ആ പാവങ്ങൾക്ക് വേണ്ടി സുരേഷ് ഗോപി ചെയ്തിട്ടുള്ള പ്രവർത്തികൾ ഇപ്പോഴും പുറംലോകം അറിഞ്ഞിട്ടില്ല ! ‘ഇത്രയും കാരുണ്യ പ്രവർത്തനങ്ങൾ ചെയ്ത മറ്റൊരു നടൻ ഉണ്ടാകില്ല’ ! ആലപ്പി അഷറഫ് പറയുന്നു !

വിമർശനങ്ങളും വിവാദങ്ങളും കൂടി വരുമ്പോൾ പഴയ കാര്യങ്ങൾ പലരും മറന്നുപോകുന്നു, ഒരു വിഷു കൈ നേട്ടത്തിന്റെ പേരിൽ സുരേഷ് ഗോപിയെ വിമർശിക്കുമ്പോൾ അദ്ദേഹത്തെ കുറിച്ച് സംവിധായകൻ ആലപ്പി അഷറഫ് പറഞ്ഞ ചില കാര്യങ്ങളാണ് ഇപ്പോൾ ഏറെ ശ്രദ്ധ നേടുന്നത്. അദ്ദേഹത്തിന്റെ വാക്കുകൾ ഇങ്ങനെ. രാഷ്ട്രീയ പരമായി ആ മനുഷ്യനോട് എതിർപ്പ് ഉണ്ടെങ്കിലും അദ്ദേഹത്തിന്റെ മനസ് അത് എന്നും നന്മക്ക് ഒപ്പമാണ്, അത് എനിക്ക് നേരിട്ട് അറിവുള്ള ചില കാര്യങ്ങൾ കൊണ്ട് ഞാൻ മനസിലാക്കിയതാണ്.

അകാലത്തിൽ അദ്ദേഹത്തെ വിട്ടുപോയ മകൾ  ലക്ഷ്മിയുടെ പേരിലുള്ള ലഷ്മി ഫൗണ്ടേഷന്‍റെ സാന്ത്വനം എന്ന പദ്ധതിയിലൂടെയാണ്  അദ്ദേഹം അർഹമായ കൈകളിൽ സഹായങ്ങൾ എത്തിക്കുന്നത്.  അലഞ്ഞു നടക്കുന്ന ഒരുപാട് പേർക്ക് കിടപ്പാടം  നൽകിയ ആളാണ്. എൻഡോസള്‍ഫാൻ ദുരിതത്തിലാഴ്ത്തിയവർക്ക് തല ചായ്ക്കാൻ 9 പാർപ്പിടങ്ങളാണ് സുരേഷ് ഗോപി നിർമ്മിച്ച് നല്‍കിയത്. പൊതുസമൂഹം മാറ്റി നിർത്തിയ മണ്ണിന്‍റെ മക്കളായ ആദിവാസികൾക്ക് സഹായവുമായ് എത്തിയ ആദ്യ സിനിമാക്കാരനും  അദ്ദേഹം തന്നെ.

ആരോരും തിരിഞ്ഞു നോക്കാൻ ഇല്ലാത്ത ആദിവാസി മേഖലക്ക് വേണ്ടി ആ മനുഷ്യൻ ചെയ്തിട്ടുള്ള പ്രവർത്തികൾ ഇപ്പോഴും പുറം ലോകം അറിഞ്ഞിട്ടില്ല, കോതമംഗലത്തിനടുത്ത് ചൊങ്ങിൻചുവടിലെയും, അട്ടപ്പാടിയിലെയും അത്തരത്തിലുള്ള പല ആദിവാസി കോളനികളിലും അദ്ദേഹത്തിന്റെ നേതൃത്വത്തിൽ നിരവധി ടോയ്‌ലറ്റുകൾ നിർമിച്ച് നൽകിയിരിരുന്നു. ഇതിൽ എടുത്ത് പറയേണ്ട ഒന്ന് എല്ലാം ആ മനുഷ്യന്റെ സ്വന്തം അദ്ധ്വാനത്തിന്‍റെ ഒരു വീതത്തിൽ നിന്നുമാണന്ന് നമ്മൾ ഓർക്കണം.

അതുമാത്രമല്ല തന്റെ കൺ മുന്നിൽ കാണുന്ന പലരുടെയും ദുഖങ്ങൾക്ക് പരിഹാരം കാണാൻ അദ്ദേഹം കഴിവതും ശ്രമിക്കാറുണ്ട്. മാവേലിക്കരയിലൂടെ യാത്ര ചെയ്യുമ്പോൾ യാദൃശ്ചികമായി വഴിയിൽ കണ്ടുമുട്ടിയ കാൽ നഷ്ടപ്പെട്ട മനുഷ്യന് ഒരുലക്ഷം രൂപയോളം മുടക്കിയാണ് ആധുനിക കൃത്രിമക്കാൽ വാങ്ങി നല്‍കിയത്. മലയാള ചലച്ചിത്ര ലോകത്ത് എത്ര പേർക്കുണ്ട് ഈ മഹത്വം. ആ മനുഷ്യൻ ചെയ്ത് ഒരു കാര്യങ്ങളും തന്റെ ഇമേജ് വർധിപ്പിക്കാൻ വേണ്ടി അദ്ദേഹം ഉപയോഗിച്ചിട്ടില്ല എന്നും അഷറഫ് പറയുന്നു.

സാധാരണക്കാരായ ഏതൊരു മനുഷ്യനും ഒരു സഹായത്തിനായി ആദ്യം ഓർക്കുന്നത് സാക്ഷാൽ സുരേഷ് ഗോപിയുടെ മുഖമാണ്. കാരണം ആ കരുതൽ. അത്  അവർക്ക് ഉറപ്പാണ്    അത് കൂടാതെ വയനാട്ടിൽ നിന്നും ഒരു പക്ഷേ കേരളത്തിൽ നിന്നു തന്നെ ആദ്യമായി ഒരു ആദിവാസി യുവാവ് പൈലറ്റാകുന്നു. അതും സുരേഷ് ഗോപിയുടെ ഇടപെടൽ കൊണ്ട് മാത്രമാണ് സഭലമായത്. അദ്ദേഹത്തിന്റെ നന്മകളുടെ ബലാമാണ് കഴിഞ്ഞ ദിവസം പുറത്ത് വന്ന ഗൂഗിൾ സെർച്ച് റിസൾട്ട്. അതായത് കഴിഞ്ഞ കൊല്ലം മലയാളികൾ ഗൂഗിഗിൽ ഏറ്റവും കൂടുതൽ തിരഞ്ഞത് ഇതേ സുരേഷ് ഗോപിയുടെ ഫോൺ നമ്പർ ആണ്… എല്ലാ വിമർശനങ്ങൾക്കും ഉള്ള മറുപടിയാണ് ഇതെന്നും ആരാധകർ പറയുന്നു.