മേപ്പടിയാൻ സിനിമയുടെ സ്ക്രിപ്റ്റ് ചോദിച്ചപ്പോൾ തന്നില്ല, അതിനകത്ത് ഒരു തേങ്ങയുമില്ലെന്ന് മനസിലായി..! സിനിമ ചെയ്യാതിരുന്നതിനെ കുറിച്ച് നിഖില !

ഇന്ന് മലയാള സിനിമ നടിമാരിൽ മുൻ നിര നായികയാണ് നിഖില വിമൽ, ഒരു അഭിനേത്രി എന്നതിനപ്പുറം തന്റെ അഭിപ്രായങ്ങൾ തുറന്ന് സ്മസാരിക്കുന്നതിലൂടെ പൊതു സമൂഹത്തിൽ നിന്നും ഏറെ പിന്തുണയും ഒപ്പം വിമർശനങ്ങളും നേരിടേണ്ടി വന്നിട്ടുള്ള ആളാണ്, ഇപ്പോഴിതാ തന്റെ പുതിയ സിനിമയുടെ പ്രൊമോഷൻ പരിപാടിക്കിടെ മേപ്പടിയാൻ സിനിമയെ കുറിച്ച് നിഖല പറഞ്ഞ വാക്കുകളാണ് ഏറെ ശ്രദ്ധ നേടുന്നത്.

ആ സിനിമയിൽ നായികയായി ആദ്യം വിളിച്ചത് തന്നെ ആയിരുന്നു എന്നാണ് നിഖില പറയുന്നത്. വിഷ്ണു മോഹന് മികച്ച നവാഗത സംവിധായകനുള്ള ദേശീയ അവാര്‍ഡ് നേടിക്കൊടുത്ത ചിത്രമാണ് മേപ്പടിയാന്‍. ഉണ്ണി മുകുന്ദന്‍ നായകനായ ചിത്രത്തില്‍ അഞ്ജു കുര്യന്‍ ആണ് നായികയായത്. ചിത്രത്തില്‍ നായികയായി നടി നിഖില വിമലിനെ പരിഗണിച്ചിരുന്നു. എന്തുകൊണ്ടാണ് മേപ്പടിയാന്‍ ചിത്രത്തോട് നോ പറഞ്ഞത് എന്ന് വ്യക്തമാക്കി രംഗത്തെത്തിയിരിക്കുകയാണ് നിഖില ഇപ്പോള്‍.

നിഖിലയുടെ വാക്കുകൾ ഇങ്ങനെ, അതിൽ എനിക്ക് അഭിനയിക്കാന്‍ ഒന്നുമില്ലായിരുന്നു. സത്യായിട്ടും. ആദ്യമായി എന്നോട് കഥ പറയാന്‍ വന്നപ്പോള്‍ ജീപ്പില്‍ വരുന്നെന്നും ജീപ്പില്‍ പോകുന്നെന്നും മാത്രമേ ഉണ്ടായിരുന്നുള്ളൂ. സ്‌ക്രിപ്റ്റ് ചോദിച്ചപ്പോള്‍, സ്‌ക്രിപ്റ്റ് കുത്തിവരച്ചിരിക്കുകയാണെന്നും തരാന്‍ കഴിയില്ലെന്നും പറഞ്ഞു. അത് കേട്ടപ്പോഴേ എനിക്ക് മനസിലായി അതിനകത്ത് ഒരു തേങ്ങയുമില്ലെന്ന്. അങ്ങനെയാണ് ഞാന്‍ ചെയ്യാതിരുന്നത്. ശരിക്കും ഒന്നും ഉണ്ടായിരുന്നില്ല.

പക്ഷെ എനിക്കുപകരം അഞ്ജു ചെയ്യുമ്പോഴേക്ക് ആ ക്യാരക്ടര്‍ ഡെവലപ് ചെയ്തിട്ടുണ്ട്. എന്റെയടുത്ത് പറഞ്ഞപ്പോള്‍ ജീപ്പില്‍ പോണതേയുള്ളൂ. അനുശ്രീയുടെ അടുത്ത് പറഞ്ഞപ്പോള്‍ ജീപ്പില്‍ വരുന്നതേയുണ്ടായിരുന്നുള്ളൂ. എന്റെ ക്യാരക്ടറിനെ കുറച്ച് ഡവലപ് ചെയ്യാന്‍ പറ്റുമോയെന്ന സ്പേസില്‍ അല്ല ആ സിനിമ ഇരിക്കുന്നത്. ഒന്നും ചെയ്യാനില്ലെന്ന് വിചാരിച്ചാണ് ചെയ്യാതിരുന്നത് എന്നാണ് നിഖില ഒരു അഭിമുഖത്തില്‍ വ്യക്തമാക്കിയിരിക്കുന്നത്. മേപ്പടിയാനില്‍ അഭിനയിക്കാതിരുന്നതില്‍ വിഷ്ണുവിന് വളരെ വിഷമമായെന്ന് ആളുകള്‍ പറഞ്ഞിട്ടുണ്ടെന്നും നടി പറയുന്നുണ്ട്.