മരുമക്കൾ യാത്രകൾ പോകുമ്പോൾ സ്വന്തം അമ്മമാരേ ഒപ്പം കൊണ്ടുപോകും ! സമൂഹം അങ്ങനെയാണ് ! ചേച്ചിക്ക് പോകണമെന്നില്ലെന്ന് പലരും ചോദിക്കാറുണ്ട് ! മല്ലിക സുകുമാരൻ പറയുന്നു !

മലയാളികളക്ക് വളരെ പരിചിതമായ താര കുടുംബമാണ് മല്ലിക സുകുമാരന്റേത്. മക്കളും മരുമക്കളും കൊച്ചുമക്കളും എല്ലാവരും ഇപ്പോൾ താരങ്ങളാണ്. തന്റെ കുടുംബത്തെ കുറിച്ച് മിക്കപ്പോഴും മല്ലിക തുറന്ന് സംസാരിക്കാറുണ്ട്, ഇപ്പോഴിതാ അത്തരത്തിൽ മരുമകൾക്ക് തന്നോടുള്ള അടുപ്പത്തെ കുറിച്ച് പറയുകയാണ് മല്ലിക സുകുമാരൻ.കൗമുദി മൂവീസിലാണ് നടി മനസ് തുറന്നത്. മക്കളോടൊപ്പം ഒന്നിച്ച് താമസിക്കാനുള്ള ആഗ്രഹം തനിക്കില്ല. ആൺപിള്ളേരാണ് കെട്ടിക്കഴിഞ്ഞാൽ അവരെ അവരുടെ പാട്ടിന് വിട്ടേക്കണമെന്ന് സുകുവേട്ടൻ എന്നോട് പറഞ്ഞിട്ടുണ്ട്. ആ വാക്കുകൾ ഇപ്പോഴും മനസിലുണ്ടെന്ന് മല്ലിക സുകുമാരൻ പറയുന്നു. മക്കൾക്കൊപ്പം യാത്ര പോകാറില്ല. സ്ഥലങ്ങൾ കാണാനുള്ള ആഗ്രഹം ഇപ്പോഴില്ല എന്നും മല്ലിക പറയുന്നു.

സാധാരണ കണ്ടുവരുന്ന രീതിയിലുള്ള ഒരു അമ്മായിഅമ്മ അല്ല ഞാൻ, എനിക്ക് ജീവിക്കാൻ ഉള്ളതെല്ലാം ഉണ്ടാക്കി വെച്ചിട്ടാണ് സുകുവേട്ടൻ പോയത്. അദ്ദേഹം ഉണ്ടാക്കിയത് വിറ്റാൽ ഒരു വലിയ തുക ബാങ്കിലിട്ട് എനിക്ക് കാലും നീട്ടി ഇരിക്കാം. അത് വിൽക്കാത്തത് എന്റെ കുഞ്ഞുങ്ങൾക്കുള്ളതായത് കൊണ്ടാണ്. തിരുവനന്തപുരത്തും എറണാകുളത്തും എനിക്ക് വീടുണ്ട്. മദ്രാസിലെ വീട് കൊടുത്തു. മൂന്നാറിലും മറ്റും സുകുവേട്ടൻ വാങ്ങിച്ച സ്ഥലങ്ങളുണ്ട്. പൈസയ്ക്ക് വലിയ അതിമോഹം എനിക്കില്ല. അച്ഛനുണ്ടാക്കിയത് മക്കൾ അനുഭവിച്ചോട്ടെ.

എനിക്കും പണ്ടൂകെ യാത്രകൾ പോകാൻ ഏറെ ഇഷ്ടമായിരുന്നു, സുപ്രിയയും പൂർണിമയും അവരവരുടെ അമ്മമാരെ യാത്രകളിൽ ഒപ്പം കൊണ്ട് പോകാറുണ്ട്. മക്കൾ രണ്ട് പേരും യാത്രകൾ ഇഷ്‌ടപ്പെടുന്നവരാണ്. കുറച്ച് ദിവസം ഷൂട്ടില്ലെങ്കിൽ യാത്ര പോകും. മരുമക്കൾ സഹായത്തിന് സ്വന്തം അമ്മമാരെ കൊണ്ട് പോകും. ചേച്ചിക്ക് പോകണമെന്നില്ലേ എന്ന് ഒരുപാട് പേർ ചോദിക്കാറുണ്ട്. മരുമക്കൾക്ക് സ്വന്തം അമ്മയോടുള്ള അടുപ്പം അമ്മായിയമ്മയോട് ഉണ്ടാവില്ല. സമൂഹം അങ്ങനെയാണ്. ആ അകലം മനപ്പൂർവം അല്ല. എന്നാൽ പെൺമക്കളുടെ അമ്മമാർ അത് പറഞ്ഞ് മനസിലാക്കിക്കൊടുക്കേണ്ടതുണ്ടെന്നും മല്ലിക സുകുമാരൻ പറയുന്നു.

ഇവിടെയൊന്നും എടുത്ത് ചാടി പോകുന്ന അമ്മയല്ല ഞാൻ. എന്നാൽ പിന്നെ എനിക്ക് മക്കളുടെ ഷൂട്ടിംഗ് സ്ഥലത്തൊക്കെ രണ്ട് ദിവസം താമസിച്ച് മോനെ, സുഖമാണോ എന്നൊക്കെ ചോദിച്ചൂടെ. സിനിമയിൽ ഞാനില്ലെങ്കിൽ പോലും രണ്ട് ദിവസം സെറ്റിലേക്ക് വിളിക്കുന്നവരുണ്ട്. നമ്മൾ ഇരിക്കേണ്ടിടത്ത് ഇരുന്നാൽ സ്നേഹം താനെ വരും. ലക്ഷ്മണ രേഖ കടന്ന് പോയാൽ ചിലപ്പോൾ അതും കുഴപ്പമാകും. ഇപ്പോൾ സന്തോഷത്തോടെയും സമാധാനത്തോടെയും കു‌ട‍ുംബം മുന്നോട്ട് പോകുകയാണ്. ഇത് ഇങ്ങനെ അങ്ങ് പോയാൽ മതി. ആവശ്യമുണ്ടെങ്കിൽ എന്റെ രണ്ട് മക്കളും പറന്നെത്തുമെന്ന പൂർണ വിശ്വാസം തനിക്കുണ്ടെന്നും മല്ലിക സുകുമാരൻ പറയുന്നുണ്ട്.