എന്റെ മകൾ ഇപ്പോൾ ഉണ്ടായിരുന്നെങ്കിൽ അവൾക്ക് 32 വയസ്സായേനെ ! ആ നഷ്ടം നികത്താൻ കഴിയാത്തത് ! നിറ കണ്ണുകളോടെ സുരേഷ് ഗോപി പറയുന്നു !

പാപ്പാൻ പ്രേക്ഷകർ ഏവരും  വളരെ പ്രതീക്ഷയോടെ കാണാൻ കാത്തിരിക്കുന്ന ചിത്രമാണ്, ചിത്രത്തിൽ അച്ഛനും മകനും ആദ്യമായി ഒന്നിക്കുന്നു എന്ന വലിയൊരു പ്രത്യേകതയും ഇ ചിത്രത്തിനുണ്ട്.  ഇപ്പോഴിതാ ഈ ചിത്രത്തിന്റെ പ്രൊഷന്റെ ഭാഗമായി സുരേഷ് മനസ് തുറന്ന് സംസാരിക്കുകയാണ്, അദ്ദേഹം പങ്കുവെച്ച കാര്യങ്ങളാണ് ഇപ്പോൾ ഏറെ ശ്രദ്ധ നേടുന്നത്. സൂപ്പർ താരങ്ങളോടുള്ള തന്റെ സൗഹൃദത്തെ കുറിച്ചും അദ്ദേഹം സംസാരിച്ചിരുന്നു. ലാല്‍ സുഹൃത്തായിരുന്നു. മമ്മൂട്ടി അച്ഛനാണോ അതോ എന്റെ  ബിഗ് ബ്രദര്‍ ആണോ എന്നറിയില്ല. മമ്മൂട്ടിയിൽ നിന്നും ഒരുപാട് പഠിക്കാന്‍ കഴിഞ്ഞു. അപ്പോഴല്ലെങ്കിലും പിന്നീട് അത് ഗുണം ചെയ്തു. ഒരു സിനിമയെ മൊത്തം തോളിലേറ്റെടുക്കുമ്പോള്‍ അദ്ദേഹം പറഞ്ഞു തന്ന പാഠങ്ങൾ തന്നെ ഒരുപാട് സഹായിച്ചിട്ടുണ്ട് എന്നും സുരേഷ് ഗോപി പറയുന്നു.

അതുപോലെ തന്നെ തന്റെ ജീവിതത്തിൽ സംഭവിച്ച ഒരിക്കലും നികത്താൻ കഴിയാത്ത ഒരു നഷ്ടത്തെ കുറിച്ചും നിറ കണ്ണുകളോടെ സുരേഷ് ഗോപി പറഞ്ഞത് ഇപ്പോൾ ഏവരുടെയും കണ്ണ് നനയിച്ചിരിക്കുകയാണ്. പ്രമോഷൻ പരിപാടിക്ക് ഇടക്ക് അവതാരകയുടെ പേര് ലക്ഷ്മി എന്ന് പറഞ്ഞപ്പോഴാണ് അദ്ദേഹം തന്റെ മകളെ കുറിച്ച് പറഞ്ഞത്. എന്റെ മകളിപ്പോ ഉണ്ടായിരുന്നെങ്കില്‍ 32 വയസ്. 32 വയസായ ഏതൊരു പെണ്‍കുട്ടിയേയും കണ്ടുകഴിഞ്ഞാല്‍ കെട്ടിപ്പിടിച്ച് അവളെ ഉമ്മ വെക്കാന്‍ കൊതിയാണ്. ലക്ഷ്മിയുടെ നഷ്ടം എന്ന് പറയുന്നത് എന്നെ പട്ടടയില്‍ വെച്ച് കഴിഞ്ഞാല്‍ ആ ചാരത്തിന് പോലും ആ വേദനയുണ്ടാവും.

ഒരു നടൻ എന്ന നിലയിലും വ്യക്തി എന്ന നിലയിലും എന്റെ കരിയറില്‍ ഒരുപാട് കാര്യങ്ങള്‍ സമ്മാനിച്ചയാളാണ് ലക്ഷ്മിയെന്ന് പറഞ്ഞ് കരയുകയായിരുന്നു സുരേഷ് ഗോപി. കണ്ണ് നനയിപ്പിക്കുന്ന വീഡിയോ എന്ന് പറഞ്ഞായിരുന്നു ആരാധകരെത്തിയത്. നിരവധി പേരാണ് അദ്ദേഹത്തെ ആശ്വസിപ്പിക്കുന്ന വാക്കുകൾ പങ്കുവെക്കുന്നത്. ഇതിനുമുമ്പും അദ്ദേഹം മകളുടെ ഓർമകൾ പങ്കുവെച്ചിരുന്നു. തന്റെ ആ മകളുടെ പേരിൽ അദ്ദേഹം നടത്തുന്ന ചാരിറ്റബിൾ ട്രസ്റ്റ് ന്റെ പേരിൽ ഒരുപാട് കാരുണ്യ പ്രവർത്തനങ്ങൾ നടത്തുന്നുണ്ട്. ഇങ്ങനെയൊരു അച്ഛന്റെ മകളായി ജനിച്ചു എന്നതാണ് ലക്ഷ്മി ചെയ്ത പുണ്യം. ഹൃദയം കൊണ്ട് സ്‌നേഹിക്കുന്ന, സ്‌നേഹിക്കാന്‍ മാത്രമറിയാവുന്ന ഒരച്ഛന്‍. ആ കണ്ണുനിറഞ്ഞ് കണ്ടപ്പോള്‍ വല്ലാത്തൊരു വിങ്ങല്‍ മനസിന്. എന്റെ കണ്ണും നിറഞ്ഞു, വല്ലാതെ സങ്കടം തോന്നിയെന്നുമായിരുന്നു ആരാധകരുടെ കമന്റുകള്‍.

അതുപോലെ തന്റെ മക്കളെ കുറിച്ചും അദ്ദേഹം പറയുന്നുണ്ട്. ഗോകുൽ എന്നെ ഒരു സൂപ്പർ സ്റ്റാർ ആയിട്ടാണ് കാണുന്നത്, അവന് ഭയങ്കര ബഹുമാനമാണ്, എന്നാൽ ബാക്കിയെല്ലാം എന്റെ തലയിൽ കയറി നിറങ്ങുകയാണ്. മക്കളുടെ അടുത്ത് സ്ട്രിക്ടായ അച്ഛനല്ല ഞാന്‍. എല്ലാ സ്വാതന്ത്ര്യവും കൊടുക്കാറുണ്ട്. മാധവ് എന്നെ കൂട്ടുകാരനെപ്പോലെയാണ് കാണുന്നത്. ഇനി അവൻ എപ്പോഴാ എന്നെ അളിയാ എന്ന് വിളിക്കുന്നത് പോലും എനിക്കറിയില്ല. പെണ്‍മക്കള്‍ക്കും സ്വാതന്ത്ര്യം കൊടുത്തിട്ടുണ്ട്. ഒരു മകള്‍ അത് ശരിക്കും ഉപയോഗിക്കുന്നുണ്ടെന്നുമായിരുന്നു സുരേഷ് ഗോപി പറഞ്ഞത്.