അതെ ഞാൻ ഗർഭിണിയാണ് ! നിങ്ങൾക്ക് ഒരു സർപ്രൈസ് ആയി പറയാൻ ഇരിക്കുകയായിരുന്നു ! പുതിയ സന്തോഷം പങ്കുവെച്ച് പേളി മാണി !

ഇന്ന് സമൂഹ മാധ്യമങ്ങളിൽ ഏറ്റവും കൂടുതൽ ആരാധകരുള്ള താരമാണ് പേളി മാണി. അതുപോലെ മികച്ച തആല ജോഡികൾ കൂടിയാണ് പേളിയും ശ്രീനിഷും. ഇവരുടെ ഓരോ വിശേഷങ്ങളും വാർത്തകളും വളരെ വേഗമാണ് വൈറലായി മാറുന്നത്. ഇന്ന് ഇവരെക്കാളും ആരാധകർ കൂടുതൽ ഇവരുടെ മകൾ നിലക്കാണ്. ഇവരുടെ യുട്യൂബ് ചാനലിൽ പേളി പങ്കുവെക്കുന്ന ഓരോ വിഡിയോയും മണിക്കൂറുകൾക്ക് ഉള്ളിലാണ് മില്യൺ കാഴ്ചക്കാർ ആകുന്നത്.

കഴിഞ്ഞ കുറച്ച് ദിവസങ്ങളായി  പേളി വീണ്ടും അമ്മയാകാൻ പോകുന്നു എന്ന വാർത്ത വളരെ പെട്ടന്ന് ശ്രദ്ധ നേടിയിരുന്നു, എന്നാല്‍ ആ വാര്‍ത്തയുടെ യാഥാര്‍ത്ഥ്യം എന്താമെന്ന് തുറന്ന് പറഞ്ഞിരിക്കുകയാണ് താരം. പുതിയ വീഡിയോയിലൂടെയാണ് താൻ ഗർഭിണിയാണ് എന്ന് പേളി അറിയിക്കുന്നത്. രണ്ടാമത്തെ കുഞ്ഞിനെ വരവേൽക്കാൻ ഒരുങ്ങുകയാണ്.ഇപ്പോൾ മൂന്നുമാസം ഗർഭിണി ആണെന്നും പേളി പറഞ്ഞു. അതേസമയം ആദ്യ കുറച്ചുനാൾ ബുദ്ധിമുട്ടുകൾ ഉണ്ടായിരുന്നു. എന്നാൽ ഇപ്പോൾ ശരിയായി എല്ലാവരും ഞങ്ങൾക്ക് വേണ്ടി പ്രാർത്ഥിക്കണമെന്നും പേളിയും ശ്രീനിഷും പറയുന്നു.

അടുത്ത കാലത്തായി താരങ്ങൾ പങ്കിടുന്ന വിഡിയോയിൽ ഇങ്ങനെ ചില സംശയങ്ങൾ ആരാധകർ ഇവരോട് പങ്കുവെച്ചിരുന്നു എങ്കിലും അങ്ങനെ അല്ല എന്നായിരുന്നു ഇവരുടെ പ്രതികരണം. ബിഗ് ബോസിലൂടെ പ്രണയിച്ചാണ് പേളിയും ശ്രീനിഷും വിവാഹിതരായത്. ബിഗ് ബോസ് ഒന്നാം സീസണിൽ പ്രേക്ഷകർക്ക് മുന്നിലായിരുന്നു പേളിയും ശ്രീനിഷും പ്രണയിച്ചത്. ശ്രീനിഷിനോട് പ്രണയം തോന്നിയ നിമിഷത്തെ കുറിച്ചും പേളി പറഞ്ഞിരുന്നു.

പേളിയുടെ ആദ്യത്തെ ഗര്ഭകാലം സമൂഹ മാധ്യമങ്ങളിൽ കൂടി വലിയ ആഘോഷമാക്കിയിരുന്നു. ഇത് താരത്തിന് ഏറെ വിമർശനങ്ങളും നേടികൊടുത്തിരുന്നു.  പേളിയുടെ സഹോദരി റേച്ചലും രണ്ടാമത്തെ കുഞ്ഞിനായുള്ള കാത്തിരിപ്പിലാണ്. നിരവധിപേരാണ് ഇവർക്ക് ആശംസകൾ അറിയിച്ച് രംഗത്ത് വരുന്നത്.