നന്ദിനി പാലിന് കേരളത്തിലേക്ക് സ്വാഗതം ! ഒന്നും രണ്ടുമല്ല 7 രൂപയാണ് കുറവ് ! മിൽമാ” പാൽ വൻ പ്രതിസന്ധിയില് ആകുമോ എന്ന് പലർക്കും ആശങ്കയുണ്ടെ ! കുറിപ്പുമായി സന്തോഷ് പണ്ഡിറ്റ്!

നടൻ, സംവിധായകൻ, ഗാന രചയിതാവ്, നിർമ്മാതാവ് തുടങ്ങിയ നിലകളിലെല്ലാം പ്രശസ്തനായ ആളാണ് സന്തോഷ് പണ്ഡിറ്റ്. അതിലെല്ലാമുപരി അദ്ദേഹം പൊതു സമൂഹത്തിന് വേണ്ടി തന്നാൽ കഴിയുംവിധം ഒരുപാട് നല്ല കാര്യങ്ങൾ ചെയ്യുന്നുണ്ട്. അതുപോലെ സമൂഹ മാധ്യമങ്ങൾ വഴി തന്റെ അഭിപ്രായങ്ങളും പങ്കുവെക്കാറുണ്ട്. അത്തരത്തിൽ ഇപ്പോഴിതാ അദ്ദേഹം പങ്കുവെച്ച ഒരു കുറിപ്പാണ് ഏറെ ശ്രദ്ധ നേടുന്നത്. സന്തോഷിന്റെ പോസ്റ്റിന് വലിയ സ്വീകരണമാണ് പ്രേക്ഷകർക്ക് ഇടയിൽ നിന്നും ലഭിക്കുന്നത്.

ഇപ്പോഴത്തെ പ്രധാന ചർച്ചാ വിഷമായ കർണ്ണാടകയുടെ നന്ദിനി പാലിനെ കേരളത്തിലേക്ക് സ്വാഗതം ചെയ്തിരിക്കുകയാണ് സന്തോഷ് പണ്ഡിറ്റ്. നന്ദിനി പാൽ കേരളത്തെ അപേക്ഷിച്ച് 7 രൂപയോളം കുറവുണ്ട്, നന്ദിനി കേരളത്തിൽ വിപണിയിൽ എത്തുന്നതോടെ മിൽമാ പാലിന്റെ വില കുറയ്‌ക്കേണ്ടി വരുമെന്നാണ് പണ്ഡിറ്റ് പറയുന്നത്. ‘ഏഴു രൂപ കുറവുണ്ടല്ലോ നന്ദിനി പാൽ എന്നു കരുതി മലയാളികൾ നന്ദിനി വാങ്ങുവാൻ തുടങ്ങിയാൽ, മിൽമ പാലും വില കുറക്കേണ്ട ഗതികേടിൽ എത്തും.. ഇത് ചിലർക്ക് വിഷമം ആകും’ എന്നാണ് സന്തോഷ് പണ്ഡിറ്റ് കുറിച്ചത് സന്തോഷ് പണ്ഡിറ്റ് സോഷ്യൽ മീഡിയയിൽ കുറിച്ചു. അദ്ദേഹത്തിന്റെ വാക്കുകൾ ഇങ്ങനെ,

പണ്ഡിറ്റിൻ്റെ രാഷ്ട്രീയ നിരീക്ഷണം.. കർണാടകയിലെ പ്രധാന പാൽ ബ്രാൻഡായ “നന്ദിനി” കേരള വിപണിയിൽ എത്തുന്നതോടെ കേരളത്തിലെ “മിൽമാ” പാൽ വൻ പ്രതിസന്ധിയില് ആകുമോ എന്ന് പലർക്കും ആശങ്കയുണ്ടെ.. കാരണം കർണാടക യുടെ “നന്ദിനി” പാൽ കേരളത്തെ അപേക്ഷിച്ച് 7 രൂപയോളം കുറവുണ്ട്.. അതുപോലെ “നന്ദിനി” പാൽ ഉപയോഗിക്കുന്നവർ നല്ല ക്വാളിറ്റി ഉണ്ടു എന്നൊക്കെ പറയുകയും ചെയ്യുന്നു.. സത്യം എന്തായാലും “മിൽമാ” പാലിന് “നന്ദിനി” പാൽ ഒരു പാരയാണ്.. ഇനി കുറച്ചു കഴിഞ്ഞാൽ കേരളത്തിൽ “അമുൽ” കൂടി വന്നാൽ മൊത്തം പ്രശ്നം ആയേക്കാം.

നമ്മുടെ നമ്പർ വൺ കേരളത്തിന് അന്യ സംസ്ഥാന ഉല്പന്നങ്ങൾ ഒന്നും ഇവിടെ വേണ്ട എന്ന് തീരുമാനിക്കുക എളുപ്പമല്ല.. കാരണം പച്ചക്കറി, അരി, പഴ വർഗ്ഗങ്ങൾ, മാസം etc അടക്കം 90 ശതമാനവും മറ്റു സംസ്ഥാനങ്ങളെ ആശ്രയിക്കേണ്ട അവസ്ഥയിൽ ആണ് നമ്മൾ. ഏഴു രൂപ കുറവുണ്ടല്ലോ നന്ദിനി പാൽ എന്നു കരുതി മലയാളികൾ “നന്ദിനി” വാങ്ങുവാൻ തുടങ്ങിയാൽ , മിൽമ പാലും വില കുറക്കേണ്ട ഗതികേടിൽ എത്തും.. ഇത് ചിലർക്ക് വിഷമം ആകും.. എന്തായാലും കേരളത്തിലേക്ക് “നന്ദിനി” ക്കു സ്വാഗതം..

നമ്മുടെ ഈ കേരളത്തിൽ പെട്രോളും ഡീസലും കർണാടക സംസ്ഥാനത്തേക്കാൾ വില കൂടുതൽ ആണല്ലോ.. ഇപ്പൊൾ തന്നെ കേരളത്തിലെ അതിർത്തി ജില്ലക്കാർ കർണാടക, തമിൾ നാട്, കേന്ദ്ര ഭരണ പ്രദേശമായ മാഹിയിൽ നിന്നൊക്കെ ഫുൾ ടാങ്ക് അടിക്കുന്നു.. ഇത് കാരണം കേരളത്തിന് ഡീസൽ, പെട്രോൾ നികുതി ഖജനാവിലേക്ക് കുറവ് വന്നു എന്ന് വാർത്ത കണ്ട്.. വിഷയം ഗൗരവമേറിയതാകുന്നു.