അലൻസിയറേ.., മുഖ്യമന്ത്രി പിണറായി വിജയന്റെ ആൺകരുത്ത് ഇതല്ല..! അത് സമരങ്ങളുടെയും പോരട്ടങ്ങളുടെതുമാണ് ! വിമർശിച്ച് ഹരീഷ് പേരടി !

മലയാള സിനിമയിൽ ഏറെ ശ്രദ്ധേയ വേഷങ്ങൾ ചെയ്ത് കൈയ്യടി വാങ്ങിയ നടന്മാരാണ് അലൻസിയറും, ഹരീഷ് പേരടിയും. അലൻസിയറിനു ഇത്തവണത്തെ സ്പെഷ്യല്‍ ജൂറി അവാര്‍ഡ് ലഭിച്ചിരുന്നു, അപ്പന്‍ എന്ന സിനിമയിലെ അഭിനയത്തിനാണ് അലൻസിയറിന് പ്രത്യേക ജൂറി പരാമര്‍ശം ലഭിച്ചത്. എന്നാൽ ഇപ്പോഴിതാ പുരസ്‌കാരം വാങ്ങാൻ എത്തിയ നടൻ വേദിയിൽ വെച്ച് പറഞ്ഞ ചില സ്ത്രീ വിരുദ്ധ പ്രസ്താവനയാണ് ഇപ്പോൾ വലിയ വിവാദമായി മാറുന്നത്.

ഇതുപോലെ ഉള്ള  പെണ്‍പ്രതിമ നല്‍കി പ്രകോപിപ്പിക്കരുതെന്നും,  ആണ്‍കരുത്തുള്ള മുഖ്യമന്ത്രി ഇരിക്കുന്നിടത്ത് ആണ്‍കരുത്തുള്ള പ്രതിമ നല്‍കണം. ആണ്‍കരുത്തുള്ള പ്രതിമ ലഭിക്കുന്ന ദിവസം അഭിനയം നിര്‍ത്തുമെന്നും അലൻസിയര്‍ പറഞ്ഞു.സ്പെഷ്യല്‍ ജൂറി പുരസ്കാരത്തിന് സ്വര്‍ണം പൂശിയ പ്രതിമ തരണം. സ്പെഷ്യല്‍ ജൂറി പുരസ്കാരത്തുക വര്‍ധിപ്പിക്കണമെന്നും അദ്ദേഹം ആവശ്യപ്പെട്ടു.

നടനെ വിമർശിച്ച് പലരും രംഗത്ത് വരുന്നുണ്ട്, ആ കൂട്ടത്തിൽ ഇപ്പോഴിതാ നടൻ ഹരീഷ് പേരടി പങ്കുവെച്ച കുറിപ്പാണ് സമൂഹ മാധ്യമങ്ങളിൽ വലിയ ചർച്ചയായി മാറുന്നത്.  അദ്ദേഹത്തിന്റെ വാക്കുകൾ ഇങ്ങനെ, ഈ ഡയലോഗ് ഉണ്ണി മുകുന്ദൻ പറഞ്ഞിരുന്നെങ്കിൽ ഇന്ന് പുരോഗമന തള്ള് തള്ളാമായിരുന്നു…പക്ഷെ പറഞ്ഞത് കമ്മ്യൂണിസ്റ്റ് പാവാട അലൻസിയറായി പോയി, എന്തായാലും പറഞ്ഞ സ്ഥിതിക്ക് അലൻസിയറിനോട് രണ്ട് വാക്ക് അലൻസിയറെ.. മഹാനടനെ.. ഒരു പെൺ പുരസ്ക്കാര പ്രതിമ കാണുമ്പോൾ പോലും നിനക്ക് ലിംഗം ഉദ്ധരിക്കുന്നുണ്ടെങ്കിൽ അത് നിന്റെ മാനസികരോഗം മൂർച്ചിച്ചതിന്റെ ലക്ഷണമാണ്… അതിന് ചികൽസിക്കാൻ നിരവധി മാനസിക ആരോഗ്യ കേന്ദ്രങ്ങൾ കേരളത്തിൽ നിലവിലുണ്ട്.

അതുമല്ലങ്കിൽ മറ്റൊരു വഴി സ്വർണ്ണം പൂശിയ ആൺ ലിംഗ പ്രതിമകൾ സ്വയം പണം ചിലവഴിച്ച് സ്വന്തമാക്കി വീട്ടിൽ പ്രദർശിപ്പിച്ച് അതിലേക്ക് നോക്കിയിരിക്കുക എന്നതാണ് …രാഷ്ടിയ അഭിപ്രായ വിത്യാസങ്ങൾ ഉണ്ടെങ്കിലും മുഖ്യമന്ത്രി പിണറായി വിജയന്റെ ആൺകരുത്ത് ഇതല്ല …അത് സമരങ്ങളുടെയും പോരട്ടങ്ങളുടെതുമാണ്…ഈ സ്ത്രി വിരുദ്ധ പരാമർശത്തിന്റെ പേരിൽ അലൻസിയറുടെ അവാർഡ് സർക്കാർ പിൻവലിക്കേണ്ടതാണ് എന്നും ഹരീഷ് കുറിച്ചു.

എന്നാൽ ഇപ്പോഴും താൻ പറഞ്ഞതിൽ ഒരു തെറ്റുമില്ലന്നും, തന്നെ വിമര്ശിക്കുന്നവരോട് പുച്ഛം മാത്രമാണ് എന്നും അലൻസിയർ  പ്രതികരിച്ചു. സബ്ബിങ് ആർട്ടിസ്റ്റ് ഭാഗ്യ ലക്ഷ്മി ഇദ്ദേഹത്തെ രൂക്ഷമായി വിമർശിച്ച് രംഗത്ത് വന്നിരുന്നു. നടന്റെ പുരസ്‌കാരം പിൻവലിക്കണം എന്നാണ് എല്ലാവരുടെയും അഭിപ്രായം.