മാമ്പൂ കണ്ടും മക്കളെ കണ്ടും മോഹിക്കരുത് എന്നൊരു ചൊല്ലുണ്ട് ! ആരെയും വേദനിപ്പിക്കാനല്ല നന്ദികേട് പറയരുത് ! നടി ലളിത ശ്രീ പറയുന്നു!

ചെറുതും വലുതുമായി നിരവധി കഥാപാത്രങ്ങളിലൂടെ നമുക്ക് ഏറെ പരിചിതയായ അഭിനേത്രിയാണ്  ലളിത ശ്രീ. കോമഡി കഥാപാത്രങ്ങളും ഒപ്പം സീരിയസ് വേഷങ്ങളും സഹതാരമായും മലയാള സിനിമയിൽ ഒരു സമയത്ത് നിറഞ്ഞ് നിന്ന അഭിനേത്രിയാണ് ലളിത ശ്രീ, ഇപ്പോഴിതാ അവർ പറഞ്ഞ ചില വാക്കുകളാണ് പ്രേക്ഷക മധ്യത്തിൽ ശ്രദ്ധനേടുന്നത്. താരസംഘടനയായ “അമ്മ” തനിക്ക് പോറ്റമ്മയാണെന്ന് താരം പറയുന്നത്. എന്റെ പെറ്റമ്മ ജീവിച്ചിരിപ്പില്ല.  മാമ്പൂ കണ്ടും മക്കളെ കണ്ടും മോഹിക്കരുത് എന്ന ചൊല്ല് സത്യമാണെന്ന്  തോന്നിപ്പിക്കുന്ന പല രംഗങ്ങൾ കൺമുന്നിൽ അരങ്ങേറുന്നത് ഒരുപാട് കണ്ടിട്ടുണ്ട്.

ഈ കാലഘട്ടത്തിൽ നമുക്ക്  മക്കൾ ഉണ്ടായിട്ടും കാര്യമില്ല എന്നാണേലും ഒരു ആശ്വാസത്തിന് പോലും ‘സ്വന്തം മക്കൾ’ എന്ന് അവകാശപ്പെടാനും ആരും ഇല്ല, അങ്ങനെയുള്ള ഞാൻ ഇന്ന് വളരെ സമാധാനത്തോടെയും അതിലുപരി ധൈര്യത്തോടെയും  ജീവിക്കുന്നുണ്ടെങ്കിൽ അതിന് കാരണം എന്റെ പോറ്റമ്മയാണ്. മലയാളി താരസംഘടനയായ “അമ്മ” എന്ന പോറ്റമ്മ എന്നും നടി പറയുന്നു. ഒരു സംഘടനക്ക് രൂപം കൊടുക്കാൻ എളുപ്പമാണ് എന്നാൽ അതിന്റെ പ്രവർത്തനം നല്ല രീതിയിൽ മുന്നോട്ട് കൊണ്ട് പോകാനും അതിലുള്ള അംഗങ്ങളെ ഏകോപിപ്പിച്ചു കൊണ്ട് പോകാനും വളരെ ബുദ്ധിമുട്ടാണ്.

അതുപോലെ ആ സംഘടനയുടെ തലപ്പത്ത്  ഇരിക്കുന്നവർ  വെറും അധികാര മോഹത്തോടെ അല്ലാതെ തന്നിൽ അർപ്പിക്കപ്പെട്ട ഉത്തരവാദിത്തം നിർവഹിക്കാൻ താല്പര്യം ഉള്ളവർ കൂടെ ആയാൽ ആ സംഘടന മുന്നോട്ട് പോകുക തന്നെ ചെയ്യും. അതിന്റെ പ്രശസ്തി നാൾക്ക് നാൾ വർദ്ധിക്കുകയും ചെയ്യും. എന്തായാലും അമ്മ എന്ന സംഘടനയുടെ ഭാരവാഹികൾ സജീവമായി പ്രവർത്തിക്കുന്നു എന്നതിൽ ഒരു സംശയവും എനിക്കില്ല. ഞാൻ അത് അനുഭവിച്ചറിഞ്ഞതാണ് .

