‘അച്ഛന്റെ മകൾ തന്നെ’, തന്നെ പരിഹസിച്ചവന് മാസ്സ് മറുപടിയുമായി താര പുത്രി ! കൈയ്യടിച്ച് ആരാധകർ !

മലയാളികൾ ഏറെ ബഹുമാനിക്കുകയും ആരാധിക്കുകയും ചെയ്യുന്ന താരമാണ് സുരേഷ് ഗോപി. അദ്ദേഹത്തെ ഇഷ്ടപ്പെടുന്നത് പോലെ തന്നെ അദ്ദേഹത്തിന്റെ കുടുംബത്തെയും ആരാധിക്കുന്നു. അദ്ദേഹം ഒരു നടൻ രാഷ്ട്രീയ പ്രവർത്തകൻ എന്നീ നിലകളിൽ ഉപരി നല്ലൊരു കുടുംബ നാഥൻ കൂടിയാണ്, നാല് മക്കളുടെ പിതാവായ അദ്ദേഹം തന്റെ കുടുംബത്തെ എന്നും ഹൃദയത്തോട് ചേർത്ത് നിർത്തിയിരുന്നു. മക്കളിൽ ഗോകുൽ മാത്രമാണ് ഇപ്പോൾ അഭിനയ രംഗത്ത് സജീവമായി നിൽക്കുന്നത്, ഏറ്റവും ഇളയ മകൻ മാധവനും തന്റെ ആദ്യ സിനിമയുടെ ഷൂട്ടിങ് തിരക്കുകളിലാണ്.

പക്ഷെ അദ്ദേഹത്തിന്റെ രണ്ടു പെൺമക്കളും അത്ര സിനിമ രംഗത്ത് സജീവമല്ല, മക്കൾ പഠനത്തിന്റെ തിരക്കിലാണ്. അടുത്തിടെ അദ്ദേഹത്തിന്റെ മകൾ ഭാഗ്യ സുരേഷ് പങ്കുവെച്ച ഒരു പോസ്റ്റ് ശ്രദ്ധ നേടിയിരുന്നു.  തന്റെ ബിരുദ ദാന ചടങ്ങിന്റെ ചിത്രങ്ങളാണ് ഭാഗ്യ പങ്കുവച്ചത്. ബ്രിട്ടീഷ് കൊളംബിയ സര്‍വകലാശാലയില്‍ നിന്നാണ് ഭാഗ്യ ബിരുദം നേടിയത്. തന്റെ പ്രിയപ്പെട്ടവര്‍ക്കൊപ്പമുള്ള ചിത്രങ്ങളും ഭാഗ്യ അതിനൊപ്പം ഷെയര്‍ ചെയ്തിരുന്നു.

ചിത്രങ്ങൾ വളരെ വേഗം ശ്രദ്ധ നേടിയിരുന്നു. നിരവധിപേര് ഭാഗ്യയെ അഭിനന്ദനം അറിയിച്ച് എത്തിയിരുന്നു. അതിൽ ശ്രദ്ധ നേടിയ മറ്റൊരു കാര്യം ചടങ്ങിൽ തിളങ്ങാൻ ഭാഗ്യ തിരഞ്ഞെടുത്തത് കേരള സാരി ആയിരുന്നു എന്നതാണ്. കേരള സാരി അണിഞ്ഞാണ് ഭാഗ്യ ചടങ്ങിനെത്തിയത്.  എന്നാൽ ഇപ്പോഴിതാ തന്റെ വസ്ത്ര ധാരണത്തെ കുറിച്ച് വിമർശിച്ച ആൾക്ക് അതേ ഭാഷയിൽ മറുപടി നൽകിയിരിക്കുകയാണ് ഭാഗ്യ.

വിമർശകന്റെ കമന്റ് ഇങ്ങനെ ആയിരുന്നു.  അഭിനന്ദനങ്ങൾ, നിങ്ങൾ സാരി ഒഴിവാക്കി പാശ്ചാത്യ വേഷം ധരിക്കുന്നതായിരിക്കും നല്ലതെന്നാണ് എന്റെ അഭിപ്രായം. സാരിയുടെ പ്രശ്നം എന്താണെന്നു വച്ചാൽ നീളത്തെക്കാൾ വണ്ണം കൂടിയവർക്ക് ചേരുന്ന വസ്ത്രമല്ല സാരി. സാരിയെക്കാൾ പാശ്ചാത്യ വേഷമായ പാവാടയും ബ്ലൗസും നിങ്ങളെ കൂടുതൽ സ്‌മാർട്ടാക്കും എന്നായിരുന്നു.

ഇതിന് താര പുത്രിയുടെ മറുപടി ഇങ്ങനെ…  ചോദിക്കാതെ തന്നെ ഇത്തരത്തിൽ  നൽകിയ വിലപ്പെട്ട അഭിപ്രായത്തിന് നന്ദി. എന്റെ വീതിയേയും നിളത്തെയും കുറിച്ച് നിങ്ങൾ ആശങ്കപ്പെടേണ്ടതില്ല. എനിക്ക് അനുയോജ്യമെന്നു തോന്നുന്ന വസ്ത്രങ്ങൾ ഞാൻ ഇനിയും ധരിക്കും. എല്ലാ ഇന്ത്യൻ വിദ്യാർഥികളും പാശ്ചാത്യരെ അനുകരിച്ച് അവരുടെ വേഷം ധരിക്കാൻ നിർബന്ധിതരാകുന്ന ഒരു വിദേശ രാജ്യത്ത് ബിരുദദാന ചടങ്ങിനായി എന്റെ വേരുകളെ ബഹുമാനിക്കാൻ പരമ്പരാഗതമായ കേരള സാരി ധരിക്കാനായിരുന്നു ഞാൻ ആഗ്രഹിച്ചത്.

എന്റെ വ്യക്തിപരമായ ഇത്തരം  കാര്യത്തിൽ താൽപര്യം കാണിക്കാതെ നിങ്ങളുടെ സ്വന്തം കാര്യങ്ങളിൽ ശ്രദ്ധ കേന്ദ്രീകരിക്കാനും മറ്റുള്ളവരുടെ ശരീരങ്ങളെയും വസ്ത്രങ്ങളെയും കുറിച്ച് അഭിപ്രായം പറയാതിരിക്കാനും ഇനിയെങ്കിലും ശ്രമിക്കുമല്ലോ. എന്നുമായിരുന്നു  കമന്റിന് മറുപടിയായി ഭാഗ്യ സുരേഷ് കുറിച്ചത്, താര പുത്രിയുടെ ഈ പ്രതികരണത്തിന് നിറഞ്ഞ കൈയ്യടിയാണ് ലഭിക്കുന്നത്.