ഒരു പ്രായം എത്തുന്നത് വരെ ആൺപിള്ളേർക്ക് ബൈക്കും, പെൺകുട്ടികൾക്ക് മോബോൾ ഫോണും വാങ്ങി നല്‍കരുതെന്ന അഭിപ്രായക്കാരനാണ് ഞാൻ ! മകന്റെ കാമുകിയോട് സംസാരിക്കാറുണ്ട് ! സലിം കുമാർ !

മലയാള സിനിമ രംഗത്ത് ഇന്ന് ഏറെ ജനപ്രീതിയുള്ള നടന്മാരിൽ ഒരാളാണ് സലിം കുമാർ, ഇപ്പോഴിതാ അദ്ദേഹത്തിന്റെ മകൻ ചന്ദു കുമാർ ഇപ്പോൾ സിനിമ രംഗത്ത് വളരെ ശ്രദ്ധ നേടി വരുന്ന ഒരു യുവ താരമാണ്, മഞ്ഞുമ്മൽ ബോയ്സിലും ചന്ദു അഭിനയിച്ചിരുന്നു. ഇപ്പോഴിതാ മുമ്പൊരിക്കൽ തന്റെ കുടുംബത്തെ കുറിച്ച് അദ്ദേഹം പറഞ്ഞിരുന്ന ചില രസകരമായ കാര്യങ്ങളാണ് ഇപ്പോൾ ഏറെ ശ്രദ്ധ നേടുന്നത്.

ആ വാക്കുകൾ ഇങ്ങനെ, എന്റെ വീടിന്റെ തുടിപ്പും താളവും എല്ലാം ഭാര്യ സുനിത ആണെന്നാണ് അദ്ദേഹം പറയുന്നത്, അവൾക്ക് പനി വരുമ്പോഴാണ് തന്റെ വീടിന്റെ താളം തെറ്റുന്നത്. ഞങ്ങൾ പ്രണയിച്ച് വിവാഹം കഴിച്ചവരാണ്. എന്ന് കരുതി ജീവിതം മുഴുവൻ കാമുകി കാമുകന്മാരായിരിക്കാന്‍ കഴിയില്ലല്ലോ. നമ്മൾ ജീവിതത്തിന്റെ ഓരോ ഘട്ടത്തിലേക്ക് കടക്കുമ്പോള്‍ നമ്മുടെയുള്ളിലെ കുട്ടിയെയും കാമുകനെയുമൊക്കെ കൊല്ലേണ്ടി വരും. ഞാനിപ്പോളൊരു ഭര്‍ത്താവും അച്ഛനുമാണ് അവര്‍ ഒരു ഭാര്യയും അമ്മയുമാണ്, അതാണ് ജീവിതം നമ്മയുടെ ജീവിതം തന്നെയാണ് നമ്മുടെ ഗുരു.

ഇപ്പോഴും എനിക്ക് എന്റെ കടങ്ങളെ കുറിച്ചോ അല്ലങ്കിൽ സമ്പത്തിനെ കുറിച്ചോ ഒന്നുംതന്നെ ഒരു ധാരണയില്ല, എനിക്കിപ്പോൾ ആവിശ്യം വേണ്ടത് ഒരു ബീഡി മാത്രമാണ് അതും അവളാണ് വാങ്ങി തരുന്നത്, കൂടാതെ വർഷങ്ങളായി എന്റെ വീട്ടിൽ ആരെങ്കിലും വന്ന് ഭര്‍ത്താവ് എന്ത്യേ എന്ന് ചോദിച്ചാല്‍ അവൾക്ക് ആകെ ഒരു ഉത്തരമേ പറയാനുള്ളു ഷൂട്ടിങ്ങിനു പോയി എന്നത്. അതുപോലെ ഇനി മക്കളെ എവിടെ എന്ന് ചോദിക്കുമ്പോൾ വീണ്ടും ഒരു ജീവിതകാലം മുഴുവൻ അവൾ അതെ ഉത്തരം പറയുന്നത് ശരിയാണെന്ന് എനിക്ക് തോന്നുന്നില്ല, അവളും ഒരു സ്ത്രീയല്ലേ അവൾക്കും ഉണ്ടാകില്ലേ വ്യത്യസ്ത ഇഷ്ടപെടുന്ന ഒരു മനസ്, അതുകൊണ്ടുതന്നെ അമ്മയെ കൊണ്ട് മക്കൾ ഓഫീസിൽ പോയി എന്ന് പറയിപ്പിക്കാനാണ് എനിക്ക് ഇഷ്ടം..

പക്ഷെ മൂത്തവന്‍ ചന്തു എംഎ കഴിഞ്ഞു, ഇളയവൻ ആരോമൽ ബികോം കഴിഞ്ഞു, മൂത്തമകൻ ഒന്ന് രണ്ടു സിനിമകൾ ചെയ്തു, രണ്ടു പേർക്കും സിനിമ ഇഷ്ടമാണ്, പക്ഷെ അവരുടെ ആ സിനിമ മോഹം അത്ര പ്രോത്സാഹിപ്പിക്കാറില്ല, ഒരു അച്ഛൻ എന്ന നിയലായിൽ അവരുടെ ചില ആഗ്രഹങ്ങളൊക്കെ ഞാൻ സാധിച്ചുകൊടുക്കാറുണ്ട്, മകന്‍ പ്രണയിക്കുന്ന പെണ്‍കുട്ടിയോട് ഞാനും ഭാര്യയും സംസാരിച്ചിട്ടുണ്ട്. എന്ന് കരുതി എല്ലാത്തിനും ഒരു ലിമിറ്റേഷന്‍സ് ഉണ്ട്.

എന്നാൽ അതേസമയം മകന്‍ അവന് ഒരു ബൈക്ക് വാങ്ങി കൊടുക്കണം എന്നുപറഞ്ഞ് ഒരുപാട് നിര്‍ബന്ധിച്ചിട്ടും ഞാനത് സമ്മതിച്ചില്ല. കാരണം ആണ്‍കുട്ടികള്‍ ബൈക്കില്‍ ചീറി പാഞ്ഞ് പോയി അപകടമുണ്ടാക്കുന്നത് പലതവണ ഞാൻ കണ്ടിട്ടുണ്ട്, ഒരു പക്വതയെത്തുന്ന പ്രായം വരെ പെണ്‍കുട്ടികള്‍ക്ക് മൊബൈല്‍ ഫോണും ആണ്‍കുട്ടികള്‍ക്ക് ബൈക്കും വാങ്ങി നല്‍കരുതെന്ന അഭിപ്രായക്കാരനാണ് താനെന്നും അദ്ദേഹം പറയുന്നു.