മണിച്ചേട്ടന്റെ ആഗ്രഹം സഫലമാക്കി മകൻ ശ്രീലക്ഷ്മി ! ഇനി ഡോക്ടർ ശ്രീലക്ഷ്മി ! പാവങ്ങളെ സൗജന്യമായി ചികില്സിക്കുന്ന ഒരു ഡോക്ടർ ആയി മാറണം എന്നാണ് അച്ഛൻ നൽകിയിരുന്ന ഉപദേശം !

മലയാളികൾ ഒരിക്കലും മറക്കാത്ത കലാകാരനാണ് കലാഭവൻ മണി, അകാലത്തിൽ നമ്മെ വിട്ടുപിരിഞ്ഞ ആ അനുഗ്രഹീത കലാകാരനെ ഇന്നും മലയാളികൾ മനസ്സിൽ സൂക്ഷിക്കുന്നു. ഇപ്പോഴിതാ അദ്ദേഹത്തിന്റെ ആഗ്രഹം മകൾ നിറവേറ്റിയ സന്തോഷ വാർത്തയാണ് ഏറെ ശ്രദ്ധ നേടുന്നത്, അദ്ദേഹത്തിന്റെ ഒരേ ഒരു മകൾ ശ്രീലക്ഷ്മി ഇപ്പോൾ ഡോക്ടറായിരിക്കുകയാണ്. നിരവധി പ്രതിസന്ധി ഘട്ടങ്ങളെ തരണം ചെയ്താണ് ശ്രീലക്ഷ്മി ഈ ജീവിത വിജയം നേടിയെടുത്തത്, അച്ഛന്റെ ആഗ്രഹം നിറവേറ്റണം എന്ന ഒരൊറ്റ ചിന്ത തന്നെ ആയിരുന്നു മനസ്സിൽ എപ്പോഴുമെന്നും മകൾ പറയുന്നു. ശ്രീലക്ഷ്മി പത്താക്ലാസിൽ പഠിക്കുമ്പോഴായിരുന്നു കലാഭവൻ മണിയുടെ അപ്രതീക്ഷിത വിടവാങ്ങൽ. ഇന്ന് ശ്രീ നാരായണ കോളജ് ഓഫ് മെഡിക്കല്‍ സയന്‍സില്‍ എംബിബിഎസ് നാലാം വര്‍ഷ വിദ്യാര്‍ഥിനിയാണ് മണിയുടെ ഏക മകള്‍ ശ്രീലക്ഷ്മി. രണ്ട് വര്‍ഷത്തോളം കാത്തിരുന്ന് എന്‍ട്രന്‍സ് പരിശീലനം നടത്തി ശ്രീലക്ഷ്മി എംബിബിഎസ് പ്രവേശനം നേടിയത്.

ഇപ്പോഴിതാ വർഷങ്ങൾക്ക് ശേഷം ശ്രീലക്ഷ്മിയുടെ ചിത്രങ്ങൾ കണ്ട സന്തോഷത്തിലാണ് മലയാളികൾ. ചാലക്കുടിയിലെ നടന്റെ വീടായ മണികൂടാരത്തില്‍ നിന്നുള്ള വിശേഷങ്ങളാണ് ഇപ്പോള്‍ ശ്രദ്ധ നേടുന്നത്. കൂട്ടുകാരി ശില്‍പയുടെ വ്‌ളോഗിലൂടെ വിശേഷങ്ങള്‍ പങ്കുവച്ചിരിക്കുകയാണ് ശ്രീലക്ഷ്മി. അച്ഛന് പിറന്നാള്‍ സമ്മാനം കിട്ടിയ ആന, താന്‍ വരച്ച ചിത്രങ്ങള്‍, അച്ഛന്റെ ഓര്‍മ്മകുടീരം, ബുള്ളറ്റ് അങ്ങനെ എല്ലാ ഓര്‍മ്മകളും ശ്രീലക്ഷ്മി പങ്കുവയ്ക്കുന്നുണ്ട്.

അച്ഛന്റെ, ആഗ്രഹത്തെ കുറിച്ച് മുമ്പൊരിക്കൽ ശ്രീലക്ഷ്മി പറഞ്ഞിരുന്നത് ഇങ്ങനെ, എന്റെ പത്താം ക്ലാസ്സ് പരീക്ഷക്ക് ,മുമ്പ് അച്ഛൻ എന്നെ അടുത്ത് വിളിച്ചിരുത്തി പറഞ്ഞു, മോളെ എന്റെ സമയത്ത് എനിക്ക് പഠിക്കാനുള്ള സാഹചര്യം ഉണ്ടായിരുന്നില്ല, പിന്നെ കോപ്പിയടിച്ചിട്ടും പത്താം ക്ലാസ്സിൽ ഞാൻ ജയിച്ചതുമില്ല, പക്ഷെ മോൾ നന്നായി പഠിക്കണം, മിടുക്കി ആകണം, ഒരു ഡോക്ടർ ആകണം, എനിട്ട് അച്ഛൻ ചാലക്കുടിയിൽ ഒരു ആശുപത്രി ഇട്ടു തരും, പാവങ്ങളെ സൗജന്യമായി ചികില്സിക്കണം എന്നെല്ലാം പറഞ്ഞു.

അച്ഛൻ, ഇപ്പോഴും ഞങ്ങൾക്ക്, ഒപ്പം തന്നെ ഉണ്ട്. ഞാൻ കിടക്കുന്ന മുറി നിറയെ അച്ഛൻ ചിരിക്കുന്ന ചിത്രങ്ങളാണ്, ആ ചിരിക്കുന്ന മുഖം കണ്ട് ഉണരാനാണ് എനിക്കിഷ്ട്ടം. അച്ഛൻ പോയതിനു ശേഷം അമ്മ അങ്ങനെ വീട് വിട്ട് പുറത്തിറങ്ങിയിട്ടില്ല, ആരെങ്കിലും അച്ഛന്റെ പേര് ഒന്ന് പറഞ്ഞാൽ മതി അപ്പോൾ സങ്കടം തുടങ്ങും അമ്മക്ക്, ഇത്ര തിടുക്കത്തിൽ അച്ഛൻ ഞങ്ങളെ വിട്ട് എങ്ങോട്ടാണ് പോയത് എന്ന് എപ്പോഴും ഓർക്കുമെന്നും മകൾ പറയുന്നു…