എന്നെ നായകന്‍ ആക്കിയില്ലെങ്കില്‍ പിന്നെ ജീവിതത്തില്‍ ഡേറ്റ് തരില്ലെന്ന് മമ്മൂട്ടി പറഞ്ഞു ! മഞ്ജു പിന്മാറി പകരം സന്തോഷത്തോടെ ദിവ്യ നായികയായി ! ലാൽജോസ് പറഞ്ഞു

മലയാളികളുടെ എക്കാലത്തെയും ഇഷ്ട സംവിധായകരിൽ ഒരാളാണ് ലാൽജോസ്, ഒരുപാട് ഹിറ്റുകൾ മലയാള സിനിമക്ക് നൽകിയ അദ്ദേഹം ഇപ്പോഴും മലയാളികൾക്ക് മികച്ച ചിത്രങ്ങൾ സമ്മാനിക്കുന്നതിൽ മുൻ നിരയിൽ തന്നെയാണ്. അത്തരത്തിൽ 1998ല്‍ ഒരുക്കിയ ഒരു മറവത്തൂര്‍ കനവ് എന്ന ചിത്രത്തിലൂടെയാണ് ലാല്‍ജോസ് സംവിധാന രംഗത്തേക്ക് കടന്നു വരുന്നത്. ചിത്രത്തില്‍ ദിവ്യ ഉണ്ണി ആയിരുന്നു നായിക. ഇപ്പോൾ ആ ചിത്രത്തെ കുറിച്ച് ലാൽജോസ് പറഞ്ഞ കാര്യങ്ങളാണ് ഏറെ ശ്രദ്ധ നേടുന്നത്.

ആ ചിത്രത്തിൽ നായികയായി എത്തിയത് നടി ദിവ്യ ഉണ്ണി ആയിരുന്നു. പക്ഷെ ഈ ചിത്രത്തിൽ നായിക ആകേണ്ടത് മഞ്ജു വാര്യർ ആയിരുന്നു എന്നാണ് ലാൽ ജോസ് പറയുന്നത്. ലാൽജോസിന്റെ ആദ്യ ചിത്രം കൂടി ആയിരുന്നു ഒരു മറവത്തൂർ കനവ്. പക്ഷെ അന്ന് എന്ന് മഞ്ജു ചില കാരണങ്ങളാല്‍ ചിത്രത്തിൽ നിന്നും പിന്മാറുകയായിരുന്നു. അപ്പോൾ  എന്തു ചെയ്യുമെന്ന് അറിയാതിരിക്കുമ്പോഴാണ് ദിവ്യയെ വിളിച്ചത്. മഞ്ജു പിന്മാറിയ സിനിമയെന്ന് അറിഞ്ഞിട്ടും സന്തോഷത്തോടെ ദിവ്യ ആ റോള്‍ സ്വീകരിച്ചു എന്നാണ്  ലാല്‍ജോസ് പറയുന്നത്.

അതുപോലെ തന്നെ ഈ ചിത്രത്തിൽ മമ്മൂട്ടി നായകനായി എത്തിയ സാഹചര്യത്തെ കുറിച്ചും  ലാല്‍ജോസ് പറയുന്നുണ്ട്, അഴകിയ രാവണന്‍ എന്ന ചിത്രത്തിന്റെ സെറ്റില്‍ വെച്ചാണ് മമ്മൂട്ടിയെ ആദ്യമായി പരിചയപ്പെടുന്നത്. സംവിധാനം ചെയ്യാന്‍ ഒരുങ്ങുന്ന സമയത്ത് നായകനായി അഭിനയിക്കാമെന്ന് മമ്മൂട്ടിയാണ് ഇങ്ങോട്ട് പറഞ്ഞത്. ആദ്യ ചിത്രത്തില്‍ നായകന്‍ ആക്കിയില്ലെങ്കില്‍ പിന്നെ ജീവിതത്തില്‍ ഡേറ്റ് തരില്ലെന്ന് മമ്മൂട്ടി പറഞ്ഞു എന്നും ലാൽ ജോസ് പറയുന്നു. അതുപോലെ  പലപ്പോഴും മമ്മൂട്ടി വാശി പിടിച്ച സമയത്ത് അതേ വാശിയില്‍ താനും  തിരിച്ചും നിന്നിട്ടുണ്ട്. വേറെയൊരു നടന്‍ ആയിരുന്നെങ്കില്‍ ഇതെല്ലാം മനസില്‍ വൈരാഗ്യമായി സൂക്ഷിച്ചേനെ. പക്ഷേ മമ്മൂട്ടി ആ സമയത്ത് തന്നെ അതെല്ലാം വിട്ടു കളയുകയും തോളില്‍ വന്നു കൈയിടുകയും ചെയ്യുമായിരുന്നു എന്നാണ് ലാല്‍ജോസ് പറയുന്നത്.

കൂടാതെ ക്ലാസ്സ്മേറ്റ്സ് എന്ന സിനിമയെ കുറിച്ചും അദ്ദേഹം തുറന്ന് പറഞ്ഞിരുന്നു, ആ ചിത്രത്തിൽ നായികയായി എത്തിയ കാവ്യാ അന്ന് തന്റെ കഥാപാത്രത്തേക്കാൾ പ്രാധാന്യം റസിയ എന്ന കഥാപാത്രത്തിനാണ് അതുകൊണ്ട് എനിക്ക് റസിയ ആയാൽ മതിയെന്ന് പറഞ്ഞ് വാശി പിടിച്ച് കരഞ്ഞു എന്നും, പക്ഷെ അങ്ങനെയല്ല, എന്ന് പറഞ്ഞിട്ടും കാവ്യാ അതൊന്നും മനസിലാക്കുന്നില്ലായിരുന്നു എന്നും, തനിക്ക് റസിയ ആയാൽ മതി എന്ന ഒരൊറ്റ വാശിയിൽ നിന്നെന്നും അവസാനം നിനക്ക് ചെയ്യാൻ പറ്റില്ലെങ്കിൽ ഇറങ്ങി പോകാൻ പറഞ്ഞെന്നും ലാൽ ജോസ് പറയുന്നു. അവസാനം ഞാൻ താര എന്ന കഥാപാത്രം ചെയ്യാം എന്ന് പറഞ്ഞുകൊണ്ട്  മനസില്ലാ മനസോടെ അത് സമ്മതിക്കുകയായിരുന്നു എന്നും ലാല്ജോസ് പറയുന്നു.