വീണുപോകുന്നത് നിങ്ങളുടെ തെറ്റല്ല. പക്ഷേ വീണിടത്ത് തന്നെ കിടക്കുന്നത് നിങ്ങളുടെ പിഴവാണ് !! കുറിപ്പ് വായിക്കാം

മലയാളികളുടെ ലേഡി സൂപ്പർസ്റ്റാർ മഞ്ജു വാരിയർ ഓരോ ദിവസങ്ങളിലും ആരാധകരെ ഞെട്ടിച്ചുകൊണ്ടിരിക്കുകയാണ്, പ്രായത്തെ വെല്ലുന്ന സൗന്ദര്യവും ചുറു ചുറുക്കും മറ്റുള്ളവരിൽ നിന്നും മഞ്ജുവിനെ വ്യത്യസ്തയാക്കുന്നു…  കഴിഞ്ഞ ദിവസം മജുവിന്റെ പുതിയ ചിത്രമായ ചതുർമുഖത്തിന്റെ വിശേഷങ്ങളുമായി ഒരു പ്രസ് മീറ്റ് നടത്തിയിരുന്നു, അതിൽ പങ്കടുക്കാൻ വന്ന മഞ്ജുവിന്റെ ലുക്ക് ആരാധകരെ ഞെട്ടിച്ചിരുന്നു, ഇപ്പോൾ സോഷ്യൽ മീഡിയിൽ വളരെ ട്രെൻഡിങ്ങായ ആ ചിത്രങ്ങൾ ഇപ്പോൾ എല്ലാവരുടെയും സ്റ്റാറ്റസും കൂടിയാണ്… മഞ്ജു ഇപ്പോൾ തനിക്ക് ചതുർമുഖത്തിനിടെ സെറ്റിൽ വെച്ച്  നേരിട്ട ചില പ്രേതാനുഭവങ്ങൾ മഞ്ജു തുറന്ന് പറഞ്ഞിരുന്നു, ഇപ്പോൾ മഞ്ജുവിനെ കുറിച്ച് സന്ദീപ് ദാസ് എന്ന ആരാധകൻ സോഷ്യൽ മീഡിയിൽ കുറിച്ചിരിക്കുന്ന കുറിപ്പാണ് ഇപ്പോൾ എല്ലാവരുടെയും സംസാര വിഷയം….

കഴിഞ്ഞ ദിവസം മകൾ മീനാക്ഷിയുടെ പിറന്നാൾ ആയിരുന്നു, മീനാക്ഷി തന്റെ അച്ഛനും രണ്ടാനമ്മ കാവ്യാ മാധവനുമൊപ്പമാണ് തന്റെ ജന്മദിനം ആഘോഷിച്ചത്, ആ ചിത്രങ്ങൾ കണ്ട എല്ലാ മലയാളികളും മഞ്ജുവിനെ ഓർത്ത് സങ്കടപ്പെട്ടിരുന്നു, ചെറു ചിരിയോടെ വളരെ ശക്തയായ മഞ്ജുവിന്റെ ഈ ചിത്രങ്ങൾ കണ്ട എല്ലാവരെയും അത്  ഒരുപാട് സന്തോഷിപ്പിച്ചിരിക്കുകയാണ് അതിന്റെ തെളിവാണ് ഈ തരത്തിലുള്ള നിരവധി കുറിപ്പുകൾ ഇപ്പോൾ സോഷ്യൽ മീഡിയിൽ സജീവമാണ്…  കുറിപ്പ് വായിക്കാം….

മഞ്ജു വാര്യരുടെ ഈ ഫോട്ടോ നോക്കൂ. ജീവിതത്തില്‍ പൊരുതി ജയിക്കാനും വലിയ സ്വപ്നങ്ങള്‍ കാണാനും നമ്മെ പ്രേരിപ്പിക്കുന്ന ചിത്രം. കുടുംബത്തിനുവേണ്ടി സ്വന്തം ജീവിതം ബലികൊടുത്ത ഒരുപാട് സ്ത്രീകളെ കണ്ടിട്ടുണ്ട്. വിവാഹത്തിനുശേഷം പഠനവും ജോലിയും ഉപേക്ഷിച്ച സ്ത്രീകളുടെ കണക്കെടുത്താല്‍ അതിന് അവസാനമുണ്ടാവില്ല.മഞ്ജുവിന്‍്റെ കഥയും സമാനമാണ്. ദിലീപിനെ വിവാഹം കഴിക്കുന്ന സമയത്ത് അവര്‍ മലയാളസിനിമയിലെ ഏറ്റവും തിരക്കുള്ള അഭിനേത്രിയായിരുന്നു. നടനകലയുടെ പെരുന്തച്ചനായ സാക്ഷാല്‍ തിലകനെപ്പോലും അത്ഭുതപ്പെടുത്തിയ നടി.

