മമ്മൂക്കയെ കുറിച്ച്‌ പറയുകയാണെങ്കില്‍ ഒരു സിംഹം സ്‌നേഹിച്ചാല്‍ എങ്ങനെയുണ്ടായിരിക്കും, പക്ഷെ മോഹൻലാൽ അങ്ങനെ അല്ല ! കോട്ടയം രമേശ് പറയുന്നു !

അയ്യപ്പനും കോശിയും എന്ന ചിത്രത്തിന് ശേഷം കൂടുതൽ ശ്രദ്ധിക്കപ്പെട്ട നടനാണ് കോട്ടയം രമേശ്. അതിലുപരി അദ്ദേഹം ഉപ്പും മുളകും എന്ന പരിപാടിയിൽ കൂടി പ്രേക്ഷകരുടെ ഇഷ്ട നടൻ ആയിരുന്നു. അദ്ദേഹം മോഹൻലാലിനെ കുറിച്ചും മമ്മൂട്ടിയെ കുറിച്ചും പറഞ്ഞ കാര്യങ്ങളാണ് ഇപ്പോൾ കൂടുതൽ ശ്രദ്ധ നേടുന്നത്. ഇന്ത്യന്‍ സിനിമയുടെ ഏറ്റവും വലിയ പവറാണ് മമ്മൂക്കയെന്നും, ഇന്ത്യന്‍ സിനിമ എന്നല്ല ഒരുപക്ഷെ ഹോളിവുഡില്‍ വല്ലതുമായിരുന്നെങ്കില്‍ ലോകം കണ്ടതില്‍ വെച്ച്‌ വലിയൊരു നടനായി അദ്ദേഹം മാറുമായിരുന്നു എന്നും കോട്ടയം രമേശ് പറയുന്നു.

അദ്ദേഹത്തിന്റെ വാക്കുകൾ ഇങ്ങനെ, ഇന്ത്യന്‍ സിനിമയുടെ തന്നെ ഏറ്റവും വലിയ പവറാണ് മമ്മൂക്ക. ഇന്ത്യന്‍ സിനിമ എന്നല്ല ഒരുപക്ഷെ അദ്ദേഹം നടനായത് ഹോളിവുഡില്‍ വല്ലതുമായിരുന്നെങ്കില്‍ ലോകം കണ്ടതില്‍ വെച്ച്‌ വലിയൊരു നടനായി മമ്മൂക്ക മാറുമായിരുന്നു. അദ്ദേഹത്തിന്റെ കൂടെയുള്ള എന്റെ മൂന്നാമത്തെ സിനിമയാണ് ഭീഷ്മ പര്‍വ്വം. അദ്ദേഹം തന്നെയായിരിക്കും എനിക്ക് ഈ സിനിമകളില്‍ എല്ലാം അവസരം വാങ്ങി തരുന്നത്. പക്ഷെ ചോദിച്ചാല്‍ പറയില്ല, ഏയ് ഞാനൊന്നുമല്ലെന്ന് പറയും.

പിന്നെ അദ്ദേഹത്തെ കുറിച്ച് പറയുകയാണെങ്കിൽ, ഒരു സിംഹം നമ്മളെ സ്‌നേഹിച്ചാല്‍ എങ്ങനെയുണ്ടായിരിക്കും അതുപോലെയാണ് എനിക്ക് തോന്നിയിട്ടുള്ളത് . പക്ഷെ  മോഹന്‍ലാല്‍ അങ്ങനെയല്ല, നമ്മളെ എപ്പോഴും കൂടെ കൊണ്ടുപോകാനായിട്ട് ശ്രമിക്കുന്ന ഒരാളാണ്,  നമ്മള്‍ എന്തെങ്കിലു  തെറ്റിച്ചാലും ഒരു ബുദ്ധമുട്ടുമില്ലാതെ വീണ്ടും ടേക്ക് എടുക്കാമെന്ന് പറയും. എന്നെ സാറെ എന്നായിരുന്നു അദ്ദേഹം വിളിച്ചിരുന്നത്. എന്നാൽ ആ വിളി  നിർത്തിച്ചത് ഞാൻ തന്നെയാണ്,  അവസാനം അങ്ങനെ വിളിക്കരുതെന്ന് പറയുകയായിരുന്നു. മമ്മൂക്ക ഇടക്ക് നമ്മളോട് ചൂടാവും, പക്ഷെ നമുക്ക് അറിയാം അത് വെറുതെയാണ്, എനിക്കറിയാം അദ്ദേഹത്തിന്റെ മനസ്.

വളരെ പ്രശസ്തനായ നാടക  നടനാണ് കോട്ടയം രമേശ്. ‘1989 ൽ ബാലചന്ദ്രമേനോൻ സംവിധാനം ചെയ്ത ‘ഞങ്ങളുടെ കൊച്ചു ഡോക്ടർ’ എന്ന സിനിമയിൽ സുകുമാരൻ അവതരിപ്പിക്കുന്ന ഡോക്ടർ കഥാപാത്രത്തെ ചോദ്യം ചെയ്യാൻ വരുന്ന ഉദ്യോഗസ്ഥന്റെ വേഷത്തിൽ എത്തിയ രമേശ് വര്ഷങ്ങള്ക്ക് ശേഷം അതെ ആളുടെ മകന്റെ ഒപ്പം വളരെ ശ്കതമായ കഥാപാത്രമായി തിരിച്ചെത്തി.  അയ്യപ്പനും കോശിയും എന്ന ചിത്രമാണ് ഇപ്പോൾ വീണ്ടും അദ്ദേഹത്തിന്റെ കരിയറിൽ ഒരു വലിയ നേട്ടമായി കാണാൻ കഴയുന്നത് അതിനു ശേഷം അദ്ദേഹം ഇപ്പോൾ അദ്ദേഹം സിനിമകളുടെ തിരക്കിലാണ്.