ദൈവ ദൂതനെ പോലെ ഞങ്ങളുടെ അവസ്ഥ കണ്ടറിഞ്ഞ സുരേഷ് ഗോപി ചേട്ടൻ ആ കാശ് എന്റെ കൈയിൽ തന്നിട്ട് നീ ഇത് പൂർത്തിയാക്കണം എന്ന് പറയുകയായിരുന്നു ! അനൂപ് മേനോൻ പറയുന്നു !

മലയാള സിനിമയുടെ സൂപ്പർ സ്റ്റാർ എന്നതിനപ്പുറം സുരേഷ് ഗോപി ഇന്നൊരു സജീവ രാഷ്ട്രീയ പ്രവർത്തകൻ കൂടിയാണ്, അതിന്റെ പേരിൽ സുരേഷ് ഗോപി നിരവധി വിമർശനങ്ങൾ നേരിടുന്നുണ്ട് എങ്കിലും അദ്ദേഹം ചെയ്യുന്ന കാരുണ്യ പ്രവർത്തനങ്ങൾ ഏവരും ഒരേ മനസോടെ അംഗീകരിക്കുന്ന ഒന്നാണ്. അത്തരത്തിൽ ഇപ്പോഴിതാ നടൻ അനൂപ് മേനോൻ സുരേഷ് ഗോപിയെ കുറിച്ച് പറഞ്ഞ ചില കാര്യങ്ങളാണ് ഇപ്പോൾ ഏറെ ശ്രദ്ധ നേടുന്നത്. സുരേഷ് ഗോപിയെ നായകനാക്കി ദിഫാൻ സംവിധാനം ചെയ്ത ചിത്രമായിരുന്നു ഡോൾഫിൻ. ചിത്രത്തിന്റെ തിരക്കഥ അനൂപ് മേനോൻ ആയിരുന്നു, കൂടതെ ചിത്രത്തിൽ ഒരു പ്രധാന വേഷത്തിൽ അനൂപ് മേനോനും എത്തിയിരുന്നു, കൂടാതെ പല പ്രമുഖ താരങ്ങളും ചിത്രത്തിൽ അണിനിരന്നിരുന്നു.

പക്ഷെ ആ സിനിമ സാമ്പത്തികമായി വലിയ നേട്ടം കൈവരിച്ചില്ലെങ്കിലും മികച്ച അഭിപ്രായം നേടിയ ചിത്രമായിരുന്നു.  ഇപ്പോഴിതാ ചിത്രത്തിന്റെ ഷൂട്ടിനിടെ സംഭവിച്ച കാര്യം പറയുകയാണ് അനൂപ് മേനോന്‍. ഒരു ഘട്ടത്തില്‍ സാമ്പത്തിക പ്രതിസന്ധി മൂലം ചിത്രത്തിന്റെ ചിത്രീകരണം നിന്ന് പോയെന്നും സുരേഷ് ഗോപി തന്ന കാശ് കൊണ്ടാണ് ചിത്രം പൂര്‍ത്തീകരിച്ചതെന്നും അനൂപ് മേനോന്‍ പറയുന്നു.

അനൂപ് മേനോൻ പറയുന്നത് ഇങ്ങനെ, ആദ്യം എഴിതിയ തിരക്കഥയിൽ നിന്നും ചില രംഗങ്ങൾ സാമ്പത്തിക പ്രതിസന്ധി മൂലം മാറ്റി ഷൂട്ട് ചെയ്യേണ്ടി വന്ന ചിത്രമാണ് ഡോൾഫിൻ. ആ ചിത്രത്തിൽ ഏവരും ഇഷ്ടപ്പെടുന്നത് അതിന്റെ ക്ളൈമാക്സാണ്. കല്പന ചേച്ചിയും സുരേഷേട്ടനും ഇരുന്ന് മസാല ദേശ കഴിക്കുന്നതും, സെക്രട്ടേറിയേറ്റിന്റെ അടുത്തുകൂടിയുള്ള ആ നടത്തവും, ഇത് രണ്ടും മാത്രമേ ഒറിജിനല്‍ സ്‌ക്രീന്‍ പ്ലേയിലുള്ളൂ. എന്നാൽ ഈ ചിത്രത്തിലെ 40 തോളം സീനുകള്‍ മാറ്റിവെച്ചിട്ടാണ് അത് ഷൂട്ട് ചെയ്തത്.

ആ സിനിമയുടെ തുടക്കം മുതൽ തന്നെ കടുത്ത സാമ്പത്തിക പ്രശ്ങ്ങൾ ഉണ്ടായിരുന്നു, പിന്നെ ഒരു ഘട്ടം കഴിഞ്ഞപ്പോൾ തീർത്തും സാമ്പത്തികം ഇല്ലാത്തതുകൊണ്ട് സിനിമ പിന്നെ മുന്നോട്ട് പോയില്ല. ചിത്രം നിന്ന് പോയി, എന്നാൽ ദൈവ ദൂതനെ പോലെ ഞങ്ങളുടെ അവസ്ഥ കണ്ടറിഞ്ഞ സുരേഷ് ഗോപി ചേട്ടൻ കാശ് തന്നിട്ടാണ് നിന്നു പോയ ആ സിനിമ വീണ്ടും മുന്നോട്ട് പോയത്. ഞാനിത് പറയുന്നത് സുരേഷേട്ടന് ഇഷ്ടപ്പെടുമോ എന്നറിയില്ല. എന്റെ കയ്യിലാണ് സുരേഷേട്ടന്‍ കാശ് തന്നത്. ഒന്നും രണ്ടുമല്ല 25 ലക്ഷം രൂപയാണ് അദ്ദേഹം തന്നത്.  എന്നിട്ട് എന്നോട് പറഞ്ഞു ‘നീ ഈ പടം തീര്‍ക്കണം, എനിക്ക് അത്രയും ഇഷ്ടപ്പെട്ട സിനിമയാണ്’ എന്ന് പറഞ്ഞു. അങ്ങനെയാണ് ഡോള്‍ഫിന്‍സ് തീര്‍ത്തത്,’ അനൂപ് മേനോന്‍ പറഞ്ഞു. അദ്ദേഹത്തെപ്പോലെ ഉള്ള മനസ് മറ്റാരിലും ഞാൻ കണ്ടിട്ടില്ല, മറ്റുള്ളവരുടെ ബുദ്ധിമുട്ട് കണ്ടറിഞ്ഞ് സഹായിക്കാൻ മനസുള്ള ഒരു വലിയ മനുഷ്യനാണ്, താന്‍ കണ്ടിട്ടുള്ളതില്‍ വെച്ച് ഏറ്റവും നല്ല മനുഷ്യനാണ് സുരേഷ് ഗോപിയെന്നും  അനൂപ് മേനോൻ പറയുന്നു