സഹോദരിയെ പഠിപ്പിച്ച് വക്കീലാക്കി, 3.80 കോടി രൂപ വിലവരുന്ന കാർ സ്വന്തമായി വാങ്ങി ! എല്ലാം പൊരുതി നേടിയ വിജയം ! ഷെയിൻ നിഗത്തിന് കൈയ്യടിച്ച് മലയാളികൾ

ഇന്ന് മലയാള സിനിമയിലെ യുവ താരനിരയിൽ ഏറ്റവുമധികം ആരാധകരുള്ള താരങ്ങളിൽ ഒരാളാണ് ഷെയിൻ നിഗം. അകാലത്തിൽ വിടപറഞ്ഞ അനുഗ്രഹീത കലാകാരൻ നടൻ അബിയുടെ മകൻ എന്നതിനപ്പുറം തന്റെ കഴിവ് കൊണ്ട് ഇന്ന് ,സിനിമ ലോകത്ത് തന്റേതായ ഒരു സ്ഥാനം നേടിയെടുക്കാൻ ഷെയിന് കഴിഞ്ഞിട്ടുണ്ട്. ‘ആർ ഡി എക്സ്’ എന്ന സിനിമയാണ് നടന്റെ താരപദവി കൂടാൻ സഹായകമായത്. ഇപ്പോൾ തമിഴിലും നായകനായി അരങ്ങേറാൻ പോകുന്ന സന്തോഷത്തിലാണ് ഷെയിൻ, സിനിമയിൽ ഏറെ പ്രതിസന്ധികളെ തരണം ചെയ്ത ആളാണ് ഷെയിൻ നിഗം, സിനിമയുടെ നിർമ്മാതാക്കളുടെ നടന് ഉണ്ടായ അഭിപ്രായ വ്യത്യാസങ്ങൾ ഷെയിന് സിനിമ രംഗത്ത് വിലക്ക് വരെ നേടികൊടുത്തിരുന്നു. എന്നാൽ അതിൽ നിന്നെല്ലാം ഉയർന്നു വരികയും ആർ ഡി എക്സ് പോലുള്ള വമ്പൻ വിജയം കൈവരിക്കുകയും ചെയ്തതോടെ ഷെയിൻ വീണ്ടും മുൻ നിര നായകനായി മാറുകയായിരുന്നു.

ഇപ്പോഴിതാ  കഴിഞ്ഞ ദിവസം നടന്റെ പിറന്നാൾ ദിനത്തിനോട് അനുബന്ധിച്ച് ഷെയിൻറെ ഫാൻസ്‌ പേജുകളിൽ അദ്ദേഹത്തിന്റെ നേട്ടങ്ങളെ കുറിച്ച് പറഞ്ഞുകൊണ്ട് വന്ന കുറിപ്പുകളാണ് ഇപ്പോൾ കൈയ്യടി നേടുന്നത്, അടുത്തിടെ ഷെയിൻ ഏവരെയും അമ്പരിപ്പിച്ചുകൊണ്ട് തന്റെ പുതിയ കാറ് സ്വന്തമാക്കിയിരുന്നു. മെഴ്സിഡീസ് ബെൻസിന്റെ അത്യാഡംബര എസ്‍യുവി ജിഎൽഎസ് 600 സ്വന്തമാക്കി ഷെയ്ൻ നിഗം. ബ്രിജ്‌വേ മോട്ടോഴ്സിൽ നിന്നാണ് ഏകദേശം 3.80 കോടി രൂപ ഓൺറോ‍ഡ് വില വരുന്ന വാഹനം താരം സ്വന്തമാക്കിയത്. കുടുംബത്തോടൊപ്പമെത്തി പുതിയ വാഹനത്തിന്റെ താക്കോൽ സ്വീകരിക്കുന്ന വിഡിയോയും ബ്രിജ്‌വേ സമൂഹമാധ്യമങ്ങളിൽ‍ പങ്കുവെച്ചിരുന്നു. ഇതിനുമുമ്പ് ലുലു ഗ്രൂപ്പ് ഉടമ യൂസഫലിയും മമ്മൂട്ടിയും മെയ്ബ ജിഎൽഎസ് 600 എസ്‌‍യുവി സ്വന്തമാക്കിയിട്ടുണ്ട്.

അപ്രതീക്ഷിതമായി വാപ്പ വിട്ടുപിരിഞ്ഞതോടെ കുടുംബത്തിന്റെ ചുമലതല ഷെയിൻ ഏറ്റെടുക്കുകയായിരുന്നു, തന്റെ ഉമ്മക്കും സഹോദരിമാർക്കും ഒരു കുറവും വരുത്താതെ ഷെയിൻ ഒപ്പം നിന്നു, തന്റെ സഹോദരിമാർ ആഗ്രഹിച്ചത് പോലെ പഠിപ്പിക്കാനും ഷെയിൻ മുന്നിൽ തന്നെ ഉണ്ടായിരുന്നു, അടുത്തിടെ തന്റെ സഹോദരി വക്കീൽ പരീക്ഷ പാസായ സന്തോഷവും അദ്ദേഹം പങ്കുവെച്ചിരുന്നു. ഇപ്പോൾ തന്റെ പുതിയ തമിഴ് സിനിമയുടെ തിരക്കിലാണ്.

ഒരു അഭിനേതാവ് എന്ന നിലയിൽ ഷെയിൻറെ ഈ ഉയർച്ചയിൽ ഇന്ന് ഏറ്റവുമധികം സന്തോഷിക്കുന്നത് അദ്ദേഹത്തിന്റെ വാപ്പ മായാളികളുടെ പ്രിയങ്കരനായ അബി തന്നെ ആയിരിക്കുമെന്നാണ് ആരാധകരുടെ കമന്റുകൾ, ഇത് കാണാൻ അദ്ദേഹം ജീവിച്ചിരിപ്പില്ല എന്ന ദുഃഖം കൂടി ഏവരും പങ്കുവെക്കുന്നുണ്ട്. അന്നത്തെ പ്രശസ്ത മിമിക്രി ട്രൂപ്പ് ആയിരുന്ന കൊച്ചിൻ കലാഭവനിലൂടെയായിരുന്നു താരം അഭിനയരംഗത്ത് എത്തിയത്. ഒരു നായകക നടനായി സിനിമയിൽഉയരാൻ അദ്ദേഹം ആഗ്രഹിച്ചിരുന്നു എങ്കിലും അത് സാധിച്ചില്ല, സഹ താരമായി സിനിമയിൽ ഒതുണ്ടി പോയ ഒരു കലാകാരനാണ് അബി. എന്നാൽ തനിക്ക് സാധിക്കാതെ പോയ ആ ആഗ്രഹം തന്റെ മകനിലൂടെ നേടിയെടുത്തിട്ടാണ് അദ്ദേഹം ഈ ലോകത്ത് നിന്ന് യാത്രയായത്.