മുരളിയുടെ ദയനീയാവസ്ഥ ജയനെ സ്നേഹിക്കുന്നവർക്ക് വേദന പകരുന്നതാണ് ! അദ്ദേഹത്തെ അപമാനിക്കാതിരിക്കാം ! ആലപ്പി അഷറഫ് !

മലയാള സിനിമയുടെ ആദ്യ ആക്ഷൻ സൂപ്പർ സ്റ്റാർ, ജയൻ എന്ന കൃഷ്ണൻ നായർ. ഇന്നും അദ്ദേഹം മലയാളികളുടെ ഹൃദയത്തിൽ ജീവിക്കുന്നു., അദ്ദേഹത്തിന്റെ വ്യക്തി ജീവിതം പലപ്പോഴും വാർത്തയായി മാറാറുണ്ട്. കുറച്ചു നാളുകളായി നമ്മൾ കേൾക്കുന്ന  ഒന്നാണ് ജയന്റെ ബന്ധുന്ധത്തെ ചൊല്ലിയുള്ള തർക്കങ്ങൾ. ജയനറെ മകനാണ് എന്ന് മുരളി എന്ന ആൾ രംഗത്ത് വരികയും പക്ഷെ ഇത് ജയന്റെ വീട്ടുകാർ ഉൾപ്പടെ പലരും എതിർക്കുകയും ആയിരുന്നു, പക്ഷെ ആ ചെറുപ്പക്കാരൻ ഇപ്പോഴും താൻ പറഞ്ഞ കാര്യങ്ങളിൽ ഉറച്ചു തന്നെ നിൽക്കുകയാണ്.

അദ്ദേഹത്തിന്റെ ദയനീയമായ ജീവിതം പലപ്പോഴും സമൂഹ മാധ്യമങ്ങളിൽ ചർച്ചയാകാറുണ്ട്. മുരളിക്കെതിരെ പലപ്പോഴും ജയന്റെ  കുടുംബക്കാർ നിയമപരമായി നടപ്പാകികൾ എടുക്കാറുമുണ്ട്. ഈ വിഷയത്തെ കുറിച്ച് സംവിധായകൻ ആലപ്പി അഷറഫ് മുമ്പൊരിക്കൽ പങ്കുവെച്ച ഒരു കുറിപ്പാണ് ഇപ്പോൾ വീണ്ടും ശ്രദ്ധ നേടുന്നത്.

ആ കുറിപ്പിൽ അദ്ദേഹം പറയുന്നതിങ്ങനെ,  ജയന് ഒരു മകനുണ്ടോ, തനിക്ക് ജൻമം നല്കിയ പിതാവിനെ കുറിച്ച് അമ്മ നല്കിയ വിവരത്തിൻ്റെ അടിസ്ഥാനത്തിലാണ് മുരളി ജയൻ ഇന്ന് പൊതു സമൂഹത്തിൻ്റെ മുന്നിൽ നിൽക്കുന്നത്. മലയാളികളുടെ മനസ്സിനെ കീഴടക്കിയ സാഹസീക നായകൻ ജയൻ്റെ ഏക മകനാണന്ന അവകാശവാദവുമായ് ഒരു ചെറുപ്പക്കാരൻ മലയാളിയുടെ പൊതു മനസ്സാക്ഷിയുടെ അംഗീകാരത്തിനായ് കൈകൂപ്പിനിലക്കുന്ന കാഴ്ചയാണ് സാമൂഹ്യ മാദ്ധ്യമങ്ങളിൽ പലപ്പോഴും കാണുന്ന കൗതകം.

നമ്മുടെ വ്യവസായ മന്ത്രിയും കമ്മ്യൂണിസ്റ്റ് നേതാവുമായിരുന്ന ടി വി തോമസിന് ഒരു മകനുണ്ടായിരുന്നു മാക്സൺ. പക്ഷെ TVതാമസിൻ്റെ അവസാന കാലത്തായിരുന്നു മാക്സൺ തന്റെ മകനാണ് എന്ന് അദ്ദേഹം അംഗീകരിച്ചത്. അതിന് സാക്ഷ്യം വഹിച്ചത് സാക്ഷാൽ ഗൗരിയമ്മയും, അതുപോലെ സിനിമ രംഗത്തുള്ള നമ്മുടെ ജഗതി ചേട്ടൻ ജഗതി ശ്രീകുമാറിൻ്റെ മകൾ സ്വന്തം അച്ഛന്റെ പാതം തൊട്ട് തൊഴാൻ എത്തിയപ്പോൾ ദ്രൗപതിയെ പോലെ പരസ്യ വേദിയിൽ അപമാനിക്കപ്പെട്ടു. ആ പെൺകുട്ടിയുടെ കണ്ണീരും കേരളം കനിവോടെയാണ് കണ്ടത്. ഒടുവിൽ ആ മകൾക്കും നീതികിട്ടി.

ഇപ്പോഴിതാ മുരളി എന്നൊരു ചെറുപ്പക്കാരനും തന്റെ പിതൃത്വം തെളിയിക്കാൻ, ജയൻ ആൻ തനറെ അച്ഛൻ എന്ന് പൊതു സമൂഹത്തിൻ്റെ മുന്നിൽ ചില തെളിവുകൾ നിരത്തി പറയുമ്പോൾ, ആ പുത്രൻ്റെ ദയനീയവസ്ഥ ജയനെ സ്നേഹിക്കുന്നവർക്ക് വേദന പകരുന്നതാണ്.ജയൻ്റെ മകനാണ് മുരളിയെന്ന് കണ്ണടച്ച് വിശ്വസിക്കണമെന്നില്ല. എന്നാൽ ജയൻ്റെ ചില രൂപസാദൃശ്യങ്ങൾ ദൈവം മുരളിക്ക് നല്കിയിട്ടുണ്ടന്നത് നമ്മെ ചിന്തിക്കാൻ പ്രേരിപ്പിക്കുന്നു.

ഇതിന് നിയമപരമായി ഒരു തീർപ്പ് ഉണ്ടാകുന്നതുവരെ, ജയൻ്റ മകനല്ലന്ന് പറഞ്ഞു നമുക്ക് അയാളെ വേദനിപ്പിച്ച്, അപമാനിക്കാതിരിക്കാം. തൽക്കാലം അദ്ദേഹത്തെ ജയൻ്റെ മകനായ് തന്നെ നമ്മൾ കാണേണ്ടതല്ലേ.. പിതൃത്വം അംഗീകരിച്ചുകിട്ടാനായ് കൈകൂപ്പിനിലക്കുന്ന നിസ്സഹായനോട് പരിഷ്കൃത സമൂഹം അങ്ങിനെയല്ലേ വേണ്ടത് എന്നും അഷ്‌റഫ് ചോദിക്കുന്നു.