കാലം വീട്ടാത്ത കണക്കുകൾ ഇല്ലല്ലോ… പ്രിയപ്പെട്ട സുരേഷേട്ടാ.. നിങ്ങളിലൂടെ ജാതി, മത, രാഷ്ട്രിയ വിത്യാസമില്ലാത്ത വികസനത്തിന്റെ കുത്തൊഴുക്കിനായി കേരളം കാത്തിരിക്കുന്നു !

കേന്ദ്രമന്ത്രിയായ ചുമതലയേറ്റ സുരേഷ് ഗോപിയെ പിന്തുണച്ചുകൊണ്ട് നടൻ ഹരീഷ് പേരടി പങ്കുവെച്ച കുറിപ്പാണ് ഇപ്പോൾ ഏറെ ശ്രദ്ധ നേടുന്നത്. ആ വാക്കുകൾ ഇങ്ങനെ, തൃശ്ശൂർ എന്ന ഒരു പൂ ചോദിച്ചതിന്റെ പേരിൽ കപട പുരോഗമന കേരളം ഏറെ കളിയാക്കിയപ്പെട്ടവന് കേരളം മുഴവൻ ഏറ്റെടുക്കാൻ ചുമതലയുള്ള കേന്ദ്രമന്ത്രിസ്ഥാനമെന്ന പൂക്കാലം..കാലം വീട്ടാത്ത കണക്കുകൾ ഇല്ലല്ലോ… പ്രിയപ്പെട്ട സുരേഷേട്ടാ.. നിങ്ങളിലൂടെ ജാതി,മത,രാഷ്ട്രിയ വിത്യാസമില്ലാത്ത വികസനത്തിന്റെ കുത്തൊഴുക്കിനായി കേരളം കാത്തിരിക്കുന്നു.. കേരളത്തിന്റെ വികസന ചരിത്രത്തിൽ “ഓർമ്മയുണ്ടോ ഈ മുഖം” എന്ന കൈയ്യൊപ്പ് ചാർത്താൻ സർവേശ്വരൻ നിങ്ങളെ അനുഗ്രഹിക്കട്ടെ… ഹൃദയം നിറഞ്ഞ ആശംസകൾ…  എന്നാണ് ഹരീഷ് കുറിച്ചത്.

അതുപോലെ നടൻ മോഹൻലാലും സുരേഷ് ഗോപിയെ അഭിനന്ദിച്ച് എത്തിയിരുന്നു, പ്രിയ സുഹൃത്തിന് ആശംസ. വളരെയേറെ വർഷത്തെ ബന്ധമാണ് സുരേഷ് ഗോപിയുമായി ഉള്ളത്. അദ്ദേഹം ചെയ്ത ഒട്ടേറെ സാമൂഹിക പ്രവർത്തനങ്ങളെക്കുറിച്ച് നേരിട്ട് ബോധ്യമുണ്ട്. അതിനുള്ള അംഗീകാരമായാണ് ഇതിനെ കാണുന്നത്. ഇന്ത്യയില്‍ നിന്നു നേരത്തെ സിനിമാ താരങ്ങൾ മന്ത്രിമാരായിട്ടുണ്ടെങ്കിലും നമ്മുടെ ഇടയിൽനിന്ന് ആദ്യമായാണ് മന്ത്രിയുണ്ടാകുന്നത്. മലയാള ചലച്ചിത്ര കൂട്ടായ്മയ്ക്ക് മിഷം. സുരേഷ് ഗോപിയുടെ നേട്ടത്തിൽ സന്തോഷിക്കുന്നു എന്നാണ് അദ്ദേഹം പറഞ്ഞത്.

നടൻ ഉണ്ണി മുകുന്ദൻ പ്രധാനമന്ത്രി നരേന്ദ്രമോദിയെയും സുരേഷ് ഗോപിയെയും ജോർജ് കുര്യനെയും അഭിനന്ദിച്ച് എത്തിയിരുന്നു, ഏഴാം തവണയും സത്യപ്രതിജ്ഞ ചെയ്തു-നാല് തവണ ഗുജറാത്ത് മുഖ്യമന്ത്രിയായും മൂന്ന് തവണ ഇന്ത്യൻ പ്രധാനമന്ത്രിയായും- നിങ്ങളുടെ ശാശ്വതമായ അർപ്പണബോധത്തിൻ്റെയും ദീർഘവീക്ഷണത്തോടെയുള്ള ഭരണത്തിൻ്റെയും ജനങ്ങൾ നിങ്ങളിൽ അർപ്പിച്ചിരിക്കുന്ന അപാരമായ വിശ്വാസത്തിൻ്റെയും തെളിവാണ്.

ഭാരതത്തെ ഇനിയും കൂടുതൽ പുരോഗതിയിലേക്കും സമൃദ്ധിയിലേക്കും നയിക്കുന്നതിൽ നിങ്ങളുടെ നേതൃത്വം നിർണായക പങ്കുവഹിച്ചു, നിങ്ങളുടെ മാർഗനിർദേശത്തിന് കീഴിൽ ഇന്ത്യ വികസനത്തിൻ്റെയും ആഗോള നിലവാരത്തിൻ്റെയും പുതിയ ഉയരങ്ങൾ കൈവരിക്കുമെന്ന് ഞങ്ങൾക്ക് ഉറപ്പുണ്ട്. ഈ ചരിത്ര നേട്ടത്തിന് ഒരിക്കൽ കൂടി അഭിനന്ദനങ്ങൾ.

നി,ങ്ങളുടെ ബ,ഹുമാന്യമായ നേതൃത്വത്തിൻ കീഴിൽ ഞങ്ങളുടെ മഹത്തായ രാഷ്ട്രത്തിൻ്റെ തുടർച്ചയായ പരിവർത്തനത്തിനും വളർച്ചയ്ക്കും സാക്ഷ്യം വഹിക്കാൻ ഞങ്ങൾ പ്രതീക്ഷിക്കുന്നു. സംസ്ഥാന മന്ത്രിമാരായി തിരഞ്ഞെടുക്കപ്പെട്ട സുരേഷ് ഗോപി ചേട്ടനും ജോർജ് കുര്യൻ സാറിനും എൻ്റെ അഭിനന്ദനങ്ങൾ അറിയിക്കുന്നു. നിങ്ങളുടെ വിജയം കേരളത്തിലെ ജനങ്ങൾക്ക് വലിയ അഭിമാനം നൽകുന്നു. അഗാധമായ ബഹുമാനത്തോടും ആശംസകളോടും കൂടി എന്നാണ് ഉണ്ണി മുകുന്ദൻ കുറിച്ചത്.