നമ്മുടെ രാജ്യത്തിന്റെ വളർച്ച തന്നെ നോക്കൂ, കഴിഞ്ഞ 10 വർഷമായി രാജ്യം എങ്ങനെ വളർന്നുവെന്നത് അതിശയിപ്പിക്കുന്ന ഒന്നാണ് ! രശ്‌മികക്ക് നന്ദി പറഞ്ഞ് പ്രധാനമന്ത്രി !

തെന്നിന്ത്യൻ സിനിമ താരങ്ങളിൽ കൂടുതൽപേരും പ്രധാനമന്ത്രി നരേന്ദ്ര മോദിയുടെ ആരാധകരാണെന്ന് തുറന്ന് പറഞ്ഞിട്ടുള്ളവരാണ്, ആ കൂട്ടത്തിലുള്ള ആളാണ് ഇന്ന് ഇന്ത്യൻ സിനിമയുടെ തന്നെ മുൻ നിര നായികമാരിൽ ഒരാളാണ് രശ്‌മിക മന്ദാന. കഴിഞ്ഞ ദിവസം നടി പ്രധാനമന്ത്രിയെ പ്രശംസിച്ചുകൊണ്ട് പങ്കുവെച്ച വീഡിയോ വളരെ ശ്രദ്ധ നേടിയിരുന്നു. മുംബൈയിൽ നിന്ന് ഹൈദരാബാദിലേക്ക് നിരന്തരം യാത്ര ചെയ്യാറുണ്ടെന്നും, അടൽ സേതു പാലം വന്നതോടെ യാത്രയിലുണ്ടായ മാറ്റത്തെ ചൂണ്ടിക്കാട്ടിയുമായിരുന്നു രശ്മികയുടെ വാക്കുകൾ.

ഇപ്പോഴിതാ നടിക്ക് മറുപടിയുമായി പ്രധാനമന്ത്രി പങ്കുവെച്ച ട്വീറ്റ് ആണ് ശ്രദ്ധ നേടുന്നത്. രശ്മികളുടെ വാക്കുകൾ ഇങ്ങനെ, ഇന്ത്യയിലെ ഏറ്റവും നീളം കൂടിയ കടൽപ്പാലമായ അടൽ ബിഹാരി വാജ്പേയി സെവ്രി – നാവ ഷെവ അടൽ സേതുവിനേക്കുറിച്ച് എഎൻഐയോട് സംസാരിക്കുകയായിരുന്നു രശ്‌മിക, രണ്ട് മണിക്കൂർ ദൈർഘ്യമുള്ള യാത്ര ഇനി 20 മിനിറ്റ് കൊണ്ട് പൂർത്തിയാക്കാം. അത് നമ്മുക്ക് വിശ്വസിക്കാൻ പോലുമാകില്ല. ഇത് നടക്കുമെന്ന് ആരും കരുതിയിരുന്നില്ല.

രാജ്യത്തിൻറെ വളർച്ചയെ ഓർത്ത് ഞാൻ അഭിമാനിക്കുന്നു. എനിക്ക് തോന്നുന്നു ഇന്ത്യ എവിടെയും നിൽക്കുന്നില്ല, നമ്മുടെ രാജ്യത്തിൻ്റെ വളർച്ച തന്നെ നോക്കൂ. കഴിഞ്ഞ 10 വർഷമായി രാജ്യം എങ്ങനെ വളർന്നുവെന്നത് അതിശയിപ്പിക്കുന്ന ഒന്നാണ്. അടിസ്ഥാന സൗകര്യങ്ങൾ, നമ്മുടെ രാജ്യത്തെ വിവിധ പദ്ധതികൾ, റോഡ് ആസൂത്രണം അങ്ങനെ എല്ലാം വളരെ മികച്ചതാണ്. ഇതിപ്പോൾ നമ്മുടെ സമയമാണെന്ന് ഞാൻ കരുതുന്നു. ഏഴ് വർഷത്തിനുള്ളിൽ 20 കി.മീ പൂർത്തിയാക്കി. അത് വളരെ അതിശയകരമായ കാര്യമാണ്.

വളരെ ആത്മാർത്ഥമായി സത്യസന്ധമായി പറയുകയാണെങ്കിൽ എനിക്ക് പറയാൻ വാക്കുകളില്ല. ഏറ്റവും സ്മാർട്ടായ രാജ്യമാണ് ഇന്ത്യയെന്ന് ഞാൻ പറയാനാ​ഗ്രഹിക്കുന്നു. യങ് ഇന്ത്യ വളരെ വേഗത്തിൽ വളരുകയാണ്. യുവതലമുറ വളരെ ഉത്തരവാദിത്തമുള്ളവരാണ്. അതുകൊണ്ട് തന്നെ നിങ്ങൾ എന്ത് പറഞ്ഞാലും അവരെ സ്വാധീനിക്കാനാകില്ല. എന്താണ് സംഭവിക്കുന്നതെന്ന് അവർ കാണുന്നുണ്ട് മാത്രമല്ല വളരെ ഉത്തരവാദിത്തോടെയാണ് ആളുകൾ പെരുമാറുന്നതും. രാജ്യം ശരിയായ വഴിയിലൂടെയാണ് പോകുന്നതെന്നും രശ്മിക വ്യക്തിമാക്കി.

ഇപ്പോഴിതാ രശ്മികളുടെ ഈ വാക്കുകൾക്ക് പ്രധാനമന്ത്രി നൽകിയ മറുപടി ഇങ്ങനെ, “ജനങ്ങളുടെ ജീവിത നിലവാരം മെച്ചപ്പെടുത്തുന്നതിലും ആളുകളെ തമ്മിൽ ബന്ധിപ്പിക്കുന്നതിലും കൂടുതൽ സംതൃപ്തി നൽകുന്ന മറ്റൊന്നുമില്ല” എന്നാണ് അദ്ദേഹം കുറിച്ചത്..