മാപ്പ് പറയണമെങ്കിൽ അതിനും തയ്യാറാണ് ! പ്രതിഫലവും കൃത്യമായി നൽകിയതാണ് ! മാനുഷികപരഗണന എങ്കിലും നല്‍കാമായിരുന്നു ! അഹാനക്കെതിരെ നിർമ്മാതാവ്

ഇപ്പോഴിതാ മലയാളത്തിലെ യുവ നടിമാർ സിനിമയുടെ പ്രൊമോഷന് സഹകരിക്കുന്നില്ല എന്ന പരാതിയുമായി ഒന്നിൽ കൂടുതൽ നിർമ്മാതാക്കളാണ് രംഗത്ത് വരുന്നത്. കഴിഞ്ഞ ദിവസം നടി അനശ്വര രാജനെതിരെ ആയിരുന്നു എങ്കിൽ ഇന്ന് അത് നടി അഹാനക്കെതിരെയാണ്, അഹാന നായികയായി എത്തുന്ന ഏറ്റവും പുതിയ സിനിമ ‘നാന്‍സി റാണി’യുടെ പ്രമോഷന് നായിക അഹാന എത്താതിനെതിരെ സംവിധായകന്റെ ഭാര്യ ഇപ്പോൾ രംഗത്ത് വന്നിരിക്കുകയാണ്.

അന്തരിച്ച സംവിധായകന്‍, ജോസഫ് മനു ജെയിംസിന്റെ ഭാര്യ നൈന ആണ് പ്രസ് മീറ്റില്‍ അഹാനയ്‌ക്കെതിരെ ആരോപണം ഉന്നയിച്ചിരിക്കുന്നത്. സിനിമ റിലീസിന് ഒരുങ്ങുന്ന വേളയില്‍ 2023 ഫെബ്രുവരി 25ന് ആയിരുന്നു ജോസഫ് മനുവിന്റെ വിയോഗം. മഞ്ഞപ്പിത്തം ബാധിച്ചായിരുന്നു മ,ര,ണം. ശേഷം അദ്ദേഹത്തിന്റെ ഭാര്യ നൈന സിനിമയുടെ പ്രൊഡക്ഷൻ ജോലികൾ ഏറ്റെടുത്ത് പൂർത്തിയാക്കുകയായിരുന്നു.

ചിത്രത്തിന്റെ റിലീസുമായി ബന്ധപ്പെട്ട് കഴിഞ്ഞ ദിവസം നടന്ന സിനിമയുടെ പ്രസ് മീറ്റില്‍ സിനിമയിലെ മറ്റു താരങ്ങളായ അജു വര്‍ഗീസ്, സോഹന്‍ സീനു ലാല്‍, ദേവി അജിത്ത് എന്നിവര്‍ പങ്കെടുത്തിരുന്നു. തന്റെ ഭര്‍ത്താവും അഹാനയും തമ്മില്‍ ചെറിയ പ്രശ്നങ്ങള്‍ ഉണ്ടായിരുന്നുവെന്നും എന്നാല്‍ അതെല്ലാം നടന്നിട്ട് മൂന്ന് വര്‍ഷം കഴിഞ്ഞെന്നും നൈന പറഞ്ഞു.

പക്ഷെ അഹാന ഇപ്പോഴും അത് മനസ്സിൽ കൊണ്ടുനടക്കുന്നു, അഹാനയോട് ഞാന്‍ സംസാരിച്ചിരുന്നു. പിആര്‍ഒ, പ്രൊഡക്ഷന്‍ ടീം എല്ലാവരും സംസാരിച്ചിരുന്നു. മനു ഉണ്ടായിരുന്ന സമയത്ത് എന്തെങ്കിലും പ്രശ്‌നങ്ങള്‍ ഉണ്ടായിരുന്നിരിക്കാം. പുള്ളിക്കാരി അതിപ്പോഴും മറന്നിട്ടുണ്ടാവില്ല. മൂന്ന് വര്‍ഷം കഴിഞ്ഞു. സ്വാഭാവികമായിട്ടും മാനുഷിക പരിഗണന എന്നുള്ളത് ഉണ്ടാവേണ്ടതാണ്. പ്രശ്‌നങ്ങള്‍ മറന്ന് സഹകരിക്കേണ്ടതാണ്. വരാത്തത് എന്തുകൊണ്ടാണെന്ന് എനിക്ക് അറിയില്ല.

ഒരുപാട് പ്രതിസന്ധികളെ തരണം ചെയ്താണ് ഞാൻ ഈ സിനിമ വീണ്ടും റിലീസിന് എത്തിക്കുന്നത്, ഇപ്പോഴും പ്രതിസന്ധികള്‍ ഒരുപാട് ഉണ്ട്. അത് പുറത്തുപറയാന്‍ ഇപ്പോള്‍ കുറച്ച് ബുദ്ധിമുട്ടുണ്ട്. ഇപ്പോള്‍ നിശബ്ദയായി ഇരിക്കുന്നതാണ് നല്ലതെന്ന് തോന്നുന്നു. സിനിമയില്‍ പ്രധാന വേഷം ചെയ്യുന്ന ഒരു താരം മാര്‍ക്കറ്റിങിനോ പ്രമോഷനോ ഒന്നും സഹകരണമില്ലാതെ നില്‍ക്കുമ്പോള്‍ നിങ്ങള്‍ക്ക് ഊഹിക്കാം. പ്രതിഫലമൊക്കെ മുഴുവന്‍ കൊടുത്തു തീര്‍ത്തതാണ്. എഗ്രിമെന്റിലും പ്രമോഷന് പങ്കെടുക്കണമെന്നുള്ളതാണ്.

അജു വർഗീസ് പറഞ്ഞത് പോലെ ഉന്തികേറ്റി വലിച്ചു വച്ച് മുഴച്ചു നില്‍ക്കുന്നതിനേക്കാളും നല്ലത് ഇങ്ങനെ തന്നെ പോകുന്നതാണ്. ഇല്ലാത്ത നഷ്ടം വരികയാണെങ്കില്‍ സ്വയം സഹിക്കുക. ഞങ്ങള്‍ക്കു കഴിയാവുന്നതിന്റെ അത്രത്തോളം അപേക്ഷിച്ചു. ഇതില്‍ കൂടുതല്‍ എങ്ങനെയാണ് ചെയ്യുക. ഇനി എന്തെങ്കിലും ഉണ്ടെന്നുണ്ടെങ്കില്‍ അതിന് മാപ്പ് പറയണമെങ്കില്‍ അതുവരെയും ചെയ്തിട്ടുള്ളതാണ്, എന്നും നൈന പറയുന്നു. ഇതിനെ തുടർന്ന് അഹാനക്കെതിരെ നിരവധി വിമർശനമാണ് സമൂഹ മാധ്യമങ്ങളിൽ ഉയരുന്നത്.