എന്നെയും ലാലേട്ടനെയും കുറിച്ച് ആവശ്യമില്ലാത്ത കാര്യങ്ങൾ പ്രചരിപ്പിക്കരുത് ! അദ്ദേഹത്തെ കുറിച്ച് ഞാൻ അങ്ങനെ ഒന്നും പറഞ്ഞിട്ടില്ല ! ഹണി റോസ് പറയുന്നു !

ഇന്ന് ഇപ്പോൾ തെന്നിന്ത്യ ഒട്ടാകെ അറിയപ്പെടുന്ന പ്രശസ്ത താരമായി മാറിയ നടിയാണ് ഹണി റോസ്. മലയാളത്തിൽ മണികുട്ടന്റെ നായികയായി ബോയ്‌ഫ്രണ്ട്‌ എന്ന ചിത്രത്തിൽ കൂടിയാണ് ഹണി സിനിമ ലോകത്തേക്ക് എത്തുന്നത്. ശേഷം സൂപ്പർ സ്റ്റാറുകളുടെ ചിത്രങ്ങളുടെ ഭാഗമായതോടെ ഹണി സിനിമയിൽ കൂടുതൽ തിളങ്ങാൻ തുടങ്ങി. ബിഗ് ബ്രദർ, ഇട്ടിമാണി, മേഡ് ഇൻ ചൈന, കനൽ, മോൺസ്റ്റർ  എന്നീ സിനിമകളിൽ സൂപ്പർസ്റ്റാർ മോഹൻലാലിനൊപ്പവും, ദൈവത്തിന്റെ സ്വന്തം ക്ലീറ്റസ്സിൽ’ മെഗാസ്റ്റാർ മമ്മൂട്ടിക്കൊപ്പവും, സർ സി.പിയിൽ ജയറാമിന് ഒപ്പവും, മൈ ഗോടിൽ സുരേഷ് ഗോപിയ്ക്കൊപ്പവും, റിങ് മാസ്റ്ററിൽ ദിലീപിനൊപ്പവും എത്തിയതോടെ ഹണി മലയാളത്തിലെ മുൻനിര നായികയായി മാറുകയായിരുന്നു.

മോൺസ്റ്റർ ആയിരുന്നു ഹണിയുടെ ഏറ്റവും ഒടുവിൽ റിലീസ് ചെയ്ത മലയാള ചിത്രം. ചിത്രത്തിൽ വളരെ ശക്തമായ ഒരു കഥാപാത്രമാണ് ഹണി ചെയ്തിരിക്കുന്നത്. കരിയറിലെ തന്നെ ഏറ്റവും മികച്ച കഥാപാത്രം എന്നാണ് ആരധകരുടെ വിലയിരുത്തൽ. ഇപ്പോൾ അടുത്തിടെയായി ഉത്‌ഘാടന വേദികളിലും ഹണി ശോഭിക്കുന്നുണ്ട്. ഇപ്പോഴിതാ തന്റെ വിവാഹ സ്വപ്നങ്ങളെ കുറിച്ചാണ് ഹണി പറഞ്ഞിരിക്കുന്നത്.

പ്രണയം കുടുംബ ജീവിതം എല്ലാം ഇഷ്ടമാണ്, പക്ഷെ ഈ വിവാഹത്തോട് താല്പര്യമില്ല. കല്യാണം കഴിക്കുന്നത് തനിക്ക് പ്രശ്നമാകുന്നത് പോലെ മറ്റൊരാളുടെ കല്യാണത്തിന് പോകുന്നതും ഇഷ്ടമല്ലെന്ന് ഹണി റോസ് പറയുന്നു.  സ്‌കൂളില്‍ പഠിക്കുന്ന സമയത്ത് കുറേ ഇന്‍സിഡന്റ് ഉണ്ടായിട്ടുണ്ട്.

അവരെല്ലാം ഇങ്ങോട്ട് വന്നു ഇഷ്ടം പറയുകയായിരുന്നു. ഒരു പാര്‍ട്ണര്‍ ലൈഫില്‍ ഉണ്ടാവുന്നത് എനിക്ക് ഇഷ്ടമാണ്. പക്ഷെ കല്യാണം അതിന്റെ ബഹളങ്ങളൊന്നും എനിക്ക് ഇഷ്ടമല്ല. അത് എനിക്ക് ചിന്തിക്കാന്‍ പോലും പറ്റില്ല. എപ്പോഴും അതില്‍ എനിക്ക് വലിയ പ്രശ്നം തോന്നാറുണ്ട്. കുറേ ആളുകള്‍, ബഹളങ്ങള്‍, ക്യാമറകള്‍ അതിനിടയില്‍ നില്‍ക്കുന്നു. കുറേ പൈസയുള്ളത് കാണിക്കാന്‍ വേണ്ടി ചെയ്യുന്നതായിട്ടാണ് തോന്നിയിട്ടുള്ളത്. അല്ലാതെ വിവാഹം ആരും ആസ്വദിക്കുന്നതായിട്ട് എനിക്ക് തോന്നിയിട്ടില്ല എന്നും ഹണി റോസ് പറയുന്നു.

അതുപോലെ ഞാൻ പറയാത്തൊരു കാര്യം അടുത്തിടെ പ്രചരിച്ചതിനെ കുറിച്ചും ഹണി സംസാരിച്ചിരുന്നു. മോഹന്‍ലാല്‍ സാര്‍ എന്റെ ജീവിതത്തിലെ പല ഘട്ടങ്ങളിലും കൈത്താങ്ങ് ആയിരുന്നെന്ന് ഞാന്‍ പറഞ്ഞുവെന്ന തരത്തിലുള്ള വാര്‍ത്തകളാണ് പ്രചരിച്ചത്. ഇതിന്റെ സ്‌ക്രീന്‍ഷോട്ട് ആരൊക്കെയോ അയച്ച് തന്നു. ഇങ്ങനൊരു സ്‌റ്റേറ്റ്‌മെന്റ് ഞാനെവിടെയും പറഞ്ഞിട്ടില്ല.

ഈഷ്വര്യ അനുഗ്രഹത്താൽ  എന്റെ ജീവിതത്തിൽ  അങ്ങനൊരു പ്രസ്താവന പറയേണ്ട സാഹചര്യവും ഇതുവരെ  ഉണ്ടായിട്ടില്ല. ഇതൊക്കെ ലാൽ സാർ കണ്ടാൽ എന്ത് വിചാരിക്കും, ഈ കുട്ടി എന്തൊക്കെയാണ് ഈ വിളിച്ച് പറയുന്നത് എന്ന് ചിന്തിക്കില്ലേ എന്നായിരുന്നു എന്റെ ചിന്ത എന്നും ഹണി പറയുന്നു. ഞാൻ അത് ലാൽസിനോട് പറഞ്ഞപ്പോൾ ”അത് വിട്ടേക്കൂ കുട്ടി, ഇതൊക്കെ പാര്‍ട്ട് ഓഫ് ദ് ഗെയിം ആണ്, ശ്രദ്ധിക്കാന്‍ പോവേണ്ടെന്നാണ്”, അദ്ദേഹത്തിന്റെ മറുപടിയെന്നും’, ഹണി പറയുന്നു.