പക്ഷേ കല്യാണം കഴിഞ്ഞതോടെ അവര്‍ക്ക് അഭിനയം ഉപേക്ഷിക്കേണ്ടിവന്നു. മഞ്ജു സ്വന്തം ഇഷ്ടപ്രകാരം അങ്ങനെയൊരു തീരുമാനം എടുത്തതല്ല. അവര്‍ അതിന് നിര്‍ബന്ധിക്കപ്പെട്ടതാണ്. ഇതുപോലുള്ള സാഹചര്യങ്ങളില്‍ പല സ്ത്രീകളും തോല്‍വി സമ്മതിക്കാറുണ്ട്. ജീവിതം മുഴുവനും തെറ്റായ ട്രാക്കിലൂടെ സഞ്ചരിക്കാറുണ്ട്. എന്നാല്‍ മഞ്ജു അങ്ങനെ തോറ്റുകൊടുക്കാന്‍ തയ്യാറായിരുന്നില്ല. ഒരുപാട് വര്‍ഷങ്ങളുടെ ഇടവേളയ്ക്കുശേഷം മഞ്ജു സിനിമയിലേക്ക് തിരിച്ചുവന്നു.

അപ്പോഴും വിമര്‍ശനങ്ങള്‍ക്ക് കുറവൊന്നുമുണ്ടായിരുന്നില്ല. ഭര്‍ത്താവിനെ ഉപേക്ഷിച്ച അടക്കവും ഒതുക്കവും ഇല്ലാത്ത പെണ്ണ് എന്ന വിശേഷണം യാഥാസ്ഥിതികര്‍ മഞ്ജുവിന് ചാര്‍ത്തിക്കൊടുത്തു. നമ്മുടെ സമൂഹത്തിന്‍്റെ പ്രത്യേകതയാണത്. ഡിവോഴ്സ് രണ്ട് വ്യക്തികളുടെ സ്വകാര്യ വിഷയം മാത്രമാണെന്ന് അംഗീകരിക്കാനുള്ള പക്വത നമുക്ക് ഇപ്പോഴും വന്നിട്ടില്ല. ദാമ്ബത്യബന്ധം ബഹുമാനപൂര്‍വ്വം വേര്‍പെടുത്തുന്ന സ്ത്രീകള്‍ നമ്മുടെ കണ്ണില്‍ കുറ്റക്കാരികളാണ്.

ഒരു സ്ത്രീ സ്വപ്നങ്ങളെ പിന്തുടരുമ്ബോള്‍ അവളെ പാതാളത്തിലേക്ക് ചവിട്ടിത്താഴ്ത്താന്‍ ശ്രമിക്കുന്ന സ്വഭാവവും സമൂഹത്തിനുണ്ട്. അതുകൊണ്ടാണ് മഞ്ജു ഇങ്ങനെ ആക്രമിക്കപ്പെട്ടത്. പക്ഷേ ഇത്രയേറെ കല്ലേറ് കൊണ്ടതിനുശേഷവും മഞ്ജു ഇവിടെ സൂപ്പര്‍സ്റ്റാറായി വിജയിച്ചുനില്‍ക്കുന്നുണ്ട്. നാല്‍പത് വയസ്സ് പിന്നിട്ടുകഴിഞ്ഞ അവര്‍ക്ക് ഒരു സ്കൂള്‍ വിദ്യാര്‍ത്ഥിനിയുടെ രൂപഭാവങ്ങളാണ് കാണുന്നത്.

ഈ നാട്ടിലെ സ്ത്രീകളോട് മഞ്ജു വിളിച്ചുപറയുകയാണ്- ”വീണുപോകുന്നത് നിങ്ങളുടെ തെറ്റല്ല. പക്ഷേ വീണിടത്ത് തന്നെ കിടക്കുന്നത് നിങ്ങളുടെ പിഴവാണ്. പറക്കാനുള്ള ചിറകുകള്‍ സമൂഹം വെട്ടിക്കളഞ്ഞാല്‍ അതിന്‍്റെ പേരില്‍ കരഞ്ഞുതളര്‍ന്നിരിക്കരുത്. ചിറകുകള്‍ സ്വന്തമായി തുന്നുക. അതിരുകളില്ലാത്ത ആകാശത്ത് പറന്നുല്ലസിക്കുക…! ഇങ്ങനെയായിരുന്നു ആ കുറിപ്പ്…..