ഉണ്ണിയുടെ വിജയം എന്റെകൂടിയാണ്, എന്റെ ജീവിതം മാറ്റിമറിച്ചത് ഉണ്ണിയുടെ ആ വാക്കുകളാണ് ! ചാണകം എന്ന് വിളിക്കുന്നവർ അറിയാൻ ! ശാമിലയുടെ കുറിപ്പ് വൈറൽ !

ഇന്ന് മലയാളവും കടന്ന് ഒരു പാൻ ഇന്ത്യൻ സ്റ്റാർ ആയി വിജയിച്ച് നിൽക്കുകയാണ് ഉണ്ണി മുകുന്ദൻ. മാളികപ്പുറം എന്ന സിനിമ മാറ്റിമറിച്ചത് നടന്റെ കരിയറാണ്. താൻ ആഗ്രഹിച്ച ലക്ഷ്യത്തിൽ ഉണ്ണി എത്തികൊണ്ടിരിക്കുന്നു. ബോളിവുഡ് സിനിമയാണ് ലക്ഷ്യം. ഇപ്പോഴിതാ ഉണ്ണി മുകുന്ദൻ കാരണം ജീവിതം മാറിമറിഞ്ഞ ശാമില എന്ന യുവതിയുടെ ഒരു കുറിപ്പാണ് ഇപ്പോൾ സമൂഹ മാധ്യമങ്ങളിൽ വൈറലായി മാറുന്നത്.

ശാമിലയുടെ വാക്കുകൾ ഇങ്ങനെ,.. ഉണ്ണി മുകുന്ദന്‍ വലിയ വിജയങ്ങള്‍ ആഘോഷിക്കുന്ന തിരക്കിലാണ്. ഞാനും അത് ആഘോഷിക്കുന്നു. പലരും വന്നു എന്നോട് ചോദിക്കുന്നു. ‘എന്തിന്.. നീയും സംഘിയായോ, എന്നാണ് നീ ചാണകത്തിൽ വീണത്. അവന്‍ നിന്നെയും സംഘിയാക്കും’.. എന്നിങ്ങനെയുള്ള അടച്ചാക്ഷേപങ്ങള്‍ കേട്ടിരുന്നു. അതിനുള്ള മറുപടിയാണ് ഈ വരികള്‍.  എന്നു മുതലാണ് ഉണ്ണി മുകുന്ദന്റെ സന്തോഷങ്ങള്‍ എന്നെ കൂടി സന്തോഷിപ്പിക്കാന്‍ ആരംഭിച്ചത്. എന്ന് മുതലാണ് ഉണ്ണി മുകുന്ദന്റെ വിജയങ്ങള്‍ എന്റെ കൂടി വിജയങ്ങളായത്…

എന്റെ വാപ്പ അപ്രതീക്ഷിതമായി ഞങ്ങളെ തനിച്ചാക്കി പോയത് ഒരുപാട് വേദനിപ്പിച്ചിരുന്നു. ആ ആഘാതം എന്നെ വല്ലാതെ തളർത്തി. അതിനെല്ലാം ശേഷം ഒരോണക്കാലത്തു വളരെ യാദൃശ്ചികമായി യൂട്യൂബില്‍ ഒരു വീഡിയോ കാണാനിടയായി. അങ്ങനെ അഭിമുഖങ്ങൾ ഒന്നും പൊതുവെ ഇഷ്ടപെടാത്ത ഞാൻ പക്ഷെ അപ്പോൾ അത് കണ്ടു, ഉണ്ണി മുകുന്ദനാണ് അഥിതി. അങ്ങനെയാണ് ആ ചോദ്യം വരുന്നത്. ഉണ്ണി മുകുന്ദന്റെ സ്വപ്നങ്ങളെ കുറിച്ച്‌. എന്റെ ജീവിതം മാറ്റിയ ഉത്തരമായിരുന്നു അതിന്റെ മറുപടി. ഉണ്ണി അദ്ദേഹത്തിന്റെ സ്വപ്നങ്ങളെക്കുറിച്ചു പറയാന്‍ ആരംഭിച്ചു. അദ്ദേഹത്തിനൊരു വലിയ സ്വപ്നമുണ്ടെന്നും ഹിന്ദി സിനിമയില്‍ അഭിനയിക്കണമെന്നും അതാണ് ലക്ഷ്യമെന്നും.

ഞാൻ പഠിച്ചിരുന്ന എന്റെ സ്കൂളിന് എതിര്‍വശമുള്ള അനുപം തിയേറ്ററില്‍ അദ്ദേഹത്തിന്റെ ഒരു സിനിമ റിലീസ് ആകണം. അവിടെ ഉണ്ണിയുടെ ഒരു വലിയ കട്ട് ഔട്ട് വരണം. ഇതാണ് സ്വപ്നം. അത് കഴിഞ്ഞു അദ്ദേഹം പറഞ്ഞ വാക്കുകള്‍ ഇങ്ങനെയായിരുന്നു. ‘ഇത് കേള്‍ക്കുമ്ബോള്‍ ചിലരെങ്കിലും പറയും അതിമോഹമല്ലേ. ഞാന്‍ പറയുന്നു അതിമോഹം ആവാം. ജീവിതത്തില്‍ ഒരു സ്വപ്നവും ഇല്ലാത്തതാണ് ഡിസാസ്റ്റര്‍.’ ഇതായിരുന്നു വാക്കുകള്‍.. അത് മാത്രമല്ല നമ്മൾ നമ്മളെ തന്നെ ആദ്യം സ്നേഹിക്കണം അപ്പോൾ ജീവിതം സുന്ദരമാകും എന്നും അദ്ദേഹം പറഞ്ഞു.

അതിനു ശേഷം ഞാൻ എന്നോട് തന്നെ ചോദിച്ചു, എന്താണ് നിന്റെ സ്വപ്നം, ലക്‌ഷ്യം.. അപ്പോഴാണ് ഞാൻ മനസിലാക്കുന്നത് എനിക്ക് അതൊന്നും ഇല്ല, അതാണ് ഈ മരവിച്ച ജീവിതത്തിന്റെ കാരണം, അങ്ങനെ ഞാൻ സ്വപ്നം കാണാൻ തുടങ്ങി പിഎസ് സി പഠിച്ച് ഒരു സർക്കാർ ജോലി, അങ്ങനെ രാപ്പകൽ പഠിച്ചു, എനിക്ക് ഞാൻ ആഗ്രഹചിച്ചത് പോലെ ഒരു പൊസിഷനിൽ ഞാൻ എത്തി. ഒരുപാട് വായിച്ചു, ശരീര ഭാരം കുറച്ചു, മാംസാഹാരം ഒഴിവാക്കി, യോഗ ശീലമാക്കി, പുതിയ അറിവുകൾ നേടി അങ്ങനെ അദ്ദേഹത്തിന്റെ വാക്കുകൾ എനിക്ക് പുതിയ ജീവിതം നൽകി.  നന്ദി ഉണ്ണി… സ്വപ്‌നങ്ങള്‍ ഇത്രമേല്‍ മധുരമാണ് എന്ന് എനിക്ക് മനസിലാക്കി തന്നതിന്.. ജീവിതം ഇത്രമേല്‍ മനോഹരമാണെന്ന് എന്നെ പഠിപ്പിച്ചതിന്…
സ്നേഹത്തോടെ ഷാമില എന്നും ആ കുറിപ്പിൽ പറയുന്നു…