നടി സൗന്ദര്യ ഓർമ്മയായിട്ട് ഇന്നേക്ക് 18 വർഷം ! മടുത്തു, ഇനി അഭിനയിക്കുന്നില്ല, ഞാൻ രണ്ട് മാസം ഗർഭിണിയാണ് ! ആ അവസാന വാക്കുകൾ…!

മലയാളികൾക്ക് ഏറെ പരിചിതയും പ്രിയങ്കരിയുയമായ അഭിനേത്രിയാണ് സൗന്ദര്യ. ഒരു സമയത്ത് തെന്നിന്ത്യൻ സിനിമകളിൽ നിറഞ്ഞു നിന്ന സൗന്ദര്യ മലയാളത്തിൽ രണ്ടു ചിത്രങ്ങൾ മാത്രമേ  ചെയ്തിരുന്നുള്ളു എങ്കിലും അത് രണ്ടും ഏറെ ശ്രദ്ധ നേടിയ ചിത്രങ്ങൾ ആയിരുന്നു. ജയറാം ചിത്രം യാത്രക്കാരുടെ ശ്രദ്ധക്ക്, മോഹൻലാൽ ചിത്രം കിളിച്ചുണ്ടൻ മാമ്പഴം. പേരുപോലെ തന്നെ അതിസുന്ദരിയായ സൗന്ദര്യ ഒരു ബ്രാഹ്മണ കുടുംബത്തിലാണ് ജനിച്ചത്. ഹിന്ദിയിൽ അമിതാബ് ബച്ചന്റെ നായകനായി അഭിനയിച്ച സൂര്യവംശം എന്ന ചിത്രം നടിയുടെ ജീവിതത്തിൽ കൂടുതൽ ശ്രദ്ധനേടി. ദേശീയ, സംസ്ഥാന ചലച്ചിത്രപുരസ്കാരങ്ങൾ നേടിയെടുത്ത അഭിനേത്രികൂടിയാണ് അവർ. മണിച്ചിത്രത്താഴിന്റെ കന്നഡ റീമേക്ക് ആയിരുന്ന ആപ്തമിത്ര ആയിരുന്നു നടിയുടെ അവസാന ചിത്രം.

ഒരു മെഡിക്കൽ വിദ്യാർഥി ആയിരുന്ന അവർ തന്റെ പഠനകാലത്ത് തന്നെ നിരവധി അവസരങ്ങൾ വരികയും തുടർന്ന് എം.ബി.ബി.എസ് പഠനം ഉപേക്ഷിച്ചിട്ടാണ് അവർ സിനിമ ലോകത്ത് എത്തിയത്.  ആദ്യ ചിത്രം ‘അമ്മൊരു’ ഹിറ്റായതോടെ നടിയെ തേടി ഒരുപാട് അവസരങ്ങൾ വന്നു, അതുകൊണ്ട് പഠനം പാതി വഴിയിൽ ഉപേക്ഷിച്ചാണ് അവർ സിനിമ ലോകത്ത് സജീവമായത്. ഒരു നടി എന്നത് കൂടാതെ അവർ ഒരു നിർമാതാവും ആയിരുന്നു. ‘ദ്വീപ’ എന്ന ചിത്രം നിർമിക്കുകയും ആ ചിത്രത്തിന് ദേശിയ പുരസ്‌കാരം വരെ ലഭിക്കുകയും ചെയ്തിരുന്നു. 2003 ഏപ്രില്‍ 17 നാണ് സൗന്ദര്യ തന്റെ ബാല്യകാല സുഹൃത്തും സോഫ്‌റ്റ്വെയര്‍ എന്‍ജീനിയറുമായ രഘുവിനെ വിവാഹം ചെയ്യുന്നത്, തന്റെ വിവാഹ വാർഷികത്തിന് വെറും പത്ത് ദിവസം മാത്രം ബാക്കി നിൽക്കെ ആയിരുന്നു ഏവരെയും ഞെട്ടിച്ചുകൊണ്ട് സൗന്ദര്യ തന്റെ 31 മത്തെ വയസ്സിൽ ഈ ലോകത്തോട് വിട പറഞ്ഞത്.

സൗന്ദര്യയുടെ വിയോഗ ശേഷം അവരുമായി വളരെ അടുത്ത സൗഹൃദം ഉണ്ടായിരുന്ന സംവിധായകൻ ഉദയകുമാര്‍ അവരെ കുറിച്ച് ചില കാര്യങ്ങൾ തുറന്ന് പറഞ്ഞിരുന്നു. ആ വാക്കുകൾ ഇങ്ങനെ ആയിരുന്നു. ഇത്രയും സ്നേഹവും ബഹുമാനവും ഉള്ള മറ്റൊരു അഭിനേത്രിയാ ഞാൻ കണ്ടിട്ടില്ല.  അവർ തന്നെ അണ്ണാ എന്നായിരുന്നു വിളിച്ചിരുന്നത് എന്നും തനിക്ക് സ്വന്തം സഹോദരിയെ പോലെ ആയിരുന്നു സൗന്ദര്യ. അവർ വളരെ കഴിവുള്ള നടി ആയിരുന്നത്കൊണ്ട് തന്നെ പല സിനിമകളിലേക്കും താൻ അവരെ റെഫർ ചെയ്തിരുന്നു. ചിരൻചീവിയുടെ ചിത്രത്തിലേക്ക് സൗന്ദര്യയെ നിർദേശിച്ചതും താനായിരുന്നു. അതുകൊണ്ടുതന്നെ വലിയ നടിയായപ്പോഴും അവർ തന്നെ വിളിക്കാറുണ്ടായിരുന്നു.

പതിവില്ലാതെ അവർ വിടപറയുന്നതിന് തലേ ദിവസം തന്നെ വിളിച്ചിരുന്നു, ഇനി അഭിനയിക്കുന്നില്ലെന്നും, തനിക്കു മടുത്തു, തിരക്കുകൾ ഒരുപാടാകുന്നു, താനിപ്പോൾ രണ്ട് മാസം ഗര്‍ഭിണിയാണെന്ന സന്തോഷ വാർത്തയാണ് അന്ന് അവർ പറഞ്ഞിരുന്നത്, കൂടാതെ ഇനി സിനിമയിൽ തുടരുന്നില്ല എന്നും, സഹോദരനോപ്പം താൻ ബിജെപിയുടെ പ്രചരണത്തിന് പോകുകയാന്നെനും സഹോദരൻ ഒപ്പമുണ്ടെന്നും അവർ പറഞ്ഞിരുന്നു. എന്നാൽ പിറ്റേ ദിവസം ആ ദുഖ വാർത്ത എന്നെ ഏറെ വിഷമിപ്പിച്ചിരുന്നു എന്നും അദ്ദേഹം പറയുന്നു… സൗന്ദര്യ ബാംഗ്ലൂരില്‍ പാവപ്പെട്ട കുട്ടികള്‍ക്കും അനാഥര്‍ക്കുമായി മൂന്ന് സ്‌കൂളുകള്‍ ആരംഭിച്ചിരുന്നു. ഇന്നും നടിയുടെ അമ്മ ആ സ്‌കൂളുകള്‍ നോക്കി നടത്തി പോരുന്നു.