ഈ സംഘടനയിൽ  ഒരു പാട് നല്ല കാര്യങ്ങൾക്ക് തുടക്കം കുറിചത്ത  ഇന്നസെന്റ് അതിന്റെ നേതൃത്വ സ്ഥാനത്ത് ഉണ്ടായിരുന്നപ്പോളാണ് എന്നാണ് എന്റെ വ്യക്തിപരമായ അഭിപ്രായം. അംഗമായ താരങ്ങൾക്ക് പ്രതിമാസം 5000 രൂപ കൃത്യം ഒന്നാം തീയതി അവരുടെ അക്കൌണ്ടിൽ അയക്കുക. ആരോഗ്യ സുരക്ഷയ്ക്കായി വർഷം അഞ്ചു ലക്ഷം രൂപ, ആക്സിഡന്റൽ ഡെത്തിന് പതിനഞ്ചു ലക്ഷം, ആംബുലൻസ് , തുടങ്ങിയ കാര്യങ്ങൾ ഈ സംഘടന ഒരു മുടക്കവും കൂടാതെ നിർവഹിക്കുന്നു. ഇത് കൂടാതെ പല പുണ്യ പ്രവർത്തികൾ വേറെയും. ദിലീപ് നിർമ്മിച്ച 20-20 എന്ന ചിത്രത്തിൽ താരങ്ങൾ പ്രതിഫലം വാങ്ങാതെ അഭിനയിച്ച് അതിൽ നിന്ന് കിട്ടിയ ഒരു കോടി രൂപ അമ്മ ക്ക് നല്കുകയുണ്ടായി . നിരവധി സ്റ്റേജ് ഷോകളിൽ നിന്നും കായിക വിനോദങ്ങളിൽ നിന്നും സ്വരൂപിച്ച തുക കൊണ്ടാണ് അമ്മ അതിന്റെ പ്രവർത്തനം മുന്നോട്ടു കൊണ്ട് പോകുന്നത്.

127 പേർക്ക് ആജീവനാന്തം മാസംതോറും  5000 രൂപ കൊടുക്കുന്നത് ഒരു ചെറിയ കാര്യമായി കാണാൻ എനിക്ക് കഴിയുന്നില്ല. കഴിഞ്ഞ ലോക്ക് ഡൌൺ സമയത്ത് മോഹൻലാൽ എന്നെ വിളിച്ച് വിവരങ്ങൾ അന്വേഷിച്ചു സന്തോഷത്തോടെ സംസാരിച്ചു. അദ്ദേഹത്തിന് അതിന്റെ കാര്യമില്ല പക്ഷെ അതൊക്കെ ഒരു സ്നേഹമാണ് കരുതലാണ്. മനുഷ്യത്വം എന്നേ പറയാൻ കഴിയൂ. അദ്ദേഹമാണ് ‘അമ്മ’യുടെ ഇപ്പോഴത്തെ പ്രസിഡന്റ്. ജനറൽ സെക്രട്ടറി ഇടവേള ബാബുവും , ജോയിന്റ് സെക്രട്ടറി ജയസൂര്യയും ഖജാൻജി സിദ്ധിക്കും.

ഒരു ചെറിയ നടി എന്ന നിലയിൽ ഒരുപാട് വർഷം സിനിമയിൽ ഉണ്ടായ, എന്നാൽ ഇപ്പോൾ അരങ്ങൊഴിഞ്ഞ ഒരു നടികൂടെയാണ് ഞാൻ. വലിയ സമ്പാദ്യം ഒന്നും എനിക്കില്ല. ഒരുപക്ഷേ എന്റെ പിടിപ്പ് കേട് കൊണ്ട് തന്നെയാവാം സമ്പാദ്യം ഇല്ലാതെ പോയത് എന്ന് കരുതിക്കോളൂ. എന്റെ സഹോദരന്റെ കൂടെയാണ് താമസം.ഇപ്പോഴും വെറുതെ ഇരിക്കുന്നില്ല മൊഴി മാറ്റങ്ങൾ ചെയ്തും കലാകാരന്മാർക്കുള്ള ക്ഷേമനിധി തരുന്ന പണം കൊണ്ടും അമ്മയുടെ മാസാമാസം കിട്ടുന്ന കൈനീട്ടം കൊണ്ടും ജീവിക്കുന്നു. ഒരു പക്ഷേ വേറെ ഒന്നും എന്നെ കൊണ്ട് ചെയ്യാൻ കഴിയാത്ത സാഹചര്യത്തിലും അമ്മ യിൽ നിന്ന് കിട്ടിവരുന്ന തുക മുടങ്ങാതെ കിട്ടും എന്നുള്ള വിശ്വാസം അത് വലിയ ഒരു ധൈര്യമാണ് നല്കുന്നത്. ആ നന്ദിയാണ് ഞാനിപ്പോൾ കാണിച്ചത് എന്നും അമ്മയുടെ പുതിയ ഭാരവാഹികൾക്ക് ആശംസകൾ അറിയിച്ചുകൊണ്ടും നടി തന്റെ കുറിപ്പ് അവസാനിപ്പിക്കുന്നു.