അമ്മയും മകനുമല്ല, ഭാര്യയും ഭർത്താവുമാണ് ! നാലാമത്തെ കുഞ്ഞിനെ വരവേൽക്കാനൊരുങ്ങി ഷെമി ! ആശംസകൾ അറിയിച്ച് ആരാധകർ

സമൂഹ മാധ്യമങ്ങളിൽ കൂടി വളരെ ശ്രദ്ധ നേടിയ  ജോഡികളാണ്  ടി ടി ഫാമിലി എന്നറിയപ്പെടുന്ന ഷെമിയും ഷെഫിയും. യൂട്യൂബിൽ മാത്രം മൂന്ന് ലക്ഷത്തോളം സബ്സ്ക്രൈബേർസാണ് ഇവർക്കുള്ളത്. കടുത്ത ബോഡി ഷെയ്‌മിങ്ങിനും സാധാരണക്കാർക്ക് സങ്കൽപിക്കാൻ കഴിയാത്ത തരത്തിലുള്ള സൈബർ ആക്രമണത്തിനും ഇരയായിട്ടുള്ള വരാണ് ഇവർ. എന്നാൽ അതിലൊന്നും തളരാതെ അതിശക്തമായി തന്നെ മുൻപോട്ട് കുതിക്കുകയാണ് ഷെമിയും ഷെഫിയും.

ഇവരുടെ യുട്യൂബ്, ചാനലിൽ നിന്നും അത്യാവശ്യം വരുമാനവും ഇവർ നേടുന്നുണ്ട്. പ്രായ വ്യത്യാസമോ പരിഹാസ ശരങ്ങളോ ഒന്നും തങ്ങളുടെ കുടുംബ ജീവിതത്തെ ബാധിക്കാറില്ലന്ന് ഇരുവരും നേരത്തെ തന്നെ വ്യക്തമാക്കിയിരുന്നു. ഇപ്പോളിതാ വീണ്ടും ഗർഭിണി ആണ് ഷെമി എന്ന് കാണിക്കുന്ന വീഡിയോ പങ്കിട്ടിരിക്കുകയാണ് താരദമ്പതികൾ. നിരവധിപ്പേരാണ് കമന്റുകളിലൂടെ പ്രതികരിക്കുന്നത്. ഗർഭിണി ആയ വിശേഷം പറഞ്ഞതിനും അത് ടെസ്റ്റ് ചെയ്യുന്ന വീഡിയോ പബ്ലിക്കിന് മുൻപിൽ കാണിച്ചതിനും ആണ് ചിലർ മോശം കമന്റുകൾ പങ്കിട്ടുകൊണ്ട് എത്തിയത്. തങ്ങൾ ബേബി പ്ലാനിങ്ങിൽ ആണെന്നും പടച്ചവൻ തന്നാൽ സ്വീകരിക്കുമെന്നും മുൻപേ തന്നെ പറഞ്ഞിരുന്നു.

ഇവരുടെ മകളായ ഐഷുവിനെ കൂടാതെ ഷെമിക്ക് തന്റെ ആദ്യ വിവാഹത്തിൽ രണ്ട് പെണ്മക്കൾ കൂടിയുണ്ട് . അൽപ്പം ലേറ്റ് ആയ പ്രേഗ്നന്സി ആയതുകൊണ്ടുതന്നെ അത്യാവശ്യം റിസ്ക്ക് ഉണ്ടെന്ന് മുൻപേ തന്നെ ഇവർ പറഞ്ഞതുമാണ്. എന്നാൽ പടച്ചവൻ തന്നു നമ്മൾ സ്വീകരിക്കുന്നു, ബാക്കി അള്ളാഹ് നോക്കുമെന്നാണ് വിശ്വാസമെന്നും ദമ്പതികൾ‌ പറയുന്നു. നിരവധി പേരാണ് ഇവർക്ക് ആശംസകൾ അറിയിച്ച് എത്തുന്നത്.