അമ്മയാകാൻ, കുഞ്ഞ് ശരീരത്തിൽ നിന്ന് തന്നെ വരണമെന്നില്ല ! അവളെ എന്റെ കൈയിൽ കിട്ടിയ ആ നിമിഷം മുതൽ ഞാൻ അമ്മയായി ! അഭിരാമി തുറന്ന് പറയുന്നു !

മലയാളികൾക്ക് വളരെ പ്രിയങ്കരിയായ അഭിനേത്രിയാണ് അഭിരാമി. ഒരു സമയത്ത് അവർ തെന്നിന്ത്യൻ സിനിമയിൽ തന്നെ വളരെ തിരക്കുള്ള ഒരു അഭിനേത്രിയായിരുന്നു. 1995 ൽ അടൂർ ഗോപല കൃഷ്ണൻ സംവിധാനം ചെയ്ത ‘കഥാപുരുഷൻ’ എന്ന ചിത്രത്തിൽ ബാലതാരമായിട്ടാണ് അഭിരാമി സിനിമയിൽ തുടക്കം കുറിക്കുന്നത്. ശേഷം 1999 ൽ റിലീസ് ചെയ്ത സുരേഷ് ഗോപി സൂപ്പർഹിറ്റ് ചിത്രം ‘പത്രം’ എന്ന സിനിമയിൽ കൂടിയാണ് വീണ്ടും സിനിമ ലോകത്ത് സജീവമാകുന്നത്. ശേഷം അതെ വര്ഷം തന്നെയാണ് അവർ ജയറാമിന്റെ നായികയായി ഞങ്ങൾ സന്തുഷ്ടരാണ് എന്ന ചിത്രം ചെയ്തിരുന്നത്. 2009 ലാണ് വിവാഹം നടക്കുന്നത്.. മലയാളത്തിലെ ഒരുകാലത്തെ അറിയപ്പെടുന്ന യുക്തിവാദിയും സാഹിത്യ നിരൂപകനും ഇടതുപക്ഷ രാഷ്ട്രീയ പ്രവർത്തകനുമായിരുന്നു ‘പവനൻ’ എന്ന ആളുടെ ചെറുമകനാണ് അഭിരാമിയുടെ ഭർത്താവ് രാഹുൽ പവനൻ.

ഈ കഴിഞ്ഞ മാതൃദിനത്തിൽ അഭിരാമി വളരെ സന്തോഷമുള്ള ഒരു വാർത്ത പങ്കുവെച്ചിരുന്നു. താൻ അമ്മയായ സന്തോഷമാണ് അഭിരാമി സമൂഹ മാധ്യമങ്ങളിൽ കൂടി പങ്കുവെച്ചത്. നടിയുടെ വാക്കുകൾ ഇങ്ങനെ, പ്രിയ സുഹൃത്തുക്കളെ ഞാനും രാഹുലും കല്‍കി എന്ന മകളുടെ അച്ഛനും അമ്മയുമായി എന്നാണ് അഭിരാമി പറഞ്ഞത്, കഴിഞ്ഞ വര്‍ഷമാണ് ഞങ്ങള്‍ ഒരു മകളെ ദത്തെടുത്തത്, അത് ഞങ്ങളുടെ ജീവിതത്തെ എല്ലാ അര്‍ത്ഥത്തിലും മാറ്റിമറിക്കുന്ന ഒന്നായി മാറി. എന്നും അഭിരാമി പറഞ്ഞിരുന്നു.

ഇപ്പോഴിതാ തന്റെ മകളെ കുറിച്ച് കൂടുതൽ സംസാരിച്ചിരിക്കുകയാണ് അഭിരാമി, ബിഹൈൻഡ്വുഡ്‌സിന് നൽകിയ അഭിമുഖത്തിൽ സംസാരിക്കുകയായിരുന്നു താരം, അവരുടെ വാക്കുകൾ ഇങ്ങനെ, കൽക്കി സുഖമായി ഇരിക്കുന്നു. ഭയങ്കര കുറുമ്പിയാണ്. അവൾ വിചാരിക്കുന്നതെ നടത്തുകയുള്ളൂ എന്ന വാശിയൊക്കെ ഉണ്ട്. ഒരു വയസ്സ് ആകുന്നത് ഉള്ളൂ. ഭക്ഷണമൊക്കെ തനിയെ വാരി കഴിക്കാൻ തുടങ്ങിയിട്ടുണ്ട്. നമ്മൾ വാരി കൊടുത്താൽ കൈ ഒക്കെ തട്ടിക്കളയും. നടക്കാൻ ഒക്കെ തുടങ്ങി. കുറച്ചു ദിവസം മുൻപേ സ്റ്റെയർ കയറാനൊക്കെ പഠിച്ചു. ഇപ്പോൾ കണ്ണ് തെറ്റിയാൽ അപ്പോൾ പടി കയറാൻ തുടങ്ങും. എപ്പോഴും ഒരാൾ കൂടെ ഉണ്ടാകണം.

രാഹുലിന്റെ അച്ഛനും അമ്മയും സഹായിക്കാനുണ്ട്, ഇടക്കൊക്കെ ഞാൻ ഷൂട്ടിന് പോകുമ്പോൾ കൊടുപോകാറുണ്ട്. എല്ലാം നല്ല രാസമായിട്ട് പോകുന്നു, കുഞ്ഞിനെ ദത്തെടുത്ത കാര്യം നേരത്തെ പറയാതിരുന്നത് കുറച്ച് നിയമ വശങ്ങൾ കൂടി ക്ലിയർ ആകാനുണ്ടായിരുന്നു. നമ്മൾ ഒരു അമ്മയാകാൻ കുഞ്ഞു ശരീരത്തിൽ നിന്നും തന്നെ വരണം എന്നൊന്നുമില്ല. നമ്മുടെ കൈയ്യിൽ കിട്ടിയത് മുതൽ നമ്മൾ ആ ബന്ധം തുടങ്ങി കഴിഞ്ഞെന്നും അഭിരാമി പറയുന്നു. അവൾ ജീവിതത്തിലേക്ക് വന്നതിന് ശേഷം എനിക്ക് ഒരുപാട് മാറ്റങ്ങൾ ഉണ്ടായി, അതിൽ ഏറ്റവും വലുത് സഹന ശക്തിയാണ്, ഉറക്കമില്ലാത്ത രാത്രികൾ ആയിരുന്നു തന്റേത് എന്നും, അവൾക്ക് വേണ്ടി എന്ത് ചെയ്യാനും ഒരു മടിയും ഇല്ലന്നും അഭിരാമി പറയുന്നു.