എന്റെ മകളെ സാധാരണ ജീവിതത്തിലേക്ക് തിരികെ കൊണ്ടുവരണമെന്ന് ഞാൻ ആഗ്രഹിക്കുന്നുണ്ട് ! അവളുടെ ജീവിതം ഇങ്ങനെയാക്കിയത് അവളുടെ അമ്മ തന്നെയാണ് ! കനകയുടെ അച്ഛൻ പറയുന്നു !

ഒരു സമയത്ത് തെന്നിന്ത്യൻ സിനിമയിലാകെ തിളങ്ങി നിന്ന അഭിനേത്രിയായിരുന്നു കനക. മലയാളികൾക്കും അവർ ഏറെ പ്രിയങ്കരിയാണ്. മലയാളത്തിൽ ഒരു പിടി ഹിറ്റ് ചിത്രങ്ങളുടെ ഭാഗമായിരുന്ന കനക ഇപ്പോൾ പക്ഷെ എല്ലാം ഉപകേക്ഷിച്ച് പൊതുസമൂഹത്തിൽ നിന്നും അകന്നു കഴിയുകയാണ്. കനകക്ക് അമ്മ ദേവികയായിരുന്നു എല്ലാം, അതുകൊണ്ട് തന്നെ അപ്രതീക്ഷിതമായി സംഭവിച്ച ദേവികയുടെ മരണത്തോടെയാണ് കനകയുടെ ജീവിതത്തിന്റെ താളം തെറ്റിയത്. കനകയുടെ കുട്ടിക്കാലത്ത് അച്ഛനും അമ്മയും വേർപിരിഞ്ഞതാണ്. ദേവദാസ് ജീവിച്ചിരിപ്പുണ്ടെങ്കിലും അച്ഛനിൽ നിന്നും കനക അകന്ന് നിൽക്കുകയാണ്.

ഇപ്പോഴിതാ തന്റെ മകളെ കുറിച്ച് അച്ഛൻ പറഞ്ഞ വാക്കുകളാണ് ഏറെ ശ്രദ്ധ നേടുന്നത്. നിയമപ്രകാരം ഞാനും ദേവികയും പിരിഞ്ഞിട്ടില്ല. ഇന്നും അവൾ എന്റെ ഭാര്യ തന്നെയാണ്. സ്വത്തുക്കളിൽ എനിക്കും അവകാശമുണ്ട്. മകൾക്ക് വിട്ട് കൊടുത്തതാണ്. അഭിനയിക്കാൻ തുടങ്ങുമ്പോൾ കനകയ്ക്ക് 17 വയസാണ്. പ്രായപൂർത്തിയായിട്ടില്ലാത്തതിനാൽ അഭിനയിക്കരുതെന്ന് പറഞ്ഞ് ഞാൻ കേസ് കൊടുത്തത് വാസ്തവമാണ്. കാരണം അഭിനയിക്കുന്നതിന് പകരം എന്റെ മകൾ പഠിക്കണം എന്നായിരുന്നു എന്റെ ആ​ഗ്രഹം.

ഞാൻ അതിൽ തന്നെ ഉറച്ചുനിന്നു. അങ്ങനെ കേസ് കോടതിയിൽ വന്നു. കനകയുടെ തീരുമാനമറിഞ്ഞേ വിധി പറയൂയെന്ന് ജ‍ഡ്ജി പറഞ്ഞു. കനകയെ വിളിച്ചു. അമ്മയ്ക്ക് നിന്നെ അഭിനയിപ്പിക്കണമെന്നാണ്, അച്ഛന് പഠിപ്പിക്കണമെന്നും, ഇതിൽ ഏതാണ് നിനക്ക് വേണ്ടതെന്ന് കനകയോട് ചോദിച്ചു. അമ്മയുടെ പാതയിൽ പോകണമെന്ന് കനക മറുപടി നൽകി. കേസിൽ ഞാൻ തോറ്റു.

ഇക്കാലമത്രയും കനകയുടെ സിനിമകൾ തിയറ്ററിൽ പോയി കണ്ടിട്ടില്ല. മകൾ പഠിക്കാത്തതിന്റെ ദേഷ്യമുണ്ടായിരുന്നു. ഡോക്ടറാകണമന്ന് ആ​ഗ്രഹിച്ചിരുന്നയാളാണ് ഞാൻ. വയസായി, കനകയ്ക്ക് മാർക്കറ്റ് പോയി എന്നാണ് ഇപ്പോൾ പറയുന്നത്. ഒരു ഡോക്ടറായിരുന്നെങ്കിൽ ഇങ്ങനെ വീട്ടിനുള്ളിൽ കതകടച്ച് ഇരിക്കേണ്ടി വരുമായിരുന്നോ. എന്റെ ചേട്ടന്റെ മകൻ കനകയുടെ വീ‌ട്ടിൽ പോയതാണ്. ​ദുബായിൽ നിന്ന് വന്നതായിരുന്നു. കതകടച്ച് അപ്പുറത്ത് നിന്നാണ് അവനോട് സംസാരിച്ചത്. എനിക്കിപ്പോൾ നൂറ് കിലോയായി, കാഴ്ചയ്ക്ക് പ്രശ്നമുണ്ടെന്ന് പറഞ്ഞു. ഇക്കാര്യം അറിഞ്ഞപ്പോൾ ഞാൻ വാട്സ് ആപ്പിൽ മെസേജ് അയച്ചു.

പക്ഷെ അവൾ എനിക്ക് മറുപടി തന്നില്ല. മകളെ നേരിട്ട് കണ്ടിട്ട് 12 വർഷത്തിലേറെയായി. എനിക്കിപ്പോൾ 88 വയസായി. കനകയെ സംരക്ഷിക്കാൻ ഞാൻ ഇപ്പോഴും തയ്യാറാണ്. അവളാണ് ആരെയും അടുപ്പിക്കാത്തതെന്ന് ദേവദാസ് പറയുന്നു. കനകയ്ക്ക് പൊതുസമൂഹത്തിൽ ജീവിച്ച് പരിചയമില്ലെന്നും ദേവദാസ് പറയുന്നു. സ്വയം ചിന്തിച്ച് തീരുമാനമെ‌ടുക്കാനുള്ള ബുദ്ധിയില്ല. അവളുടെ അമ്മ അവളെ അങ്ങനെയാണ് വളർത്തിയത്, പിന്നെ വീട്ടിൽ നിറയെ നായകളും പൂച്ചകളുമൊക്കെയാണ്.

വീടും ചുറ്റുപാടും വളരെ വൃത്തിഹീനമായ അവസ്ഥയിലാണെന്ന് ചുറ്റുമുള്ളവർ പറയുന്നു. ആരെയും വിശ്വസിക്കുന്നില്ല. സ്വയമെങ്കിലും വിശ്വസിച്ച് കൂടേ. സ്വതന്ത്രമായി ജീവിക്ക്. നാലാൾക്കാരെ കണ്ട് സംസാരിക്കെന്നും ദേവദാസ് കനകയോടായി പറഞ്ഞു. മകൾ എപ്പോൾ വന്നാലും സ്വീകരിക്കാൻ ഞാൻ തയ്യാറാണ്. കനകയെ സാധാരണ മനുഷ്യസ്ത്രീയാക്കി മാറ്റേണ്ടതുണ്ടെന്നും അദ്ദേഹം പറയുന്നു.