അമ്മയുടെ പണത്തേയോ പ്രശസ്തിയേയോ സ്നേഹിക്കുന്ന ആളല്ല, മറിച്ച് അമ്മയെ സ്നേഹിക്കുന്ന, നോക്കുന്ന, പരിഗണിക്കുന്ന ഒരാളെയാണ് നോക്കുന്നത് ! വിവാഹത്തെ കുറിച്ച് നിഷാ സാരംഗ്

ഉപ്പും മുളകും എന്ന ജനപ്രിയ പരമ്പരയിൽ കൂടി ഏവർക്കും സുപരിചിതയായ അയാളാണ് നിഷാ സാരംഗ്. ഇപ്പോഴിതാ അന്‍പത് വയസ് കഴിഞ്ഞതിനാല്‍ വീണ്ടുമൊരു വിവാഹത്തിന് സമ്മതമാണെന്ന് നടി നിഷ സാരംഗ്. ഇപ്പോള്‍ കല്യാണം കഴിക്കാമെന്ന് തോന്നിതുടങ്ങിയിട്ടുണ്ട്. ചിന്തിക്കുന്നതും പറയുന്നതും കേള്‍ക്കാന്‍ ഒരു കൂട്ട് വേണം എന്നാണ് നിഷ പറയുന്നത്. ഒറിജിനല്‍സ് എന്ന യൂട്യൂബ് ചാനലിന് നല്‍കിയ അഭിമുഖത്തിലാണ് നിഷയുടെ വെളിപ്പെടുത്തല്‍.

തന്റെ കടമകൾ എല്ലാം നിറവേറ്റി ഇനി ജീവിതത്തിൽ ഒരു കൂട്ട് വേണം, മക്കളോട് പണ്ടേ ഞാൻ ഒരു കണ്ടീഷന്‍ പറഞ്ഞിരുന്നു. എന്റെ അന്‍പതാം വയസ് മുതല്‍ ഞാന്‍ എന്നെ ശ്രദ്ധിച്ചു തുടങ്ങും. ഞാന്‍ എനിക്ക് വേണ്ടി ജീവിച്ചു തുടങ്ങും. എനിക്ക് എന്തൊക്കെ ഇഷ്ടങ്ങളുണ്ടായിരുന്നോ അതൊക്കെ ഞാന്‍ ചെയ്തു തുടങ്ങും. അന്‍പത് വയസ് വരെ നിങ്ങള്‍ക്ക് വേണ്ടിയുള്ള ജീവിതമായിരുന്നു. അതുകഴിഞ്ഞാല്‍ എനിക്കുള്ള ജീവിതമാണ്.

ഞാൻ എന്റെ ജീവിതം ആസ്വദിച്ച് തുടങ്ങിയിരിക്കുകയാണ്. ഇപ്പോള്‍ ജിമ്മില്‍ പോയി തുടങ്ങി. അങ്ങോട്ട് പോകാന്‍ വലിയ ഇഷ്ടമാണ്.  കല്യാണം കഴിക്കാമെന്ന് തോന്നി തുടങ്ങിയിട്ടുണ്ട്. കാരണം കുട്ടികള്‍ വളര്‍ന്നു കഴിഞ്ഞാല്‍ നമ്മള്‍ പറയുന്നത് അവര്‍ക്ക് ഇഷ്ടപ്പെടണമെന്നില്ല. നമ്മള്‍ ചിന്തിക്കുന്നത് അവരോട് പറഞ്ഞുകഴിഞ്ഞാല്‍ അത് അവര്‍ അംഗീകരിക്കണമെന്നില്ല.

ആ അവസ്ഥയിലാണ്  നമ്മളെ കേൾക്കാൻ ആരെങ്കിലും ഉണ്ടായിരുന്നെങ്കിൽ എന്ന് തോന്നുന്നത്. നമുക്ക് തോന്നും നമ്മള്‍ ചിന്തിക്കുന്നതും നമ്മള്‍ പറയുന്നതും കേള്‍ക്കാന്‍ ഒരാള്‍ വേണമെന്ന്. ചിലപ്പോള്‍ വെറുതെയിരുന്ന് കരയാന്‍ തുടങ്ങും. തിരക്കിട്ട ജീവിതമാണ്, എന്റെ ഇടവേളകളില്‍ എനിക്കൊപ്പമുണ്ടാകാന്‍ ഒരു കൂട്ട് ആവശ്യമുണ്ട്. വീട്ടില്‍ നമ്മളെ കേള്‍ക്കാന്‍ ആളില്ലെങ്കില്‍ മനസ്സ് അശാന്തമാകും, അന്‍പത് വയസാകുമ്പോള്‍ ഞാന്‍ എന്നെ തന്നെ സന്തോഷവതിയാക്കി നിര്‍ത്തിയെങ്കില്‍ മാത്രമേ എന്റെ ആരോഗ്യം പോലും സംരക്ഷിക്കാനാകൂ. അപ്പോള്‍ ഞാന്‍ എന്നെ നോക്കണം” എന്നാണ് നിഷ പറയുന്നത്.

അമ്മയുടെ പങ്കാളിയെ കുറിച്ച് മൂത്ത മകൾ രേവതിയും പ്രതികരിച്ചു. അമ്മയുടെ പണത്തേയോ പ്രശസ്തിയേയോ സ്നേഹിക്കുന്ന ആളല്ല അമ്മയുടെ ജീവിതത്തിൽ ആവശ്യം. അങ്ങനെയൊരാള് വന്നാൽ ആ ആലോചന തള്ളും. അതിനെ കുറിച്ച് വഴക്കിടുകയും ചെയ്യും. അതല്ലാതെ അമ്മയെ സ്നേഹിക്കുന്ന, നോക്കുന്ന, പരിഗണിക്കുന്ന ഒരാൾ വന്നാൽ സ്വീകരിക്കും. അമ്മയ്ക്ക് ശരിക്കും ആളുകളെ മനസിലാക്കാൻ അറിയില്ല. മണ്ടത്തരം ചെയ്യരുതെന്ന് കണ്ടീഷൻ വെച്ചിട്ടുണ്ട്’, മകൾ പറയുന്നുണ്ട്…