ഒരാളാണ് മുസ്തഫ എന്നാണ് പ്രിയ മണി പറയുന്നത്.  അതുപോലെ മുസ്തഫ തന്റെ ഭാഗ്യമാണെന്നും പ്രിയ പറയുന്നു, കാരണം അദ്ദേഹം ജീവിതത്തിലേക്ക് എത്തിയതിന് ശേഷമാണ് തനിക്ക് സിനിമയിൽ ഒരുപാട് മികച്ച അവസരങ്ങൾ തേടി വരാൻ തുടങ്ങിയത് എന്നും. ഇപ്പോൾ ഒരുപാട് മികച്ച ചിത്രങ്ങൾ താൻ കമ്മിറ്റ് ചെയ്തിട്ടുണ്ട് എന്നും ബോളിവുഡിൽ നിന്നും മികച്ച അവസരങ്ങൾ തന്നെ തേടി വരുന്നുണ്ട് എന്നും വളരെ സന്തോഷത്തോടെ മുസ്തഫയാണ് എന്റെ ലക്കി ചാം എന്നും പ്രിയാമണി പറയുന്നു.

അതേസമയം മുസ്തഫയ്ക്ക് നിർബന്ധമുള്ള മറ്റൊരു കാര്യത്തെ കുറിച്ചും പ്രിയ മണി പറയുന്നുണ്ട്. ഞാൻ വസ്ത്രം ധരിക്കുമ്പോള്‍ അദ്ദേഹത്തിനോട് അഭിപ്രായം ചോദിക്കാറുണ്ട്. അല്ലെങ്കില്‍ ഫോട്ടോയിലോ മറ്റോ കണ്ടാല്‍ എന്താണ് ഇങ്ങനെ വസ്ത്രം ധരിച്ചതെന്ന് തിരക്കും. എപ്പോഴും ഞാന്‍ നല്ലത് പോലെ ഡ്രസ്സ് ചെയ്യണമെന്നാണ് ആഗ്രഹം. നല്ല വസ്ത്രം ധരിച്ചെങ്കിലാണ് മുസ്തഫയ്ക്ക് പ്രശ്‌നം എന്നും പ്രിയാമണി പറയുന്നു. അദ്ദേഹത്തെ ഞാൻ ആദ്യമായി കാണുന്നത് സിസിഎൽ ന്റെ സമയത്താണ്. തുടക്കത്തില്‍ നല്ല സുഹൃത്തുക്കളായിരുന്നു. എന്നാല്‍ അദ്ദേഹത്തിന്റെ ക്യാരക്ടറും രീതികളുമൊക്കെ ഇഷ്ടമായി. ഞാനാണ് ആദ്യം മുസ്തഫയോട് പ്രണയാഭ്യര്‍ത്ഥന നടത്തിയത്. അദ്ദേഹത്തിനും എന്നെ ഇഷ്ടമായിരുന്നു. അങ്ങനെ ഞങ്ങളുടെ വിവാഹം കഴിഞ്ഞു. ഇപ്പോള്‍ സന്തോഷത്തോടെ ജീവിക്കുകയാണ്. ഇഷ്ടപെടാത്ത കാര്യങ്ങൾ അദ്ദേഹം മുഖത്ത് നോക്കി പറയുമെന്നും പ്രിയ പറയുന്നു.