സിനിമ ജീവിതം തുടങ്ങിയിട്ട് 30 വർഷം..! മലയാളത്തിൽ പത്തോളം സിനിമകൾ ചെയ്തിരുന്ന ഒരു അച്ഛന്റെ മകൻ കൂടിയായിരുന്ന ബിജുമേനോനെ സിനിമ അരങ്ങേറ്റം അത്ര വിജയകരമായിരുന്നില്ല ! ആ ജീവിതം !

മലയാള സിനിമയിൽ ഒരു ഹേറ്റേഴ്‌സും ഇല്ലാത്ത ഒരു നടൻ അത് ബിജു മേനോൻ തന്നെയായിരിക്കും, നായകൻ, സഹനായകൻ, സപ്പോർട്ടിംഗ് ആക്ടർ, വില്ലൻ തുടങ്ങിയ എല്ലാ റോളുകളിലും തൻ്റെ പ്രതിഭ തെളിയിച്ച് മലയാള സിനിമയിൽ നിറഞ്ഞു നിൽക്കുന്ന അദ്ദേഹം ഒരു നിർമാതാവ് കൂടിയാണ്. ഇപ്പോഴിതാ സിനിമയിൽ എത്തിയിട്ട് 30 വർഷം പൂർത്തിയാക്കുന്ന  ബിജു മേനോന്റെ കരിയറിലെ നേട്ടം ആഘോഷമാക്കിയിരിക്കുകയാണ് തലവന്‍ സിനിമയുടെ അണിയറ പ്രവര്‍ത്തകര്‍..

സിനിമ രംഗത്ത് ബിജു മേനോന്റെ തുടക്കം 1991ല്‍ ഈഗിള്‍ എന്ന ചിത്രത്തില്‍ ഹോട്ടല്‍ റിസപ്ഷനിസ്റ്റ് ആയി മുഖം കാണിച്ചിട്ടുണ്ടെങ്കിലും 1994ല്‍ പുറത്തിറങ്ങിയ പുത്രന്‍ എന്ന സിനിമയാണ് ബിജു മേനോന്റെ നടന്‍ എന്ന നിലയിലുള്ള ആദ്യ ചിത്രം. ജൂഡ് അട്ടിപ്പേറ്റി സംവിധാനം ഈ ചിത്രത്തിലാണ് അദ്ദേഹം ആദ്യമായി നായകനായി അഭിനയിച്ചത്.

അതുപോലെ അദ്ദേഹത്തിന്റെ യഥാർഥ പേര് ഇതായിരുന്നില്ല, ബിജു ബാലകൃഷ്ണന്‍ എന്നായിരുന്നു, പിന്നീടാണ് അത് ബിജു മേനോൻ ആയത്, ‘മഠത്തില്‍പറമ്പ്’ എന്ന തറവാട്ടിലാണ് ബിജു ജനിച്ചത്, നാലു മക്കൾ അടങ്ങുന്ന അദ്ദേഹത്തിന്റെ കുടുംബത്തിലെ ആദ്യ അഭിനേതാവ് ബിജു മേനോൻ ആയിരുന്നില്ല മറിച്ച് അദ്ദേഹത്തിന്റെ അച്ഛൻ ബാലകൃഷ്ണ പിള്ളയാണ്.. പി.എന്‍ ബാലകൃഷ്ണപിള്ള എന്ന ബിജു മേനോന്റെ അച്ഛൻ.. അതികം ആരും അറിയപ്പെടാതെ പോയ ഒരു അതുല്യ കലാകാരൻ.. അദ്ദേഹം 10 ഓളം മലയാളം സിനിമകളില്‍ അഭിനയിച്ചിട്ടുണ്ട്. സമസ്യ, ഞാവല്‍പ്പഴങ്ങള്‍, സരിത, അശ്വത്ഥാമാവ്, മാറ്റൊലി, വീരഭദ്രന്‍, ഇതും ഒരു ജീവിതം, രചന എന്നിങ്ങനെയുള്ള സിനിമകളില്‍ അദ്ദേഹം ചെറിയ ചില വേഷങ്ങള്‍ ചെയ്തിട്ടുണ്ട്.

ഒടുവിൽ അദ്ദേഹത്തെ തേടി നല്ലൊരു കഥാപാത്രമെത്തുന്നത് മൂന്നാം പക്കം’ എന്ന ചിത്രത്തിൽ ആയിരുന്നു. നിർഭാഗ്യ വശാൽ അതുതന്നെ ആയിരുന്നു അദ്ദേഹത്തിന്റെ അവസാന ചിത്രവും. ആ ചിത്രത്തിൽ ഒരു മികച്ചവേഷം ചെയ്തിരുന്നു, ചിത്രത്തിന്റെ ക്ലൈമാക്സിനോടനുബന്ധിച്ച്‌ തിലകനോടൊപ്പം കടല്‍ത്തീരത്ത് പ്രത്യക്ഷപ്പെടുന്ന പൊലീസ് ഉദ്യോഗസ്ഥനായി അഭിനയിച്ചത് ശ്രീമാന്‍ ബാലകൃഷ്ണ പിള്ള എന്ന ബിജു മേനോന്റെ അച്ഛൻ ആയിരുന്നു.. മലയാള സിനിമ ലോകത്ത് ആഗ്രഹിച്ചതുപോലെ ഒരു സ്ഥാനം നേടി എടുക്കാൻ അദ്ദേഹത്തിന് സാധിച്ചിരുന്നില്ല..

എന്നാൽ തനിക്ക് നടക്കാതെ പോയ ആ സ്വപ്‌നം അദ്ദേഹം തന്റെ മകനിലൂടെ നേടിയെടുത്തു. ഈഗിൾ എന്ന ചിത്രത്തിന് ശേഷം ബിജു പിന്നെ ദൂരദര്‍ശന്‍ പരമ്പരകൾ ചെയ്തു അതിൽ ചിലത് ഹിറ്റായതോടെ പുത്രൻ എന്ന സിനിമയിൽ അവസരം ലഭിച്ചു, അവിടെ നിന്നുമാണ് ഇന്ന് നമ്മൾ കാണുന്ന നടനിലേക്കുന്ന തുടക്കം, പത്രം, മധുരനൊമ്ബരക്കാറ്റ്, മഴ, മേരിക്കുണ്ടൊരു കുഞ്ഞാട്, വെള്ളിമൂങ്ങ, ഓര്‍ഡിനറി, അയ്യപ്പനും കോശിയും തുടങ്ങി ബിജു മേനോന്‍ എന്ന നടനെ മലയാളിയുടെ മനസില്‍ പതിപ്പിച്ച എത്രയെത്ര സിനിമകള്‍. ജിസ് ജോയ് സംവിധാനം ചെയ്യുന്ന തലവന്‍ ആണ് ബിജു മേനോന്റേതായി റിലീസിന് ഒരുങ്ങുന്ന അടുത്ത ചിത്രം.