ടീനേജ് കാലഘട്ടത്തിൽ മനസ്സിൽ കയറിക്കൂടിയ സുന്ദരി ! പിന്നീട് കറുത്ത നിറമുള്ള പെൺകുട്ടികളെ കാണുമ്പോൾ…! കുറിപ്പ് വീണ്ടും ശ്രദ്ധ നേടുന്നു !

മലയാള സിനിമക്കും അപ്പുറം ഇന്ന് തെന്നിന്ത്യൻ സിനിമ ലോകത്ത് ശ്രദ്ധേയ കഥാപാത്രങ്ങൾ ചെയ്യുന്ന നടനാണ് ഹരീഷ് പേരടി, നാടക വേദികളിൽ നിന്നും സിനിമയിലെ എത്തിയ അദ്ദേഹം ഏറെ മികവുറ്റ കഥാപാത്രങ്ങൾക്ക് ജീവൻ പകർന്നു നൽകിയിട്ടുണ്ട്. ഇതിന് മുമ്പ് പഴയ നടി സൂര്യയെ കുറിച്ച് നടൻ ഹരീഷ് പേരടി പങ്കുവെച്ച ഒരു കുറിപ്പ് ഇപ്പോൾ വീണ്ടും ഏറെ ശ്രദ്ധ നേടുകയാണ്,

തന്റെ ഇഷ്ട നായികയെ കുറിച്ച് അദ്ദേഹത്തിന്റെ ആ വാക്കുകൾ ഇങ്ങനെ, കറുത്ത നിറത്തിന് ഞങ്ങളുടെ ടീനേജ് മനസ്സില്‍ നായികാ സങ്കല്‍പമുണ്ടാക്കിയ സംവിധായകന്‍… പിന്നിട് കറുത്ത നിറമുള്ള പെണ്‍കുട്ടികളെ കാണുമ്ബോള്‍ ബഹുമാനം ഉണ്ടാക്കിയ കലാകാരന്‍… അന്നത്തെ കാമുകന്‍മാര്‍ക്ക് കാമുകി ഒരു ഭരതന്‍ ടച്ചാണെന്ന് പറയുന്നത് തന്നെ ഒരു അഭിമാനമായിരുന്നു… എന്റെയൊക്കെ തലമുറ സിനിമ കണ്ടുവളർന്നിരുന്ന സമയത്ത് എറ്റവും വലിയ സുന്ദരി ആരായിരുന്നു എന്ന് ചോദിച്ചാൽ സൂര്യ എന്ന് ഞാൻ പറയും. നല്ല കറുത്ത മേനിയഴകുള്ള നടിയാണ് സൂര്യ.

സൂര്യ പറങ്കി, മലയിലൂടെ വളര്‍ന്ന് ആദാമിന്റെ വാരിയെല്ലില്‍ എത്തുമ്പോഴേക്കും കലയും കച്ചവടവും നടക്കുന്ന സിനിമാ സൗന്ദര്യബോധമായി അത് മാറിയിരുന്നു.. ശാരിയിലൂടെയും മാതുവിലൂടെയും അത് കുറച്ച്‌ കാലം കൂടി നിലനിന്നിരുന്നെങ്കിലും ആ കറുത്ത സൗന്ദര്യങ്ങള്‍ മലയാളസിനിമക്ക് എവിടെയോ നഷ്ട്ടപ്പെട്ടു…

ഇപ്പോഴത്തെ സിനിമകളിൽ കറുത്ത നായകന്റെ കഥകള്‍ പറയാനും നായികക്ക് വെളുപ്പ് നിര്‍ബന്ധമാണ്..വെളുത്ത നായകന്‍ ഒരിക്കലും കറുത്തപെണ്ണിനേ പ്രേമിക്കാന്‍ പാടില്ലാ എന്നും സിനിമ കാണുന്ന നമുക്ക് ഉറപ്പാണ്…അയ്യപ്പന്‍ നായരുടെ ഭാര്യ കറുത്തവളാവന്‍ പോലും ഒരു കാരണമുണ്ട് ..അയാള്‍ ശരിക്കും ഒരു നായരല്ലാ എന്നതുതന്നെ … ഇന്ന് കറുത്തവളുടെ കഥ പറയാനും വെളുത്ത നടികള്‍ കറുത്ത നിറം കലക്കിയ പാത്രത്തില്‍ ചാടണം…നമ്മുടെ വെളുത്ത നടി നടന്‍മാര്‍ നമുക്ക് വേണ്ടി എത്ര കഷട്ടപെടുന്നുണ്ട്ല്ലേ… എന്നും അദ്ദേഹം ചോദിക്കുന്നു..

അക്കാലത്തെ നായിക, സങ്കൽപ്പങ്ങളെ തച്ചുടച്ചുകൊണ്ട് സിനിമ രംഗത്തേക്ക് കടന്നു വരികയും അവിടെ വളരെ പെട്ടെന്ന് തന്നെ തന്റേതായ ഒരു സ്ഥാനം നേടി എടുക്കാനും കഴിഞ്ഞ ആളായിരുന്നു സൂര്യ. ഭരതൻ സംവിധാനം ചെയ്ത പറങ്കിമല എന്ന ചിത്രത്തിലൂടെ അഭിനയരംഗത്തെത്തിയ മലയാള ചലച്ചിത്രനടിയാണ് സൂര്യ. 1980കളിൽ സജീവമായിരുന്ന അവർ ഗ്ലാമർവേഷങ്ങളിലും അഭിനയപ്രാധാന്യമുള്ള അവാർഡ് പടങ്ങളിലൂടെയും പ്രശസ്തമായി. തമിഴിലും തെലുഗിലും അഭിനയിച്ചിട്ടുണ്ട്. സൂര്യ കറുത്ത നിറമായതുകൊണ്ട് അവർ സിനിമയിൽ കൂടുതലും ലഭിച്ചിരുന്നത് ആദിവാസി, ഹരിജനവിഭാഗത്തിലെ സ്ത്രീ എന്നിങ്ങനെ ആയിരുന്നു. മോഹൻലാൽ മമ്മൂട്ടി എന്നിവരുടെ നായികയായി അഭിനയിച്ചിരുന്ന സൂര്യ ഇപ്പോൾ തമിഴ്നാട്ടിലാണ് താമസം.