ചേച്ചിയുടെ വിവാഹമാണ് ഇപ്പോൾ ഏറ്റവും വലിയ സ്വപ്നം ! അവളെ സ്വീകരിക്കാൻ നല്ല മനസുള്ള ഒരാൾക്ക് വേണ്ടി കാത്തിരിക്കുകയാണ് ഞങ്ങൾ ! സൂരജിന് പിന്തുണ നൽകി മലയാളികൾ !

സിനിമ ടെലിവിഷൻ റിയാലിറ്റി ഷോകളിൽ കൂടി ഏറെ ശ്രദ്ധ നേടിയ ആളാണ് സൂരജ്. കൈവെച്ച മേഖലകൾ എല്ലാം വിജയം കൈവരിക്കാൻ ഈ ചെറുപ്രായത്തിനുള്ളിൽ തന്നെ സൂരജിന് കഴിഞ്ഞു. തന്റെ കുറവുകളെ മുന്നോട്ടുള്ള ജീവിതത്തിന്റെ ഊർജ്ജമയാണ് സൂരജ് കണക്കാക്കുന്നത്. ടെലിവിഷൻ പരിപാടികളിൽ കൂടി ശ്രദ്ധ നേടിയ സൂരജിന്റെ ആദ്യ ചിത്രം ദുൽഖർ ചിത്രം ചാർളി ആയിരുന്നു.

ശേഷം ഒരുപിടി, മികച്ച സിനിമകളുടെ ഭാഗമാകാൻ സൂരജിന് കഴിഞ്ഞു, ഉദാഹരണം സുജാത, വിമാനം, അമ്പിളി തുടങ്ങിയ ചിത്രങ്ങളിൽ മികച്ച വേഷങ്ങൾ കൈകാര്യം ചെയ്തിരുന്നു, കൂടാതെ അതിനോടൊപ്പം നിരവധി സ്റ്റേജ് ഷോകളും ചെയ്യാറേണ്ടതായിരുന്ന സൂരജ് കലയോടൊപ്പം പഠനവും മുന്നോട്ട് കൊണ്ടുപോകുന്നുണ്ട്. ജീവിതത്തിൽ ഒരു വഴിത്തിരിവായത് സുരാജ് വെഞ്ഞാറമൂട് നായകനായ ‘ആൻഡ്രോയിഡ് കുഞ്ഞപ്പൻ’ എന്ന ചിത്രം തന്നെ ആയിരുന്നു.

ഒരു, സാധാരണ, ഇടത്തരം കുടുംബത്തിലാണ് സൂരജ് ജനിച്ചത്. തന്റെ ജീവിതത്തെ കുറിച്ച് സൂരജ് തന്നെ പറഞ്ഞരുന്നത് ഇങ്ങനെ, ഒരുപാട് കഷ്ടപാടുകളും ബുദ്ധിമുട്ടലുകളും ചെറുപ്പത്തിൽ താന്നെ അനുഭവിച്ചിരുന്നു, അച്ഛനും അമ്മയ്ക്കും ഞങ്ങൾ രണ്ടു മക്കളാണ് മൂത്തത് ചേച്ചി ഇളയത് താനും, അന്ന് തന്നെ ഏറെ വിഷമിപ്പിച്ചു ഒരു കാര്യം എനിക്കും ചേച്ചിക്കും പൊക്കം വെയ്ക്കാനുള്ള മരുന്നുകൾ വാങ്ങിച്ച് അച്ഛന്റെ പോക്കറ്റിലെ ഒരുപാട് കാശ് പോയിട്ടുണ്ട്, കുപ്പികള്‍ കൊണ്ട് ഞങ്ങളുടെ വീട് നിറഞ്ഞു എന്നല്ലാതെ ഞാന്‍ നാലിഞ്ചില്‍ നിന്നും ചേച്ചി മൂന്നിഞ്ചില്‍ നിന്നും ഒരു സെന്റീമീറ്റര്‍ പോലും വളര്‍ന്നില്ല.

പക്ഷെ എല്ലാവരെയും പോലെ മനസ് കൊണ്ട് ഞങ്ങൾ ഒരുപാട് വളർന്നു, ഞങ്ങൾ ഒരുപാട് ഉയരത്തിലാണ്. സ്വാതി എന്നാണ് എന്റെ ചേച്ചിയുടെ പേര്. എന്റെ ഇത്രയും നാളത്തെ കഷ്ടപ്പാടിന്റെ ബലമായി കിട്ടിയ കൊച്ചു സമ്പാദ്യം കൊണ്ട് ഒരു വീട് പണിതു ആഗ്രഹിച്ച പോലെ ഒരു കാറും സ്വന്തമാക്കി. എന്നാൽ തന്റെ ആഗ്രഹങ്ങൾ ഇനിയും അവസാനിക്കുന്നില്ല ഏറ്റവും വലിയ ഒന്ന് ഇപ്പോഴും നടന്നിട്ടില്ല, എന്റെ ഏറ്റവും വലിയ ഒരു ആഗ്രഹം ചേച്ചിയുടെ വിവാഹമാണ്, അവളെ സ്വീകരിക്കാൻ കഴിയുന്ന വലിയ മനസുള്ള ഒരാളെ വേണം. ഈ സുന്ദരിക്കുട്ടിയെ എനിക്ക് ധൈര്യമായി അയാളുടെ കൈ പിടിച്ച് കൊടുക്കണം, നടക്കും നടക്കാതെ എവിടെ പോകാൻ എന്നും സൂരജ് പറയുന്നു. സൂരജിന്റെ വാക്കുകൾക്ക് വലിയ പിന്തുണയാണ് മലയാളികൾ നൽകുന്നത്..