നവകേരള സദസിന്റെ വാഹനത്തിന് ചെലവാക്കിയ പണം സാമൂഹ്യ പെന്‍ഷന്‍ നല്‍കാന്‍ ഉപയോഗിച്ചിരുന്നുവെങ്കിൽ കുറച്ച് പാവങ്ങൾ എങ്കിലും രക്ഷപെട്ടേനെ ! സുരേഷ് ഗോപി !

ഇപ്പോഴിതാ സർക്കാരിനെ രൂക്ഷമായി വിമർശിച്ചും യൂത്ത് കോൺഗ്രസ് പ്രവർത്തകരെ അഭിനന്ദിച്ചും രംഗത്ത് വന്നിരിക്കുകയാണ് സുരേഷ് ഗോപി. മുഖ്യമന്ത്രി പിണറായി വിജയനും മന്ത്രിമാരും നടത്തുന്ന നവകേരള സദസില്‍ വെറും വാചകവും തള്ളും മാത്രമാണെന്ന് നടക്കുന്നതെന്നും, വെറും ധൂര്‍ത്താണിത്. പരിപാടി നടത്തുന്നത് തന്നെ പാര്‍ട്ടിയെ കനപ്പിക്കാനും, പാര്‍ട്ടിയിലെ വ്യക്തികളെ കനപ്പിക്കാനുമാണ് എന്നാണ് സുരേഷ് ഗോപി പറയുന്നത്. മുഖ്യമന്ത്രി സഞ്ചരിക്കുന്ന നവകേരള സദസിന്റെ വാഹനത്തിന് ചെലവാക്കിയ പണം സാമൂഹ്യ പെന്‍ഷന്‍ നല്‍കാന്‍ വിനിയോഗിച്ചിരുന്നെങ്കില്‍ ആ പാവങ്ങളുടെ പ്രാര്‍ഥനക്ക് ഫലമുണ്ടാവുമായിരുന്നുവെന്ന് എന്നും അദ്ദേഹം പറയുന്നു.

അതുപോലെ തന്നെ മന്ത്രിമാർ സഞ്ചരിക്കുന്ന ആ രാക്ഷസ വാഹനത്തെ ചെളിയിൽനിന്ന് തള്ളിക്കയറ്റുക. നല്ല തമാശകളൊക്കെയാണ് നടക്കുന്നത്. അതൊക്കെ ആർക്കും പറ്റാവുന്നതാണ്. ആ വാഹനത്തെ കുറ്റം പറഞ്ഞിട്ടു കാര്യമില്ല. പക്ഷേ, ചില നിശ്ചയങ്ങളാണിത്. എന്തിന്റെയൊക്കെയോ സൂചനകളാണ് ഇത്, അവർക്കുള്ള ചില സൂചനകളാണ്. ഈ പണമെല്ലാം കൂടി എടുത്ത് അവർക്ക് പെൻഷൻ കൊടുത്താൽ മതിയായിരുന്നു. അവരുടെ പ്രാർത്ഥനയെങ്കിലും ഉണ്ടാകുമായിരുന്നു. ഇതിപ്പോൾ പാർട്ടിയെ കനപ്പിക്കാനും പാർട്ടിയിലെ ചില വ്യക്തികളെ കനപ്പിക്കാനുമുള്ള ധൂർത്തിനായി നടത്തുന്ന പരിപാടിയാണ്.

ഇവിടുത്തെ സാധാരണക്കാർക്ക് വേണ്ടിയാണ് യൂത്ത് കോണ്‍ഗ്രസ് പ്രവര്‍ത്തകര്‍ തല്ലുകൊണ്ടതും വണ്ടിയ്ക്ക് മുന്നില്‍ ചാടിയത്, ജനങ്ങളുടെ ശബ്ദമാണ് പ്രതിപക്ഷം. യൂത്ത് കോണ്‍ഗ്രസ് ആയതിനാല്‍ അവരെ മാറ്റി നിറുത്തേണ്ടതില്ലെന്നും നടന്‍ കൂട്ടിച്ചേര്‍ത്തു. ജനകീയ സമരങ്ങൾ ശക്തി പ്രാപിക്കേണ്ട കാലം വളരെയധികം അതിക്രമിച്ചു കഴിഞ്ഞിരിക്കുന്നു. വെറുതെ ഡീസലിനും പെട്രോളിനുമെല്ലാം വില കൂട്ടിയെന്നു പറഞ്ഞ് വലിയ അക്രമം അഴിച്ചു വിട്ട ആൾക്കാരാണ്, ഇന്നു രണ്ടു രൂപ പിരിച്ചിട്ട് അത് അടിച്ചുമാറ്റിക്കൊണ്ടിരിക്കുന്നത്. അതിൽനിന്നു പോലും അവർക്കു പെൻഷൻ കൊടുക്കാനാകുന്നില്ല.

ഇനി ചെയ്യേണ്ടത് ജനങ്ങൾ മുന്നോട്ട് വരണം. ജനകീയ സമരങ്ങൾ ഇവിടെ ഉണ്ടാകണം. ഇനിമുതൽ പെട്രോളും ഡീസലും അടിക്കുമ്പോൾ ചുമത്തുന്ന ആ രണ്ടു രൂപയുടെ ചുങ്കം തരാൻ തയാറല്ല എന്നു പറഞ്ഞുതന്നെ നിങ്ങൾ പെട്രോൾ പമ്പുകളിൽനിന്ന് പെട്രോളടിക്കണം. അങ്ങനെ മുന്നോട്ടു പോകാനാകുന്നില്ലെങ്കിൽ ഒരാഴ്ചത്തേക്കു പെട്രോൾ അടിക്കുന്നില്ല എന്നു തീരുമാനിച്ച്, നമ്മുടെ ജീവിതം തന്നെ സ്തംഭിപ്പിച്ചുകൊണ്ട് എന്താണ് സമരരൂപത്തിൽ ചെയ്യാനാകുക എന്ന് ജനങ്ങൾ തീരുമാനമെടുക്കണം.

അതിൽ ആരും ഒരു രാഷ്ട്രീയ പാർട്ടിക്ക് വേണ്ടിയും കാത്ത് നിൽക്കരുത്, നിങ്ങളുടെ അപ്പന്റെ വകയാണ് ഈ മണ്ണെന്ന് നിങ്ങൾ ഉറച്ചു വിശ്വസിക്കണം. ജോലിക്കാരെ മാത്രമാണ്, അല്ലെങ്കിൽ വേലക്കാരെ മാത്രമാണ് അഞ്ചു വർഷം കൂടുമ്പോൾ ഇതെല്ലാം ഏൽപ്പിക്കുന്നത് എന്ന ധാരണ നിങ്ങൾക്കാണ് വേണ്ടത്. ഒരിക്കൽക്കൂടി പറയുന്നു, ഈ മണ്ണും രാജ്യവും ഒരുത്തന്‍റെയും തന്തയുടെ വകയല്ല, നമ്മുടെ എല്ലാവരുടെയും വകയാണ് എന്നും സുരേഷ് ഗോപി പറയുന്നു.