എന്റെ മകൾ വിവാഹിതയായി, എല്ലാവരുടെയും അനുഗ്രഹം ഉണ്ടാകണം ! 17 മത് വയസിലാണ് ഞാനും എന്റെ ഭാര്യയും ജീവിതം തുടങ്ങിയത് ! ആശംസകൾ നേർന്ന് ആരാധകർ !

തെന്നിന്ത്യൻ സിനിമ ലോകത്ത് ഒരു സമയത്ത് സൂപ്പർ സ്റ്റാറായി തിളങ്ങി നിന്ന നടനാണ് അർജുൻ സർജ. മലയാളത്തിലും അദ്ദേഹത്തിന് ആരാധകർ ഏറെയാണ്,  ഇപ്പോഴിതാ അദ്ദേഹത്തിന്റെ മകളുടെ വിവാഹം കഴിഞ്ഞ സന്തോഷം പങ്കുവെച്ചിരിക്കുകയാണ് അദ്ദേഹം, മകൾ ഐശ്വര്യ അർജുൻ നടൻ തമ്ബി രാമയ്യയുടെ മകൻ ഉമാപതി രാമയ്യയാണ് വരൻ. ഏറെ നാളത്തെ പ്രണയത്തിനൊടുവിലാണ് ഇരുവരും വിവാഹിതരായത്.

ചെന്നൈയിൽ അർജുൻ പണികഴിപ്പിച്ച ഹനുമാൻ ക്ഷേത്രത്തില്‍ വച്ചായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും മാത്രമായിരുന്നു ചടങ്ങില്‍ പങ്കെടുത്തത്. കഴിഞ്ഞ ദിവസങ്ങളില്‍ വിവാഹ ആഘോഷങ്ങള്‍ നടന്നിരുന്നു. ഐശ്വര്യ അർജുന്റെയും ഉമാപതിയുടെയും ഹല്‍ദി, മെഹന്തി ഉള്‍പ്പെടെയുള്ള ആഘോഷങ്ങളുടെ ചിത്രങ്ങളും സമൂഹ മാദ്ധ്യമങ്ങളില്‍ വൈറലാകുകയാണ്. സുഹൃത്തുക്കള്‍ക്കൊപ്പമുള്ള ബാച്ച്‌ലർ പാർട്ടിയുടെ ചിത്രങ്ങളും ഐശ്വര്യയുടെ സഹോദരി അഞ്ജന പങ്കുവച്ചിരുന്നു..

നിരവധി പേരാണ് താരപുത്രിക്ക് ആശംസകൾ നൽകുന്നത്. പ്രണയ വിവാഹമായിരുന്നു അര്ജുന്റെതും, തന്റെ പ്രണയത്തെ കുറിച്ച് അദ്ദേഹം പറഞ്ഞ ആ വാക്കുകൾ ഇങ്ങനെ, കരിയറിന്റെ തുടക്കത്തിൽ ഞാൻ തമിഴിലും കന്നടയിലും തെലുങ്കിലും ഒരുപോലെ സജീവമായിരുന്നു. ആ സമയത്ത് ‘ഡോക്ടര്‍ ഗാരി അബ്ബായി’ എന്ന സിനിമയുടെ ഷൂട്ടിങ്ങിനിടയില്‍ നിന്നായിരുന്നു ഞാന്‍ എന്റെ ഭാര്യയായ നിവേദിതയെ ആദ്യമായി കാണുന്നത്.

നിവേ,ദിത കന്നട സിനിമ  ഇന്‍ഡസ്ട്രിയിലെ രാജേഷ് എന്ന പ്രമുഖ നടന്റെ മകളായിരുന്നു. രാജേഷും തന്റെ പിതാവ് ശക്തി പ്രസാദും തമ്മില്‍ അടുത്ത സുഹൃത്തുക്കളായിരുന്നു. കുടുംബങ്ങള്‍ തമ്മില്‍ അടുപ്പം ഉണ്ടായിരുന്നെങ്കിലും സെറ്റില്‍ നിന്ന് നിവേദിതയെ കാണുന്നതിനു മുന്‍പ് ഒരിക്കല്‍ പോലും താന്‍ അവരെ കണ്ടിരുന്നില്ല. നിവേദിതയും അന്ന് രാധ സപ്തമി എന്നൊരു കന്നട ചിത്രത്തില്‍ നടി അഭിനയിച്ചിരുന്നു.

ആ സിനിമയുടെ ഷൂട്ടിങ് സെറ്റിൽ വെച്ച് ഞങ്ങള്‍ പരസ്പരം സംസാരിച്ചു തുടങ്ങി. എന്നാൽ ഒരു ദിവസം സെറ്റില്‍ ആക്ഷന്‍ ചെയ്യുന്നതിനിടെ തനിക്ക് ഒരു അപകടം സംഭവിച്ചു. എല്ലാവരും തന്നെ ആശുപത്രിയില്‍ കൊണ്ടു പോകാന്‍ ശ്രമിക്കുന്നതിനിടയിൽ ഞാൻ കണ്ടത് നിവേദിത അവിടെ നിന്ന് കരയുന്നതാണ്. ഇതോടെ അവളോട് ഒരു ഇഷ്ടം വരികയും വിവാഹം കഴിക്കാന്‍ ഞാൻ  ആഗ്രഹിക്കുകയും ചെയ്തു.

അവൾക്കും എന്നോട് ഇഷ്ടമുണ്ടായിരുന്നു. അങ്ങനെ മാതാപിതാക്കളുടെ അടുത്ത് കാര്യങ്ങള്‍ പറഞ്ഞു. അവര്‍ സമ്മതം മൂളിയതോടുകൂടി വിവാഹം കഴിക്കുകയായിരുന്നു. ആ സമയത്ത് എനിക്ക് 25 വയസ്സും ഭാര്യക്ക് 17 വയസ്സുമേ ഉണ്ടായിരുന്നുള്ളൂ, അന്ന് നിവേദിതയ്ക്ക് തീരെ പക്വത ഇല്ലായിരുന്നു. അക്കാലത്ത് ഞാൻ സിനിമയില്‍ ഏതെങ്കിലുമൊരു നടിയുടെ കൂടെ കൈ പിടിച്ച്‌ നടക്കുന്നത് കണ്ടാല്‍ പോലും നിവേദിത കരയുമായിരുന്നു, ഇന്നും ഞങ്ങൾ പ്രണയിച്ചുകൊണ്ടേ ഇരിക്കുകയാണ് എന്നാണ് അദ്ദേഹം പറയുന്നത്.