എനിക്ക് അറിയാവുന്ന സുരേഷ് ഗോപി ദുരുദ്ദേശത്തോടെ ഒരു സ്ത്രീയെ ടച്ച് ചെയ്യുന്നയാളല്ല ! പക്ഷെ ചെയ്തത് ശെരിയായില്ല ! കെബി ഗണേഷ് കുമാർ !

ഇന്ന് സമൂഹ മാധ്യമങ്ങളിൽ ഏറ്റവും കൂടുതൽ ചർച്ചയാകുന്ന ഒരു വിഷയമാണ് സുരേഷ് ഗോപിയും മാധ്യമ പ്രവർത്തകരും തമ്മിലുള്ള തർക്കങ്ങൾ. വനിതാ മാധ്യമ പ്രവർത്തകരുമായി രണ്ടു തവണ സുരേഷ് ഗോപിക്ക് വാക്ക് തർക്കങ്ങൾ ഉണ്ടാകുകയും, അത് വലിയ രീതിയിൽ വാർത്തയായി മാറുകയുമായിരുന്നു. ഈ വിഷയത്തിൽ അദ്ദേഹത്തെ അനുകൂലിച്ചും വിമർശിച്ചും നിരവധി പേര് രംഗത്ത് വന്നിരുന്നു.

അതിൽ ഇപ്പോഴിതാ ഈ വിഷയത്തിൽ നടനും എം എൽ എ യുമായ കെബി ഗണേഷ് കുമാർ പറഞ്ഞ വാക്കുകളാണ് ഏറെ ശ്രദ്ധ നേടുന്നത്. എഡിറ്റോറിയൽ ലൈവിനോട് സംസാരിക്കവെയാണ് സുരേഷ് ​ഗോപി വിവാദത്തിൽ ​ഗണേഷ് കുമാർ പ്രതികരിച്ചത്. ‘എനിക്ക് അറിയാവുന്ന സുരേഷ് ഗോപി ദുരുദ്ദേശത്തോടെ ഒരു സ്ത്രീയെ ടച്ച് ചെയ്യുന്നയാളല്ല. [പക്ഷെ സത്യം പറയണമല്ലോ. പക്ഷെ അദ്ദേഹം ചെയ്തത് ശരിയോ തെറ്റോയെന്ന് ചോദിച്ചാൽ വേണ്ടിയിരുന്നില്ലെന്നാണ് എനിക്ക് പറയാനുള്ളത്.

കാരണം ആ പെൺകുട്ടി വളരെ മാന്യമായി അതിനോട് എതിർപ്പ് കാണിച്ചിട്ടും അദ്ദേഹം വീണ്ടും അത് ആവർത്തിച്ചു. എന്നിട്ടും രണ്ടാമതും തൊട്ടു. അപ്പോഴും ആ കുട്ടി അസ്വസ്ഥത പ്രകടിപ്പിച്ചു. അവിടെ അതിൽ കൂടുതൽ മാന്യമായി പെരുമാറാൻ ആ കുട്ടിക്ക് പറ്റില്ല. മൂന്നാമത്തെ പ്രാവശ്യം ആ കുട്ടി കൈ പിടിച്ച് മാറ്റി. ആ കുട്ടിക്ക് വേണമെങ്കിൽ അവിടെ വെച്ച് ഒരു ഒച്ചയും ബഹളവും ഉണ്ടാക്കാമായിരുന്നു. പക്ഷെ ആ കുട്ടി വളരെ മാന്യമായിട്ടാണ് പെരുമാറിയത്. ആദ്യം കൈ വെച്ചപ്പോൾ ആ കുട്ടി അസ്വസ്ഥത പ്രകടിപ്പിച്ചു. അപ്പോൾ തന്നെ സുരേഷ് ​ഗോപി അത് തിരിച്ചറിയണമായിരുന്നു.

ആ പെൺകുട്ടിക്ക് തന്റെ തോളിൽ കൈവെച്ചത് ഇഷ്ടപ്പെടുന്നില്ലെന്ന് മനസിലാക്കാനുള്ള ബുദ്ധി സുരേഷ് ​ഗോപി പ്രകടിപ്പിച്ചില്ല. പിന്നെ നമ്മൾ തിരിച്ചറിയേണ്ട മറ്റൊരു കാര്യം എല്ലാവരും നമ്മളെക്കാൾ ചെറിയവരും നമ്മുടെ മുമ്പിൽ പിള്ളേരുമൊന്നുമല്ല. ഒരുപാട് യുവതി യുവാക്കളാണ് വരുന്നത്. അവരോട് മക്കളെപ്പോലെയൊക്കെ മനസിന്റെ ഉള്ളിലാകാം. സുരേഷ് ​ഗോപിയുടെ അത്തരം രീതികളോട് എനിക്ക് യോജിപ്പില്ലെന്നാണ്’, സുരേഷ് ​ഗോപി വിഷയത്തിൽ പ്രതികരിച്ച് ​ഗണേഷ് കുമാർ പറഞ്ഞത്. സുരേഷ് ഗോപിയെ പിന്തുണച്ച് ഉള്ള കമന്റുകളാണ് സമൂഹ മാധ്യമങ്ങളിൽ കൂടുതലും. ‘നിങ്ങളുടെ രാഷ്ട്രീയം ഏതുംമാകട്ടെ, നന്മയുള്ള സുരേഷ് ഗോപിക്ക് ഒപ്പമാണ് മലയാളികൾ’ എന്ന കമന്റുകളാണ് നിറയുന്നത്.