പണം വാഗ്ദാനം അങ്ങനെ ചെയ്യാമോ എന്ന് ചോദിച്ചിരുന്നു ! പിന്നെ ഇത് മാത്രം അംഗീകരിക്കാൻ കഴിയാത്തത് എന്താണ് ! സായി കൃഷ്ണന്‍ വെളിപ്പെടുത്തുന്നു !

അടുത്തിടെ മലപ്പുറം സിനിമയുടെ റിവ്യൂ മോശമായി പറഞ്ഞു, വ്യക്തിപരമായും കുടുംബത്തെയും അപമാനിച്ചു എന്നാരോപിച്ച് ഉണ്ണി മുകുന്ദൻ യൂട്യൂബറെ ഫോണിൽ വിളിച്ച് തെറി പറയുന്ന ഓഡിയോ സമൂഹ മാധ്യമങ്ങളിൽ വളരെ വൈറലായിരുന്നു. ഇപ്പോഴിതാ സംഭവിച്ചതിനെ കുറിച്ച് സായ് കൃഷ്‌ണ പറയുന്നത് ഇങ്ങനെ, തന്റെ വളര്‍ത്ത് ദോഷത്തെ കുറിച്ചും, സിനിമയില്‍ അഭിനയിച്ച ബാലതാരത്തെ കുറിച്ചും അനാവശ്യം പറഞ്ഞു എന്ന് പറഞ്ഞുകൊണ്ട് ഉണ്ണി മുകുന്ദന്‍ സീക്രട്ട് ഏജന്റിനെ വിളിക്കുകയും, തെറി പറയുകയും ചെയ്തിരുന്നു.

സായ് കൃഷ്‌ണ പറയുന്നത് ഇങ്ങനെ, സത്യത്തിൽ ആ കോള്‍ റെക്കോഡ് ചെയ്തത് താന്‍ അല്ല, എന്നെ തെറി വിളിക്കുന്നത് എന്റെ ഒരു സുഹൃത്ത് ആണ് റെക്കോഡ് ചെയ്തത്. അദ്ദേഹമാണ് അത് പോസ്റ്റ് ചെയ്തതും. അത് ഒരിക്കലും തെറ്റായി എന്ന് തോന്നുന്നില്ല. പിന്നെ ഞാന്‍ ഉണ്ണി മുകുന്ദന്റെ മാതാപിതാക്കളെയോ അതില്‍ അഭിനയിച്ച കുട്ടിയെയോ തെറ്റായി പറഞ്ഞിട്ടില്ല. ഉണ്ണി മുകുന്ദന്‍ വളര്‍ന്ന് വന്ന രീതി അതായിരിക്കാം എന്നാണ് പറഞ്ഞത്- അത് തെറ്റായ രീതിയാണ് എന്ന് ഞാന്‍ പറഞ്ഞിട്ടില്ല.

അയാൾ വളർന്നത് ഭക്തിയുടെ വഴിയെ ആണ് എന്ന് പറയുമ്പോള്‍ അതിൽ എവിടെയാണ് തെറ്റ്, എവിടെയാണ് അദ്ദേഹത്തിന്റെ വീട്ടുകാരെ ഞാന്‍ പറഞ്ഞത്. ആ സിനിമയുടെ  പ്രമോഷന് വരുമ്പോള്‍ ആ കുട്ടികള്‍ കറുത്ത വസ്ത്രം ധരിച്ച് വന്നത് അഗ്രസ്സീവ് പ്രമോഷനാണെന്ന് എനിക്ക്  തോന്നി എന്ന് പറഞ്ഞത് എന്റെ അഭിപ്രായമാണ്. അത് ഞാൻ പറയും.  അങ്ങനെ ധരിക്കരുത് എന്ന് ഞാന്‍ പറഞ്ഞിട്ടില്ല. ഇനി ഇപ്പോൾ ഉണ്ണി മുകുന്ദന്‍ എന്നല്ല എന്നെ തെറി വിളിച്ചാല്‍ ആരുടെ മുഖത്ത് നോക്കിയാണെങ്കിലും തുറന്ന് സംസാരിക്കാന്‍ എനിക്ക് അറിയാം. എനിക്ക് വളരെ ഇഷ്ടമുള്ള രണ്ട് അഭിനേതാക്കളാണ് പൃഥ്വിരാജും മോഹന്‍ലാലും. അവര്‍ ഇതുപോലെ പറഞ്ഞാലും എന്റെ സ്റ്റാന്റ് ഇത് തന്നെയായിരിയ്ക്കും.

ഉണ്ണിയുടെ ഇതിന് മുമ്പത്തെ രണ്ടു ചിത്രങ്ങൾക്കും വളരെ മികച്ച റിവ്യൂ ഇട്ട ആളാണ് ഞാൻ, അപ്പോഴൊന്നും അയാൾ എന്നെ വിളിച്ച് നന്ദി പറഞ്ഞില്ലല്ലോ, മാളികപ്പുറം എന്ന സിനിമയെ കുറിച്ച് ഞാന്‍ പറഞ്ഞത് എന്റെ അഭിപ്രായം ആണ്. എന്തുകൊണ്ട് പണം മുടക്കി സിനിമ കാണുന്നവന് അതിനെ കുറിച്ച് അഭിപ്രായം പറയാന്‍ പാടില്ല എന്ന് പറയുന്നു. സിനിമയെ കുറിച്ച് പോസിറ്റീവ് റിവ്യൂസ് എഴുതിയാല്‍ സിനിമാക്കാര്‍ തന്നെ അത് എടുത്ത് കൊണ്ടുപോയി റീല്‍സ് ആയി പോസ്റ്റ് ചെയ്യാറുണ്ട്. നെഗറ്റീവ് പറഞ്ഞാല്‍ അംഗീകരിക്കാന്‍ കഴിയാത്തത് എന്തുകൊണ്ടാണ്. ഒരുപാട് സിനിമാ പ്രവര്‍ത്തകര്‍ അവരുടെ ചിത്രത്തിന്റെ ടീസറും ട്രെയിലറും സിനിമയും ഒക്കെ ഇറങ്ങുമ്പോള്‍ പ്രമോട്ട് ചെയ്യാമോ എന്ന് ചോദിച്ച് പണം വാഗ്ദാനം ചെയ്ത് വിളിക്കാറുണ്ട് എന്നും സായ് കൃഷ്ണൻ പറയുന്നു.